’கண்ணீரும், வியர்வையும் வெற்றியை கொடுத்தது’ - Miss India 2020 ரன்னர்-அப் மகுடம் சூட்டப்பட்ட ரிக்‌ஷா ஓட்டுநர் மகள்.. யார் இந்த மான்யா சிங்?

கடுமையான உழைப்பாளியான ரிக்ஷா ஓட்டுநரின் மகளான இவர் உழைப்பின் அனுபவங்கள் இன்ஸ்டாகிராமில் பதிவிட்டுள்ளார்.  உணவு, தூக்கம் இல்லாமல் பல இரவுகளை கழித்துள்ளார்.  சில ரூபாய் பணம் சேமிப்புக்காக பல மைல்கள் நடந்து சென்றுள்ளார்.  அவர் விரும்பிய புத்தகங்கள் மற்றும் உடைகள் அவருக்கு கிடைக்கவில்லை என்பதை தனது பதிவில் தெரிவித்துள்ளார்.

மான்யாவின் இன்ஸ்டாகிராம் பதிவில், பகலில் படித்து, மாலையில் பாத்திரங்களை கழுவி வைத்து விட்டு, இரவில் கால் சென்டரில் வேலை செய்துள்ளேன் என தெரிவித்து உள்ளார்.  பல இடங்களுக்கு செல்வதற்கு மணிக்கணக்கில் நடந்து சென்றேன்.  அதனால், ரி்க்‌ஷாவுக்கு கொடுக்கும் கட்டண தொகையை சேமித்தேன் என அவர் பதிவிட்டு உள்ளார். நீங்கள் ஈடுபாட்டுடன் உழைத்தால், அனைத்தும் சாத்தியமாகும் என உலகிற்கு காட்டவே நான் பெமினா மிஸ் இந்தியா 2020 போட்டியில் கலந்துகொண்டு தேர்வாகியிருக்கிறேன் என பதிவிட்டுள்ளார்.