Home /News /national /

புதுச்சேரியில் கல்லூரி மாணவியுடன் ஆசிரியர் ஓட்டம்: காவல்துறையில் மனைவி புகார்

புதுச்சேரியில் கல்லூரி மாணவியுடன் ஆசிரியர் ஓட்டம்: காவல்துறையில் மனைவி புகார்

Love

Love

புதுச்சேரியில் கல்லூரி மாணவியுடன் ஆசிரியர் ஓட்டம் பிடித்துள்ளார். அவரை தன்னுடன் சேர்த்துவைக்க வேண்டும் என்று மனைவி காவல்துறையில் புகார் அளித்துள்ளார்.

    புதுச்சேரி அடுத்த திருப்புவணையை சேர்ந்தவர் செந்தில்குமார். அரசு பள்ளியில் ஆசிரியராக பணிபுரிகிறார். அதே பகுதி கலிதீர்த்தால்குப்பம் பகுதியை சேர்ந்தவர் மகேஸ்வரி. இருவரும் கடந்த 16 வருடங்களுக்கு முன்பு காதலித்து கடந்த 2006ஆம் ஆண்டு திருமணம் செய்து கொண்டனர். திருமணத்தின் போது இருபத்தி ஐந்து பவுன் நகை, புதிய மோட்டார் சைக்கிள் மற்றும் சீர்வரிசை பெற்றோர்கள் செய்துள்ளனர்.

    இந்தநிலையில் கடந்த 2018ஆம் ஆண்டு அவர்களுக்கு ஒரு அழகான ஆண் குழந்தை பிறந்துள்ளது. இந்த நிலையில் கணவன், மனைவி இருவருக்கும் கருத்து வேறுபாடு ஏற்பட்டு உள்ளது. அப்போது தான் பணிபுரிந்த பள்ளியில் படித்த மாணவி ரேகா என்பவருடன் ஆசிரியர் செந்தில்குமாருக்கு பழக்கம் ஏற்பட்டுள்ளது. இது நாளடைவில் கள்ளக்காதலாக மாறவே அந்த மாணவியை ஆசிரியர் செந்தில்குமார் கல்லூரி வரை தனது சொந்த செலவில் படிக்க வைத்துள்ளார். தற்போது கல்லூரி படிப்பு முடிந்தவுடன் மனைவியை பிரிந்த ஆசிரியர் செந்தில் குமார், கல்லூரி மாணவியுடன் கடந்த சில தினங்களுக்கு முன்பு ஓட்டம் பிடித்தார்.

    இதுகுறித்து திருப்புவனைக் காவல் நிலையத்திலும், வில்லியனூர் மகளிர் காவல் நிலையத்திலும் முதல் மனைவியான மகேஸ்வரி புகார் அளித்தார். இந்த புகாரின் பேரில் உரிய நடவடிக்கை எடுக்காததால் இன்று புதுச்சேரி முதுநிலை காவல் கண்காணிப்பாளர் லோகேஸ்வரனிடம் மகேஸ்வரி தனது குழந்தையுடன் வந்து புகார் அளித்தார். இது புதுச்சேரியில் பரபரப்பை ஏற்படுத்தியுள்ளது.

    இதுகுறித்து முதல் மனைவி மகேஸ்வரி கூறும்போது, ‘ஒன்பதாம் வகுப்பில் இருந்து அவர் பணிபுரிந்த பள்ளியில் படித்த மாணவி உடன் கள்ளக்காதல் ஏற்பட்டு தற்போது 21 வயது ஆன நிலையில் என்னையும் எனது மகனையும் பரிதவிக்க விட்டுவிட்டு அவர் மாணவியுடன் ஓட்டம் பிடித்து விட்டார். எனவே அவரை உடனடியாக மீட்டு தன்னுடன் சேர்த்து வைக்குமாறு கண்ணீர்மல்க கேட்டுக்கொண்டார்.
    Published by:Karthick S
    First published:

    Tags: Puducherry

    அடுத்த செய்தி