Home /News /national /

கொரோனா தடுப்பூசி நடவடிக்கையில் இந்தியா நிகழ்த்திய சாதனை: மருத்துவர் என்.கே.அரோரா

கொரோனா தடுப்பூசி நடவடிக்கையில் இந்தியா நிகழ்த்திய சாதனை: மருத்துவர் என்.கே.அரோரா

கொரோனா தடுப்பூசி முன்னெடுப்பு

கொரோனா தடுப்பூசி முன்னெடுப்பு

இந்திய பொதுசுகாதாரம் தொடர்பாக இருந்த பல்வேறு கட்டுக்கதைகளை உடைக்கும் விதமாக இந்தியா கொரோனா தடுப்பூசி நடவடிக்கைகள் இருந்ததாக நோயெதிர்ப்பு ஊட்டலுக்கான தேசிய தொழில்நுட்ப ஆலோசனை குழுவின் (NTAGI) தலைவர் என்.கே. அரோரா தெரிவித்துள்ளார்.

மேலும் படிக்கவும் ...
    என்.கே.அரோரா

    சில மாதங்களுக்கு முன்பு சர்வதேச ஊடகம் ஒன்று, இந்தியா தனது 140 கோடி மக்களுக்கும் கொரோனா தடுப்பூசியை செலுத்த ஒரு தசபம் காலத்திற்கு மேல் தேவைப்படும் என கூறியிருந்தது. ஆனால், உலகின் மிகப்பெரிய தடுப்பூசி பிரச்சாரங்களை ஒன்றை நாம்தொடங்கி ஒரு வருடம் மற்றும் நான்கு மாதங்களில், 15 வயதுக்கு மேற்பட்ட மக்கள்தொகையில் 97% பேர் தங்கள் முதல் தவணை தடுப்பூசியையும்  86% க்கு மேல் 2ம் தவணை தடுப்பூசியையும் செலுத்தியுள்ளோம். இது மிகப்பெரிய சாதனை.

    இதுபோன்ற பல பேச்சுகளை நமது கொரோனா தடுப்பூசி முன்னெடுப்புகள் பலவீனப்படுத்தியுள்ளது. கோவிட்-19 தடுப்பூசி இயக்கத்தின் மகத்தான வெற்றி என்பது பொது சுகாதாரம் மட்டுமல்லாமல் அதையும் தாண்டிய பல இடங்கள் தொடர்பாக கூறப்படும் கட்டுக்கதைகளை உடைத்தது.

    இந்தியாவின் தடுப்பூசி தயாரிப்பாளர்கள் ஒப்பந்த உற்பத்தியாளர்களை விட அதிகம் என்பதை இது நிரூபித்தது; இந்தியாவின் பொது-தனியார் கூட்டமைப்பு தடுப்பூசி ஆராய்ச்சியால் வழங்க மட்டுமல்லாமல், குறைந்த காலத்தில் உருவாக்கவும் முடிவும் என்பதை இது நிரூபித்தது. இந்தியாவின் மருந்து ஒழுங்குமுறை அமைப்பு திறமையானது மட்டுமல்ல புதுமையானது என்பதையும் இது நிரூபித்தது.  இந்தியாவின் தடுப்பூசி தளவாட சேவை-பொதுத்துறையில் விநியோகம் பொருந்தக்கூடியது மற்றும் சில அம்சங்களில் உலகளாவிய சிறந்ததை விஞ்சும் என்பதை இது நிரூபித்தது.

    தடுப்பூசி இயக்கத்தின் டிஜிட்டல் முதுகெலும்பான கோ-வின் மூலம் நிரூபிக்கப்பட்ட சுகாதார தொழில்நுட்ப தீர்வுகளின் வெளியில், வளர்ந்த நாடுகள் உட்பட முழு உலகிற்கும் இந்தியா சில பாடங்களை வழங்க முடியும் என்பதை இது நிரூபித்துள்ளது. நாட்டின் பணக்காரர்களும் நடுத்தர வர்க்கத்தினரும்  பொதுத்துறையை விட தனியார் மருத்துவ துறை சிறந்தது என்ற கூற்றில் சிக்கிகொண்டுள்ள நிலையில், இந்தியாவின் பொது சுகாதார அமைப்பு மூலம்  பிரமாதமாக வழங்க முடியும் என்பதை இது நிரூபித்தது.

