செக்ஸ் வீடியோ காட்டி 4ம் வகுப்பு மாணவியை பாலியல் வன்புணர்வு செய்த தலைமை ஆசிரியர்!

Representational image

மாணவி அழுதுகொண்டே பார்க்க மாட்டேன் என தெரிவித்த போது கதவை உள்பக்கமாக பூட்டிய தலைமை ஆசிரியர் அத்துமீறி அந்த மாணவியை பாலியல் வன்புணர்வு செய்துள்ளார்.

  • Share this:
9 வயதாகும் 4ம் வகுப்பு மாணவி ஒருவருக்கு செக்ஸ் வீடியோ காட்டிய தலைமை ஆசிரியர், பள்ளி வகுப்பறையிலேயே அவரை பாலியல் வன்புணர்வு செய்த சம்பவம் அதிர்ச்சியை ஏற்படுத்தியுள்ளது.

உத்தரப்பிரதேச மாநிலம் சீதாபூரின் கோந்தலமாவ் பிளாக்கில் உள்ள பள்ளியில் 9 வயது மாணவி ஒருவர் 4ம் வகுப்பு படித்து வருகிறார். சம்பவத்தன்று இந்த மாணவியை பள்ளி வளாகத்தில் இருந்த யாரும் இல்லாத வகுப்பறைக்கு வருமாறு தலைமை ஆசிரியர் அழைத்துள்ளார். அங்கு வந்த மாணவிக்கு தலைமை ஆசிரியர் அருவறுக்கத்தக்க செக்ஸ் வீடியோவை காட்டியதாக கூறப்படுகிறது.

இதைப் பிடிக்காத மாணவி அழுதுகொண்டே பார்க்க மாட்டேன் என தெரிவித்த போது கதவை உள்பக்கமாக பூட்டிய தலைமை ஆசிரியர் அத்துமீறி அந்த மாணவியை பாலியல் வன்புணர்வு செய்துள்ளார்.

பள்ளியில் நடந்த சம்பவங்கள் குறித்து வீட்டுக்கு திரும்பிய அந்த 4ம் வகுப்பு மாணவி தனது தந்தையிடம் தெரிவித்துள்ளார். இதனை கேட்டு அதிர்ந்து போன அவரின் தந்தை சம்பந்தப்பட்ட தலைமை ஆசிரியர் மீது காவல்நிலையத்தில் புகார் அளித்துள்ளார்.

Also read:   சைடு கண்ணாடியை அட்ஜஸ்ட் செய்ய சொன்ன பயணிக்கு கத்திக்குத்து: ஊபர் கார் ஓட்டுனர் வெறிச்செயல்!!

இதையடுத்து மாணவியை பாலியல் வன்புணர்வு செய்ததாக பள்ளியின் தலைமை ஆசிரியர் மீது போஸ்கோ உள்ளிட்ட பிரிவுகளின் கீழ் வழக்குப்பதிவு செய்த காவல்துறையினர் அவரை கைது செய்தனர்.

பின்னர் இது குறித்து காவல்துறையினர் தங்களின் பாணியில் தலைமை ஆசிரியரிடம் விசாரித்த போது குற்றத்தை ஒப்புக்கொண்டிருக்கிறார். இந்த மாணவி தவிர்த்து அந்த ஆசிரியர் ஏற்கனவே சில முறை மாணவிகளிடம் தவறாக நடந்து கொண்டிருப்பதாகவும், ஆனால் சமூகத்தில் தனது அந்தஸ்து கருதி அவர்கள் யாரும் புகார் அளிக்கவில்லை என கூறியிருக்கிறார்.

கல்வி பயில்வதற்காக மாணவர்களை பள்ளிகளுக்கு அனுப்பி வைக்கும் பெற்றோர்களிடையே இச்சம்பவம் அதிர்ச்சியை ஏற்படுத்தி உள்ளது. வேலியே பயிரை மேய்ந்த கதையாக பாதுகாப்பு தரவேண்டிய ஆசிரியர், அதிலும் தலைமை ஆசிரியரே இந்த அறுவறுக்கத்தக்க செயலில் ஈடுபட்டதால் பெற்றோர்கள் அதிர்ச்சி அடைந்துள்ளனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Published by:Arun
First published: