• HOME
  • »
  • NEWS
  • »
  • national
  • »
  • ஜீன்ஸ் பேண்ட் போடுவியா.. 17 வயது சிறுமியை அடித்தே கொன்ற குடும்பத்தினர்..

ஜீன்ஸ் பேண்ட் போடுவியா.. 17 வயது சிறுமியை அடித்தே கொன்ற குடும்பத்தினர்..

சிறுமி கொலை

சிறுமி கொலை

ஆஸ்பத்திரிக்கு கூட்டிக்கிட்டு போறேன்னு சொன்னாங்க. குழந்தையை கொன்னுட்டு வந்திருக்காங்கன்னு அவரது அத்தை கண்ணீர் வடிக்கிறார்.

  • Share this:
    உத்தரப்பிரதேசத்தில் 17 வயது சிறுமி ஜீன்ஸ் பேண்ட் அணிந்ததற்காக அவரது குடும்பத்தினரால் அடித்துக்கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது.

    உத்தரப்பிரதேச மாநிலம் தியோரியா மாவட்டத்தில் உள்ள ஒரு பாலத்தில் இளம்பெண்ணின் சடலம் தலைகீழாக தொங்கிக்கொண்டிருந்தது. இதனையடுத்து உள்ளூர் போலீஸாருக்கு தகவல் தெரிவிக்கப்பட்டது. சம்பவ இடத்துக்கு விரைந்த போலீஸார் சடலத்தை கைப்பற்றி விசாரணையை மேற்கொண்டதில் அதிர்ச்சிகரமான தகவல் வெளியானது. சிறுமியை அவரது குடும்பத்தினரே அடித்துக்கொலை செய்துள்ளனர். கொலையை மறைப்பதற்காக சிறுமியின் உடலை பாலத்தில் இருந்து வீச முயற்சித்தது விசாரணையில் தெரியவந்துள்ளது.

    விசாரணையில் வெளியான அதிர்ச்சித் தகவல்

    சிறுமியின் தந்தை பஞ்சாப்பில் வேலை செய்துவருகிறார். சிறுமியின் குடும்பத்தினர் லூதியானாவில் தான் இருந்துள்ளனர். சமீபத்தில் தான் தியோரியாவில் உள்ள அவரது தாத்தா வீட்டுக்கு வந்துள்ளனர். சிறுமி நகரத்தில் பிறந்து வளர்ந்ததால் சாதாரணமாக ஜீன்ஸ் பேண்ட், டீ-சர்ட் அணிந்து பழக்கப்பட்டுள்ளார். தியோரியா வந்தும் அந்த உடைகள் அணிந்துள்ளார். இது அவரது தாத்தா மற்றும் மாமாவுக்கு பிடிக்கவில்லை. உடைகட்டுப்பாடு வேண்டும் என சிறுமியை எச்சரித்துள்ளனர். ஜீன்ஸ் பேண்ட் அணிவதில் என்ன பிரச்னை என கேட்டுள்ளார். இதுகுறித்து அவரது தாத்தாவுடன் வாக்குவாதம் செய்துள்ளார்.

    Also Read:  மொபைல் கேம் விளையாடியதை கண்டித்த தந்தை; 10 வயது சிறுவன் தூக்கிட்டு தற்கொலை!

    இந்நிலையில் கடந்த சில தினங்களுக்கு முன்பு ஜீன்ஸ், டீ ஷர்ட் அணிந்து வெளியில் செல்ல முயன்றுள்ளார். அவரது தாத்தா அதற்கு எதிர்ப்பு தெரிவித்துள்ளார். சிறுமி வாக்குவாதம் செய்ய அவரது தாத்தா மற்றும் மாமா ஆகியோர் சேர்ந்து அவரை தடியை கொண்டு கடுமையாக தாக்கியுள்ளனர். இதில் சிறுமி மயக்கமடைந்துள்ளார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    சிறுமியை மருத்துவமனைக்கு அழைத்துச்செல்வதாக ஆட்டோவில் ஏற்றிச் சென்றுள்ளனர். மருத்துவமனைக்கு செல்லும் வழியிலே சிறுமி உயிரிழந்ததாக கூறப்படுகிறது. இதனையடுத்து சிறுமியை கொலை செய்த அச்சத்தில் என்ன செய்வது என தெரியாமல் இருந்துள்ளனர்.திரும்பும் வழியில் இருந்த பாலத்தில் இருந்து சிறுமியின் உடலை தூக்கிவீசிவிட்டு சென்றுள்ளனர். அவரது உடல் பாலத்தில் இருந்த கம்பிகளில் சிக்கிக்கொண்டது. உள்ளுர்வாசிகள் சிறுமியின் உடல் பாலத்தில் இருப்பதைக்கண்டு போலீஸாருக்கு தகவல் தெரிவித்தநிலையில் இதுகுறித்து விசாரணை மேற்கொண்டு அவரது தாத்தா, மற்றும் கொலையை மறைக்க உடந்தையாக இருந்த ஆட்டோ டிரைவரையும் கைது செய்துள்ளனர். தலைமறைவாக உள்ள சிறுமியின் உறவினர்களை தேடி வருகின்றனர்.

    இதுகுறித்து பேசிய சிறுமியின் அத்தை, அந்த பொண்ணு மேலயும் அவங்க அம்மா மேலயும் இவங்க எல்லாத்துக்கும் ஒரே பொறாமை. அவங்க என்ன சாப்பிடுறாங்க. என்ன துணி உடுத்துறாங்கன்னு அவங்க மேலயே கண்ணா இருப்பாங்க. அந்த பொண்ண இரும்பி கம்பியை வச்சு அடி அடின்னு அடிச்சாங்க. அவ மயக்கம் போட்டு விழுந்துட்டா. ஆஸ்பத்திரிக்கு கூட்டிக்கிட்டு போறேன்னு சொன்னாங்க. குழந்தையை பாலத்துல தூக்கிவீசிட்டு வந்திருக்காங்கன்னு” கண்ணீர் வடிக்கிறார்.



    உடனடி செய்திகளுக்கு இணைந்திருங்கள்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Ramprasath H
    First published: