ஹோம் /நியூஸ் /இந்தியா /

2025க்குள் 22 லட்சம் இந்திய ஐடி ஊழியர்கள் பணியைவிட்டு வெளியேற வாய்ப்பு: ஆய்வில் அதிர்ச்சி தகவல்!

2025க்குள் 22 லட்சம் இந்திய ஐடி ஊழியர்கள் பணியைவிட்டு வெளியேற வாய்ப்பு: ஆய்வில் அதிர்ச்சி தகவல்!

ஐடி ஊழியர்கள்

ஐடி ஊழியர்கள்

உலகை ஆட்டிப்படைத்த கொரோனா தொற்றுநோய் தகவல் தொழில்நுட்பத் துறையை சீர்குலைப்பதால் கடந்த இரண்டாண்டுகளில் மிகப்பெரிய மாற்றத்தை எதிர்கொண்டிருக்கிறது.

  • News18 Tamil
  • 2 minute read
  • Last Updated :
  • Delhi, India

    இந்தியாவில் ஐடி துறையில் ஏற்படும் தொய்வு விகிதம் மிகப்பெரிய தாக்கத்தை ஏற்படுத்தும் என்றும், 2025-ம் ஆண்டுக்குள் 22 லட்சம் தகவல் தொழில்நுட்பத் துறையில் பணிபுரியும் வல்லுநர்கள் தங்கள் வேலையை விட்டு வெளியேற வாய்ப்புள்ளது என்றும் சமீபத்தில் வெளியான அறிக்கை ஒன்று கூறுகிறது.

    மேலும், 57 சதவீத ஐடி வல்லுநர்கள் எதிர்காலத்தில் ஐடி சேவைத் துறைக்குத் திரும்புவதைக் கருத்தில் கொள்ள மாட்டார்கள் என்று புள்ளிவிவரங்கள் கூறுகின்றன.

    TeamLease Digital-ன் 'Talent Exodus Report' என்ற அறிக்கை, 2022-ம் நிதியாண்டில் 49 சதவீதத்துடன் ஒப்பிடும்போது, ​​2023 நிதியாண்டிற்கான ஒப்பந்தப் பணியாளர்களின் எண்ணிக்கை 55 சதவீதம் வரை வளர்ச்சியடையும் என்று கணித்துள்ளது. சம்பள உயர்வு செயல்திறனை மேம்படுத்தும், வேலை திருப்தியை அதிகரிக்கும். ஆனாலும் 2025-க்குள் 20 லட்சம் முதல் 22 லட்சம் ஊழியர்கள் வேலையை விட்டு வெளியேறுவார்கள் என்று எதிர்பார்க்கப்படுகிறது.

    ‘கடந்த பத்தாண்டுகளில் இந்திய தகவல் தொழில்நுட்பத் துறை மிகப்பெரிய வளர்ச்சியைக் கண்டுள்ளது. இது 15.5 சதவீத வளர்ச்சியைப் பதிவு செய்துள்ளது. இது கடந்த பத்தாண்டிற்கும் மேலாக மிக வேகமாகவும், பல பில்லியன் டாலர்களைத் தொட்டதாகவும், FY22-ல் மட்டும் கூடுதலாக 5.5 லட்சம் வேலைகளை உருவாக்கியுள்ளது’ என்று TeamLease Digital-ன் தலைமைச் செயல் அதிகாரி சுனில் செம்மன்கோடில் கூறியுள்ளார்.

    எவ்வாறாயினும், உலகை ஆட்டிப்படைத்த கொரோனா தொற்றுநோய் தகவல் தொழில்நுட்பத் துறையை சீர்குலைப்பதால் கடந்த இரண்டாண்டுகளில் மிகப்பெரிய மாற்றத்தை அத்துறை எதிர்கொண்டிருக்கிறது.

    சம்பள உயர்வு மற்றும் பிற சலுகைகளுக்கான வழக்கமான கோரிக்கை என்பது ஊழியர்களின் புதிய வேலைகளில் முக்கிய ஈர்ப்பு, உள் கொள்கைகள் மற்றும் வெளிப்புற காரணிகள் பற்றிய மிகப்பெரிய பிரதிபலிப்பு ஆகும்.

    ஊழியர்களின் தேவைகள் மற்றும் முன்னுரிமைகள், தொழில் வளர்ச்சி மற்றும் பணியாளர் மதிப்பு முன்மொழிவு போன்ற மாறுபாடுகள் ஏற்பட்டாலும், அவர்கள் இந்த அம்சங்களின் அடிப்படையில் தங்கள் வாழ்க்கையை மறுமதிப்பீடு செய்தாலும், தங்கள் பணியை பாதியிலேயே விட்டுவிடுகிறார்கள்.

    மேலும், 2021-ம் ஆண்டில் ஐடி சேவைகள் துறையின் வீழ்ச்சிக்கு புதிய நிறுவனங்கள் தங்கள் பணியாளர்களை அதிகரிப்பதே முக்கிய காரணமாகும் என ஆய்வு கூறுகிறது. பதிலளித்தவர்களில் கிட்டத்தட்ட 50 சதவீதம் பேர் தாங்கள் வெளியேறுவதற்கு ‘இழப்பீடு மற்றும் நிறுவன நன்மைகள் பயக்காதது’ மிகப்பெரிய காரணம் என்று நம்புகிறார்கள், அதேசமயம் 25 சதவீதம் பேர் தொழில் வளர்ச்சி இல்லாததே காரணம் என நம்புகிறார்கள்.

    ஐடி நிறுவனங்கள் வருவாய் இழப்பை எதிர்கொண்டு வருவதால், அங்கு நிறுவனங்களின் சிறந்த ஊழியர்கள் தானாக முன்வந்து அதிக அளவில் வெளியேறுவதாக அறிக்கை குறிப்பிடுகிறது.

    Published by:Archana R
    First published:

    Tags: India, IT Industry