    இதையும் படிங்க: பிரதமர் மோடியின் கீழ் வலுவான மற்றும் தன்னம்பிக்கை கொண்ட புதிய இந்தியா: அமித் ஷா புகழாரம்

    பயனுள்ள சமூக அணிதிரட்டலுடன் இணைந்து ஆக்கப்பூர்வமான மற்றும் தனிப்பயனாக்கப்பட்ட தகவல் தொடர்பு மூலோபாயம் 100 கோடிக்கும் அதிகமான மக்களை மூடநம்பிக்கைக்கு பதிலாக அறிவியலைத் தேர்ந்தெடுக்க வழிவகுக்கும் என்பதையும் இது நிரூபித்துள்ளது.கோவிட்-19 இன் போது, அரசியல் விருப்பம் முன்பைப் போலல்லாது, பொது சுகாதார விஷயத்தில் நேரடியாக ஈடுபட்டது, மேலும் விஞ்ஞானிகள், அதிகாரிகள், தொழில்நுட்ப வல்லுநர்கள், மருத்துவர்கள், துணை மருத்துவர்கள், சுகாதாரப் பணியாளர்கள் மற்றும் தொழில்துறையினர் தெளிவான இலக்குகளில் கவனம் செலுத்தியதால் இது மிகவும் சாத்தியமானது.

    உதாரணமாக, 2020 ஆம் ஆண்டின் தொடக்கத்தில், ஒரு வருடத்திற்குள் கோவிட்-19 தடுப்பூசியைக் கண்டுபிடிப்பது கிட்டத்தட்ட சாத்தியமற்றது என்று பெயரிடப்பட்டது. ஆனால் ஜனவரி 1, 2021க்குள்,  கோவாக்சின் மற்றும் கோவிஷீல்ட்  என இரண்டு தடுப்பூசிகள் -அவசரகால பயன்பாட்டு அங்கீகாரத்தைப் பெற்றன, மேலும் பல தடுப்பூசிகள் தயாரிப்பில் இருந்தன. முழு விரியன் ( Virion ) செயலிழக்கச் செய்யப்பட்ட தடுப்பூசி போன்ற மிகவும் பாரம்பரியமான தொழில்நுட்பங்கள் முதல் டிஎன்ஏ தடுப்பூசி தளத்தை உள்ளடக்கிய தொழில்நுட்பங்கள் வரை இதில் அடங்கும்.

    இதை படிக்க: விவசாயிகளை வலுப்படுத்தும் மோடி சர்க்கார்: மத்திய அமைச்சர் நரேந்திர தோமர்

    பிரதமர் நரேந்திர மோடி 2020 பிப்ரவரி-மார்ச் மாதங்களில் கோவிட்-தடுப்பூசியின் வளர்ச்சியை மேற்பார்வையிட  நிபுணர் குழுவை அமைத்ததால் இது ஓரளவு சாத்தியமானது. ரிவர்ஸ் இன்ஜினியரிங் மருந்து தயாரிப்புகளில் மட்டுமே சிறந்து விளங்கும் இந்தியத் தொழில்துறையின் ஒரே மாதிரியான தன்மையை இந்த அனுபவம் முற்றிலுமாக உடைத்துவிட்டது, மேலும் சரியான ஊக்கத்தை கொடுத்தால், உலகளாவிய தடுப்பூசி கண்டுபிடிப்பில் அவர்கள் முன்னணி கண்டுபிடிப்பாளர்களாக வெளிவர முடியும் என்பதை காட்டியது.

    பாரத் பயோடெக் மற்றும் இந்திய மருத்துவ ஆராய்ச்சி கவுன்சில் (ICMR) இணைந்து உருவாக்கிய கோவாக்ஸின் வெற்றியானது, பொது சுகாதாரத் துறையில் PPP கள் வேலை செய்யாது என்ற நீண்டகால மனநிலையை உடைத்துவிட்டது.  பொது மற்றும் தனியார் பங்குதாரர்கள் ஒன்றிணைந்து ஒரு உயிர் காக்கும் தயாரிப்பை சரியான நேரத்தில் வழங்குவதற்கான விரைவான பாதையில் விஞ்ஞான கடுமையுடன் இணைந்து பணியாற்றினார்கள். இந்த அனுபவம் இப்போது ஒரு முன்மாதிரியான மாதிரியாக செயல்படுகிறது.

