HOME»NEWS»NATIONAL»puducherry trust vote power ruling party and opposition parties skd

புதுச்சேரியில் ஆளும் தரப்பின் பலம் என்ன? எதிர்க்கட்சி பலம் என்ன?

புதுச்சேரியில் ஆளும் தரப்பின் பலம் 12 எம்.எல்.ஏக்களாக குறைந்துள்ளது.

புதுச்சேரியில் ஆளும் தரப்பின் பலம் என்ன? எதிர்க்கட்சி பலம் என்ன?
புதுச்சேரி சட்டமன்றம்
  • Share this:

புதுச்சேரியில் 20 தொகுதிகளைக் கொண்ட சட்டப்பேரவைக்கு 2016-ம் ஆண்டு நடைபெற்ற தேர்தலில் காங்கிரஸ் 15 தொகுதிகளிலும் தி.மு.க 2 தொகுதிகளிலும் வென்றது. அதுபோல, என்.ஆர்.காங்கிரஸ் கட்சி 8 தொகுதிகளிலும், அ.தி.மு.க 4 தொகுதிகளிலும் வெற்றி பெற்றது. ஒரு சுயேட்சையும் எம்.எல்.ஏவாக வெற்றிபெற்றார். பா.ஜ.கவுக்கு மக்களால் தேர்ந்தெடுக்கப்பட்ட எம்.எல்.ஏக்கள் இல்லாத நிலையில் 3 நியமன எம்.எல்.ஏக்கள் உள்ளன. அதன்மூலம் புதுச்சேரி சட்டப்பேரவையின் எம்.எல்.ஏ எண்ணிக்கை 33 ஆகிறது. புதுச்சேரியில் காங்கிரஸ் கட்சியைச் சேர்ந்த சட்டமன்ற உறுப்பினர்கள் 4 பேர் அண்மையில் பதவியை ராஜினாமா செய்தனர்.

இதனால், சட்டப்பேரவையில் காங்கிரஸ் - தி.மு.க கூட்டணியின் பலம் சபாநாயகருடன் சேர்த்து 14 ஆக குறைந்தது. நியமண எம்.எல்.ஏக்களையும் சேர்த்து எதிர்கட்சிகளின் பலமும் 14 ஆக இருந்தது. இந்தநிலையில், நேற்று இரண்டு ஆளும் கட்சி எம்.எல்.ஏக்கள் இரண்டு பேர் ராஜினாமா செய்தனர்.

அதனால், ஆளும்கட்சி எம்.எல்.ஏக்களின் எண்ணிக்கை 12-ஆக குறைந்துள்ளது. எதிர்கட்சி எம்.எல்.ஏக்களின் பலம் 14-ஆக உள்ளது. இன்று, தற்போது இருக்கும் எம்.எல்.ஏக்கள் அணி மாறாமல் வாக்களிக்கும்பட்சத்தில் ஆளும் அரசு நம்பிக்கை வாக்கெடுப்பில் வெற்றி பெறவாய்ப்பில்லை.




உடனடி செய்திகளுக்கு இணைந்திருங்கள்
Published by:Karthick S
First published: