Home /News /national /

எஸ்.சி., எஸ்.டி சட்டம் - உடனடி கைது கூடாது என்ற முந்தைய உத்தரவை திரும்பப் பெற்றது உச்ச நீதிமன்றம்

எஸ்.சி., எஸ்.டி சட்டம் - உடனடி கைது கூடாது என்ற முந்தைய உத்தரவை திரும்பப் பெற்றது உச்ச நீதிமன்றம்

News 18

News 18

  • News18
  • Last Updated :
    எஸ்.சி, எஸ்.டி., வன்கொடுமை தடுப்புச் சட்டத்தின் கீழ் புகார் அளித்தால் உடனடிக் கைது கூடாது என்ற முந்தைய உத்தரவை உச்ச நீதிமன்றம் திரும்பப் பெற்றுள்ளது.

    எஸ்.சி, எஸ்.டி. வன்கொடுமை தடுப்புச் சட்டம் தவறாக பயன்படுத்தப்படுவதாக தொடரப்பட்ட வழக்கை விசாரித்த உச்ச நீதிமன்றம், பாதிக்கப்பட்டவர்கள் எஸ்.சி., எஸ்.டி. சட்டத்தின்கீழ் புகார் அளித்தால், உடனடியாக கைது நடவடிக்கை எடுக்கக் கூடாது என்றும் தீவிர விசாரணைக்கு பின்பே கைது செய்ய வேண்டும் என்றும் கூறியிருந்தது.

    வன்கொடுமை சட்டத்தை நீர்த்து போகச்செய்யும் வகையில், இந்த தீர்ப்பு அமைந்திருந்ததாக நாடு முழுவதும் கடும் எதிர்ப்புகள் கிளம்பின. இதனால், கடும் அழுத்தத்துக்குள்ளான மத்திய அரசு,  நாடாளுமன்ற மழைக்கால கூட்டத்தொடரில், எஸ்.சி, எஸ்.டி சட்டத்தில் திருத்தம் செய்து நிறைவேற்றியது. அதன்படி, இந்த சட்டத்தின்கீழ் குற்றம் சாட்டப்பட்டவர்கள் முன்ஜாமீன் பெற முடியாது.

    அதேசமயம் உச்ச நீதிமன்ற  தீர்ப்பை மறுபரிசீலனை செய்யக்கோரி, மத்திய அரசு சார்பில் சீராய்வு மனுவும் தாக்கல் செய்யப்பட்டது.

    இவ்வழக்கின் வாதப்பிரதிவாதங்கள் கடந்த மாதம் 18-ம் தேதியுடன் நிறைவடைந்த நிலையில், தீர்ப்பு ஒத்திவைக்கப்பட்டது.

    இந்நிலையில், இந்த வழக்கில் நீதிபதிகள் அருண் மிஷ்ரா, வினீத் சரண், ரவீந்திர பட் ஆகியோர் கொண்ட அமர்வு இன்று தீர்ப்பு வழங்கியது.

    அதன்படி, பாதிக்கப்பட்டவர்கள் எஸ்சி, எஸ்டி சட்டத்தின் கீழ் புகார் அளித்தால், உடனடியாக கைது நடவடிக்கை எடுக்கக் கூடாது என்றும் தீவிர விசாரணைக்கு பின்பே கைது செய்ய வேண்டும் என்ற முந்தைய உத்தரவு ரத்து செய்யப்பட்டது.

    புகாரின் அடிப்படையில் உடனடி கைது நடவடிக்கை இருக்க வேண்டும் என்றும் புகாரின் அடிப்படையில் ஜாமின் வழங்குவது இருக்க வேண்டும் என்றும் தற்போது புதிய உத்தரவு வழங்கப்பட்டுள்ளது.
    Published by:Sankar
    First published:

    Tags: SC / ST Act

    அடுத்த செய்தி