    மேலும் படிக்க: பிரதமர் நரேந்திர மோடி இரும்பு மனம் படைத்தவர்: உபி முதல்வர் யோகி ஆதித்யநாத்

    நோய்த்தடுப்புக்கான தேசிய தொழில்நுட்ப ஆலோசனைக் குழு (என்.டி.ஜி.ஐ) மற்றும் மத்திய மருந்துகள் நிலையான கட்டுப்பாட்டு அமைப்பு (சி.டி.எஸ்.சி.ஓ) உள்ளிட்ட ஒழுங்குமுறை அமைப்பு தடுப்பூசிகளை அங்கீகரிப்பதற்கான விரைவான மேலாண்மை செயல்முறையை உருவாக்கியது. அதாவது வழக்காக தரவுகள் ஒன்றான் பின் ஒன்றாக ஆய்வு செய்யப்படும், ஆனால், விரைவாக தடுப்பூசியை கண்டுபிடிக்க வேண்டும் என்பதால் ஒரே நேரத்தில் பல தரவுகள் ஆய்வு செய்யப்பட்டன. இதன் காரணமாக ஓராண்டுக்குள் தடுப்பூசி கொண்டு வரப்பட்டது.  கோவிட்-க்கு முந்தைய காலத்தில், இந்த செயல்முறை குறைந்தபட்சம் 5 முதல் 10 ஆண்டுகள் வரை எடுத்திருக்கலாம். ஒப்புதல் செயல்முறையை வேகமாகவும் திறமையாகவும் செய்ய, ஒழுங்குமுறை செயல்பாட்டில் எவற்றை சரி செய்ய வேண்டும் என்பதை இந்த அனுபவம் நமக்குக் கற்றுக் கொடுத்துள்ளது.

    கோவிட் தடுப்பூசித் திட்டத்திற்காக அதன் தடுப்பூசி தளவாட விநியோக முறையை மாற்றியமைக்கவும் மேம்படுத்தவும் நாடு அதன் பல தசாப்தங்கள் பழமையான உலகளாவிய நோய்த்தடுப்புத் திட்டத்தைப் பயன்படுத்தியது. உற்பத்தியாளரின் இடத்தில் இருந்து தடுப்பூசி மையத்திற்கு தரம் சரிபார்க்கப்பட்ட தடுப்பூசி அளவைக் கொண்டு செல்வதை  இந்தியா எவ்வாறு கண்காணித்தது என்பது மேலாண்மை மாணவர்களுக்கான விநியோகச் சங்கிலி குறித்த படிப்பிற்கு உதவும். சாலைகள் இல்லாத இடங்களில் தடுப்பூசிகளை வழங்க ட்ரோன்கள்  பயன்படுத்தப்பட்டன, மேலும் போக்குவரத்துக்கு  சைக்கிள்கள்  பயன்படுத்தப்பட்டன; பாலைவனங்களில், ஒட்டகங்கள் உதவியது; படகுகள் அவர்களை ஆறுகளின் குறுக்கே கொண்டு சென்றன; மலைகளில், தடுப்பூசிகள் முதுகில் கொண்டு செல்லப்பட்டன. கோவிட்-19 தடுப்பூசி நிர்வாகத்திற்கான தேசிய நிபுணர் குழு (NEGVAC) போன்ற சிறப்புக் குழுக்கள் 2020 ஆம் ஆண்டின் நடுப்பகுதியில் தொடங்கி ஒவ்வொரு விவரத்தையும் மாநில அரசுகளுடன் ஆலோசித்ததால் இவை அனைத்தும் சாத்தியமானது.

    மேலும் படிக்க: Exclusive: மோடி சிறுவயதிலிருந்தே கடின உழைப்பாளி, படிப்பில் திறமையானவர்: சகோதரர் பேட்டி

    கோ-வின் உருவாக்கம் மற்றும் தொழில்நுட்ப தீர்வைப் பயன்படுத்தி டிஜிட்டல் முறையில் செயல்முறையை இயக்குவது போன்றவை தகவல் சமச்சீரற்ற தன்மையைக் குறைத்தது. மேலும் பணக்காரரோ ஏழையோ, விஐபியோ சாமானியரோ  தடுப்பூசிகளுக்கான முறைக்கு அனைவரும் ஒரே வரிசையில் நிற்பதை உறுதிசெய்யும் செயல்முறையை ஜனநாயகப்படுத்தியது. பல வளர்ந்த நாடுகள் டிஜிட்டல் சான்றிதழ்களை வழங்குவதில் சிரமப்பட்டாலும், இந்தியா தொடக்கத்திலிருந்தே டிஜிட்டல் தடுப்பூசி சான்றிதழ்களை வழங்கத் தொடங்கியது.

