Home /News /national /

தமிழகத்தில் சாலைகள் தரமாக உள்ளது.. ஆனால், புதுவையில்.. முதல்வர் ரங்கசாமி பேச்சு

தமிழகத்தில் சாலைகள் தரமாக உள்ளது.. ஆனால், புதுவையில்.. முதல்வர் ரங்கசாமி பேச்சு

தமிழகத்தில் சாலைகள் தரமாக உள்ளது.. புதுவையில்.. முதல்வர் ரங்கசாமி

தமிழகத்தில் சாலைகள் தரமாக உள்ளது.. புதுவையில்.. முதல்வர் ரங்கசாமி

புதுச்சேரி ஸ்மார்ட் சிட்டி திட்டத்துக்கு கடந்த ஆட்சியில் ஒதுக்கப்பட்ட ரூ.1000 கோடி நிதியில் 60 கோடி மட்டுமே செலவு செய்யப்பட்டுள்ளது. ஸ்மார்ட் சிட்டி  திட்டமே கடந்த ஆட்சியில் கேலிக்கூத்தாக இருந்ததாக முதலமைச்சர் ரங்கசாமி பகிரங்கமாக குற்றம் சாட்டினார்.

மேலும் படிக்கவும் ...
தமிழகத்தில் உள்ள சாலைகள் தரமாக உள்ளது. ஆனால், புதுவையில் உள்ள சாலைகள் மேடும், பள்ளமும், குண்டும், குழியுமாக, உள்ளது என்று முதல்வர் ரங்கசாமி தெரிவித்துள்ளார்.

புதுச்சேரியில் ஸ்மார்ட் சிட்டி திட்டத்தின் கீழ் சுமார் 100 கோடி ரூபாய் செலவில் புதுச்சேரி மற்றும் உழவர்கரை நகராட்சிக்கு உட்பட்ட பகுதிகளில் சுமார் 60-க்கும் மேற்பட்ட பணிகள் மேற்கொள்ளப்பட உள்ளது. இந்த பணிகளை (CITIIS) சிட்டி என்ற நிறுவனம் மேற்கொள்ள உள்ளது. இந்த பணிகள் குறித்த கலந்தாய்வு மற்றும் திட்ட செயலாக்கத்திற்கான  பயிற்சிப்பட்டறை தனியார் ஹோட்டலில் நடைபெற்றது.

இதில் அமைச்சர் லட்சுமி நாராயணன், தலைமைச் செயலர் ராஜீவ் வர்மா, செயலர் அருண் ஆகியோர் கலந்து கொண்ட நிகழ்ச்சியில், தலைமை விருந்தினராக கலந்து கொண்ட முதலமைச்சர் ரங்கசாமி பயிற்சி பட்டறையை தொடங்கிவைத்தார். அப்போது அவர் பேசும்போது, கடந்த ஐந்து ஆண்டுகால ஆட்சியில் கசப்பான சம்பவங்கள் நடந்தது. தற்போது அமைந்துள்ள புதிய அரசு வேகமாக அனைத்து திட்டங்களையும் செயல்படுத்தி வருகிறது என்றார்.

கடந்த ஆட்சியின் நடவடிக்கை எப்படி இருந்தது என்று அனைவருக்கும் தெரியும் என்று தெரிவித்த முதல்வர் ரங்கசாமி,
ஸ்மார்ட் சிட்டி திட்டத்தின் கீழ் ஒதுக்கப்பட்ட ஆயிரம் கோடி ரூபாய் நிதியில் 60 கோடி மட்டுமே கடந்த ஆட்சியில் செலவு செய்யப்பட்டுள்ளதாக குற்றம்சாட்டினார். தற்போது புதிய ஆட்சி அமைந்தவுடன் சுமார் 200 கோடி ரூபாய்க்கு மேல் திட்டங்கள் செயல்படுத்தப்பட்டு பணிகள் தொடங்கப்பட்டுள்ளது. கடந்த ஆட்சியில் ஸ்மார்ட் சிட்டி  திட்டமே ஒரு கேலிக்கூத்தாக இருந்துள்ளது என்று குற்றஞ்சாட்டினார்.

'உன் பெயர் முகமதா?’ என கேட்டு தாக்கப்பட்ட 65 வயது முதியவர் மரணம்

வளர்ச்சி பணிகளை மேற்கொள்ள வருகின்ற காலங்களில் சட்டமன்ற உறுப்பினர்களின் ஆலோசனைப்படி திட்டங்கள் செயல்படுத்தப்படும் என்று தெரிவித்த  முதல்வர் குடிசைகள் இல்லாத புதுச்சேரி உருவாக்குவதே இந்த அரசின் எண்ணம் என்றார்.

இப்போது ஸ்மார்ட் சிட்டி திட்டத்தின் கீழ் தெருவோர வாசிகளுக்கு அடுக்குமாடி குடியிருப்புகள் கட்டப்பட்டு வருகிறது, அவர்களுக்கு வீடு கொடுக்க வேண்டும் என்பதில் எம்எல்ஏக்கள் பாரபட்சமில்லாமல் செயல்பட வேண்டும், அதுபோல் ஒப்பந்ததாரர்கள் தரமான பொருட்களை கொண்டு வீடுகளை கட்ட வேண்டும் என்று கேட்டுக் கொண்டார்.

தமிழகத்தில் உள்ள சாலைகள் தரமாக உள்ளது. ஆனால், புதுவையில் உள்ள சாலைகள் மேடும், பள்ளமும், குண்டும், குழியுமாக, உள்ளது என்று சுட்டிக்காட்டிய முதல்வர், அரசு அதிகாரிகள் திட்டங்களை செயல்படுத்த முழு ஒத்துழைப்பு கொடுக்க வேண்டும் என்றார்.

கடந்த ஆட்சியில் பணிகளை ஒழுங்காகச் செய்திருந்தால் தற்போது பணிகளை வேக வேகமாக செய்ய வேண்டிய அவசியம் இருந்திருக்காது, ஒதுக்கப்பட்ட நிதியில் வீணடிக்கப்பட்டுள்ளது என்றும் ஒதுக்கப்படும் நிதிகளை முறையாக செலவு செய்தால்தான் மாநில வளர்ச்சிக்கு மத்திய அரசிடமிருந்து மேலும் நிதிகளை கேட்டுப் பெற முடியும் என்று தெரிவித்த அவர் திட்டங்கள் செயல் படாததற்கு நீதித்துறையும் ஒரு காரணம் என்று குற்றம் சாட்டினார்.
Published by:Esakki Raja
First published:

Tags: Puducherry

அடுத்த செய்தி