ஹோம் /நியூஸ் /இந்தியா /

வீட்டில் இருந்து உங்கள் சிந்தனையை தட்டி விடுங்கள் - ரூ.1 லட்சம் பரிசு வெல்லலாம்!

வீட்டில் இருந்து உங்கள் சிந்தனையை தட்டி விடுங்கள் - ரூ.1 லட்சம் பரிசு வெல்லலாம்!

1 லட்சம் பரிசை வெல்லுங்கள்..!

1 லட்சம் பரிசை வெல்லுங்கள்..!

உங்கள் வாசகம் அரசால் தேர்வு செய்யப்படும் பட்சத்தில் அதற்கு ரூ.51,000 பரிசுத் தொகையும், உங்கள் லோகோ அரசால் தேர்வு செய்யப்படும் பட்சத்தில் அதற்கு ரூ.50,000 பரிசுத் தொகையும் வழங்கப்படும் என்று அறிவிக்கப்பட்டுள்ளது.

  • News18 Tamil
  • 2 minute read
  • Last Updated :
  • Tamil Nadu, India

மத்திய அரசின் உணவு பதப்படுத்துதல் தொழில்துறை அமைச்சகத்தின் சார்பில் ரூ.1 லட்சத்திற்கான பரிசுப் போட்டி ஒன்று நடத்தப்படுகிறது. இந்தப் பரிசுத் தொகையை பெறுவதற்கு நீங்கள் வெளியிடங்களுக்கு சென்று போட்டித் தேர்வுகளில் பங்கேற்க வேண்டும் என்பதில்லை. வீட்டில் இருந்தபடி சில வாசங்களுடன் கூடிய லோகோ ஒன்றை இந்த அமைச்சகத்திற்காக நீங்கள் தயார் செய்து அனுப்ப வேண்டும்.

2023ஆம் ஆண்டை, சிறுதானியன்களுக்கான சர்வதேச ஆண்டாக ஐ.நா. அறிவித்துள்ளது. இதைத் தொடர்ந்து சிறுதானியங்கள் மீது மக்களின் கவனத்தை ஈர்க்கும் வகையில் மத்திய அரசின் உணவு பதப்படுத்துதல் தொழில்துறை அமைச்சகத்தின் சார்பில் அடுத்த ஆண்டு அக்டோபர் மாதத்தில், சிறுதானியங்கள் தொடர்புடைய மாபெரும் உணவுத் திருவிழா நடத்தப்பட உள்ளது.

இந்த நிகிழ்ச்சியை வெற்றிகரமானதாக மாற்றும் வகையிலும், போட்டிக்கான பங்கேற்பாளர்களை அதிகரிக்கும் வகையிலும் இந்த அமைச்சகம் மற்றும் My Gov இணைந்து டேக்லைன் மற்றும் லோகோ போட்டியை நடத்துகின்றனர்.

Read More : 12-ம் வகுப்பு முதல் டிகிரி வரை... ரயில்வேயில் தகுதிக்கேற்ற பல்வேறு வேலைவாய்ப்பு!

உங்கள் வாசகம் அரசால் தேர்வு செய்யப்படும் பட்சத்தில் அதற்கு ரூ.51,000 பரிசுத் தொகையும், உங்கள் லோகோ அரசால் தேர்வு செய்யப்படும் பட்சத்தில் அதற்கு ரூ.50,000 பரிசுத் தொகையும் வழங்கப்படும் என்று அறிவிக்கப்பட்டுள்ளது.ஆக, மொத்தம் நீங்கள் இரு போட்டிகளிலும் வெல்லும் பட்சத்தில் ரூ.1 லட்சத்திற்கும் மேற்பட்ட தொகையை பெற முடியும். இந்தப் போட்டியில் நீங்கள் பங்கேற்க விரும்பினால் myGov.in இணையதளத்தில் லாகின் செய்து, போட்டியில் உங்களை பதிவு செய்து கொள்ள வேண்டும். இதை செய்வதற்கான கடைசி நாள் டிசம்பர் 20ஆம் தேதி ஆகும்.

டேக்லைன் சமர்ப்பிப்பு நடைமுறை

  • உங்கள் பதிவு 2022 டிசம்பர் 20ஆம் தேதிக்குள் ஆன்லைனில் சமர்ப்பிக்க வேண்டும். பிற வகைகளில் விண்ணப்பம் ஏற்கப்பட மாட்டாது.
  • MyGov இணையதளத்தில் உங்கள் ஃபுரொபைல் சரியாக இருப்பதை உறுதி செய்து கொள்ள வேண்டும். பெயர், புகைப்படம், முழு அஞ்சல் முகவரி, இமெயில் ஐடி, மொபைல் எண் போன்றவற்றை சரியாக குறிப்பிட வேண்டும்.
  • முழுமையான தகவல்கள் இல்லாத பட்சத்தில் உங்கள் பதிவு நிராகரிக்கப்படும். ஒரே நபர் ஒன்றுக்கும் மேற்பட்ட பதிவுகளை செய்யக் கூடாது.                                                                தேர்வு நடைமுறை

  • உணவு பதப்படுத்துதல் அமைச்சகத்தின் சார்பில் விண்ணப்பங்களை பரிசீலனை செய்வதற்கான குழு அமைக்கப்பட்டுள்ளது.
  • தேர்வுக் குழுவின் முடிவே இறுதியானது. இதுகுறித்து போட்டியாளர்கள் எந்தவித விளக்கமும் பெற இயலாது.
  • வெற்றி பெற்ற நபருக்கு, அவர் சமர்ப்பித்த இமெயில் முகவரி மூலமாக தகவல் தெரிவிக்கப்படும்.
  • போட்டி தொடர்பான அறிவிப்பு, போட்டியாளர்கள், பரிசுத்தொகை உள்ளிட்டவை சட்ட வழக்குகள் டெல்லி நீதி வரையறையில் மட்டுமே செல்லுபடியாகும்.

Read More : மாதம் ரூ.2 லட்சம் சம்பளத்தில் அரசு கலை, அறிவியல் கல்லூரிகளில் வேலைவாய்ப்பு: டிஎன்பிஎஸ்சி முக்கிய அறிவிப்பு

லோகோ சமர்ப்பிப்பு நடைமுறை

  • டேக்லைனுக்கான அதே நடைமுறைகளுடன் சில கூடுதல் நடவடிக்கைகளை இங்கு கடைப்பிடிக்க வேண்டும்.
  • உங்கள் லோகோ ஹிந்தி அல்லது ஆங்கில மொழியில் படத்துடன் இருக்கலாம்.
  • பதிவுகள் JPEG வடிவத்தில் இருக்க வேண்டும்.
  • லோகோவின் தரத்திற்காக, வெற்றிபெறும் படத்தை பின்னர் கிராஃபிக் முறையில் சமர்ப்பிக்க வேண்டியிருக்கும்.
  • பயன்படுத்த, அளவை மாற்றியமைக்க மற்றும் திருத்தியமைக்க எளிமையானதாக இருக்க வேண்டும்.

லோகோ தேர்வு நடைமுறை

டேக்லைன் போட்டியாளர்களை தேர்வு செய்வதற்கான குழு போன்று, லோகோ போட்டியாளர்களை பரிசீலனை செய்வதற்கும் தனிக் குழு அமைக்கப்பட்டுள்ளது. அங்கு கடைப்பிடிக்கப்படும் அதே நடைமுறையில் இங்கும் பரிசு அளிக்கப்படும்.

First published:

Tags: Central govt, Food, India