    ஆரம்பகால தடுப்பூசி எதிர்ப்பைக் கையாள்வதில் இருந்து,  தடுப்பூசி செலுத்துவதில் சில பாதிக்கப்படக்கூடிய குழுக்களுக்கு(முதியோர்கள் உட்பட) ஏன் மற்றவர்களுக்கு முன்னுரிமை அளிக்கப்பட வேண்டும் என்று மக்களுக்கு விளங்கும்படி கூறியது  மற்றும் முதலில் பள்ளிகளை மூடிவிட்டு மீண்டும் திறந்தது மற்றும்  நிபுணர்கள் மக்களிடம் நேரடியாக அவர்களுக்கு புரியும் மொழியில்  பேசுவதை உறுதிசெய்தது.



    சமூக அணிதிரட்டல் பிரச்சாரம் முதன்மையாக பிரதமர் மோடியால் நடத்தப்பட்டது, அவர் தொடர்ச்சியான பொது உரைகள் மூலம் சமூகத்தை அணிதிரட்டினார் மற்றும் தடுப்பூசி உற்பத்தியாளர்கள் மற்றும் கொள்கை வகுப்பாளர்களுடன் நேரடியாகவும், அடிமட்டத்தில் உள்ள சுகாதார ஊழியர்களுடனும் தொடர்பில் இருந்தார்.  உள்ளூர் மரபுகளுடன் ஒத்திசைந்து சில பகுதிகளில் மஞ்சள் அரிசி பிரசாதத்துடன் தடுப்பூசிக்கு மக்கள் அழைக்கப்பட்டனர். தடுப்பூசி குறித்து தயக்கம் காட்டியவர்களுக்கு பிரச்சாரங்கள் மூலம் விழிப்புணர்வு ஏற்படுத்தப்பட்டது.

    தடுப்பூசியில் மக்கள் பெருமளவிலான பங்கெடுத்ததைவிட வெற்றிக்கான சிறந்த ஆதாரம் எதுவும் இல்லை. அதேவேளையில்,  தடுப்பூசி இயக்கத்தின் வெற்றி, இது எவ்வளவு இருண்ட துன்பமாக இருந்தாலும் மீண்டு எழுவோம் என்ற இந்தியாவின் தேசிய தன்மையை தாங்கும் திறனுக்கு எடுத்துக்காட்டாக இருக்கும்.  கொரோனா தொற்று காலத்தில் அனைத்து தரப்பில் இருந்தும் கிடைத்த பதில்கள், நாம் என்ன திறன் வைத்துள்ளோம் என்பதை உணர வைத்தது. கோவிட்-19 பாடங்கள் மற்றும் அதன் மூலம் கிடைத்த ஆதாயங்களை கொண்டு பிற பிரதான பொது சுகாதார திட்டங்களை ஒருங்கிணைக்க வேண்டிய நேரம் இது.

    கருத்து துறப்பு: என்.கே. அரோரா, தேசிய தொழில்நுட்ப ஆலோசனைக் குழுவின் (என்.டி.ஏ.ஜி.ஐ) தலைவராக உள்ளார் - இது இந்தியாவில் கோவிட்-19 தடுப்பூசிகளின் பயன்பாடு மற்றும் வரிசைப்படுத்தல் குறித்த முக்கியமான முடிவுகளை எடுக்கும் உச்சக் குழு. இந்த கட்டுரையில் வெளிப்படுத்தப்பட்ட கருத்துக்கள் ஆசிரியரின் கருத்துக்கள் மட்டுமே.  ஊடகத்தின் கருத்தாக ஆகாது

    தமிழில்: முருகேஷ்
    Published by:Murugesh M
    First published:

    Tags: Covid-19, Narendra Modi, PM Narendra Modi

    அடுத்த செய்தி