3 மாநில சட்டமன்றத் தேர்தல்... முந்தும் பாஜக... வாக்கு எண்ணிக்கை நிலவரம்...!

3 மாநில சட்டப்பேரவைத் தேர்தல் வாக்கு எண்ணிக்கை இன்று காலை தொடங்கியது. பல சுற்றுகளாக நடைபெற்று வரும் வாக்கு எண்ணிக்கை முன்னிலை நிலவரங்கள் தற்போது வெளியாகி வருகின்றன. மேகாலயா, நாகலாந்து மற்றும் திரிபுரா ஆகிய மாநிலங்களில் தலா 60 சட்டப்பேரவை இடங்கள் உள்ள நிலையில், ஆட்சி அமைக்க பெரும்பான்மைக்கு 30 தொகுதிகள் தேவை.

காலை 10.30 மணி முன்னிலை நிலவரப்படி நாகாலாந்து மாநிலத்தில் ஆளும் NDPP- பாஜக கூட்டணி அதிகபட்சமாக 42 இடங்களில் முன்னிலை வகித்து வருகிறது. இதன்மூலம் பாஜக கூட்டணி மீண்டும் ஆட்சி அமைக்கும் வாய்ப்புகள் உண்டாகியுள்ளது. திரிபுரா மாநிலத்தில் ஆளும் பாஜக பெரும்பான்மைக்கு சற்றும் குறைவாக 27 இடங்களில் முன்னிலை வகிக்கிறது. இடதுசாரி கூட்டணியும், புதிய கட்சியான TIPRAவும் ஆளும் பாஜகவுக்கு கடும் போட்டியை தந்து கொண்டிருக்கின்றன.

இதையும் படிங்க: Erode East Bypoll 2023 Live Election Results: ஈரோடு கிழக்கு இடைத்தேர்தல் முடிவுகள் உடனுக்குடன்...

மேகாலயாவில் முதலமைச்சர் கார்னட் சங்மாவின் NPP கட்சி 23 இடங்களில் முன்னிலை பெற்று தனிப்பெரும் கட்சியாக உள்ளது. திரிணாமுல் காங்கிரஸ் 7 இடங்களிலும், பாஜக 6 இடங்களிலும் முன்னிலை பெற்றுள்ளன. ஆச்சரியம் அளிக்கும் விதமாக இதர வேட்பாளர்கள் 18 இடங்களில் முன்னிலை பெற்றுள்ளனர்.