பால்குடி மறவாத 9 மாத கைக்குழந்தையை பாலியல் வன்கொடுமை செய்து கொன்ற கொடூரன்!

நள்ளிரவு 1 மணிக்கு திடீரென முழிப்பு வந்து பார்த்தபோது பால் பாட்டில் மட்டும் உள்ள நிலையில் குழந்தையை காணவில்லை.

news18
Updated: June 20, 2019, 1:25 PM IST
பால்குடி மறவாத 9 மாத கைக்குழந்தையை பாலியல் வன்கொடுமை செய்து கொன்ற கொடூரன்!
நள்ளிரவு 1 மணிக்கு திடீரென முழிப்பு வந்து பார்த்தபோது பால் பாட்டில் மட்டும் உள்ள நிலையில் குழந்தையை காணவில்லை.
news18
Updated: June 20, 2019, 1:25 PM IST
தெலுங்கானாவில் 9 மாத கைக்குழந்தையை பாலியல் வன்கொடுமை செய்ய முயன்று கொலை செய்த இளைஞனை பொதுமக்கள் சரமாரியாக அடித்து, உதைத்து போலீசில் ஒப்படைத்தனர்.

தெலுங்கானா மாநிலத்தின் ஹைதராபாத் பகுதியில் உள்ள அனுகோண்டாவில் டைலர் தெருவில் உள்ள தாபா வைத்து நடத்தி வருபவர் ஜெகன் அர்ச்சனா தம்பதியினர். இவர்கள் நேற்று இரவு தாபாவின் மாடியில் ஒன்பது மாத குழந்தை சிரிதாவுடன் இரவு தூங்கிக் கொண்டிருந்தனர்.

இந்நிலையில் நள்ளிரவு 1 மணிக்கு திடீரென முழிப்பு வந்து பார்த்தபோது பால் பாட்டில் மட்டும் உள்ள நிலையில் குழந்தையை காணவில்லை. இதனால் குழந்தையை பல இடங்களில் தேடி பார்த்துள்ளார்.

இதையடுத்து ஜெகன் வீட்டின் அருகே பல இடங்களில் தேடி அலைந்தார். அப்போது டைலர் தெருவில் உள்ள ஒரு வீட்டில் பின்புறம் குழந்தையின் அழுகுரல் கேட்டு அங்கு சென்று பார்த்த பொழுது பிரவீன் என்ற இளைஞர் குழந்தையை வலுக்கட்டாயமாக பாலியல் பலாத்காரம் செய்ய முயன்றது தெரியவந்தது.

ஜெகன் அங்கு செல்வதற்குள் பிரவீன் அங்கிருந்து தப்பி ஓடிய நிலையில், குழந்தையை மீட்டு அருகில் உள்ள தனியார் மருத்துவமனைக்கு கொண்டு சென்றனர். ஆனால் ஏற்கனவே குழந்தை இறந்துவிட்டதாக மருத்துவர்கள் தெரிவித்தனர்.

மறுபக்கம் பிரவீனை தேடிக்கண்டுபிடித்த அப்பகுதி பொதுமக்கள், அவனை அடித்து உதைத்து அனுமகொண்டா காவல் நிலையத்தில் ஒப்படைத்தனர்.

பால் குடிப்பதை கூட மறக்காத 9 மாத குழந்தையை பாலியல் பலாத்காரம் செய்ய முயன்று கொலை செய்த கொடூர இளைஞனுக்கு தூக்கு தண்டனை விதிக்க வேண்டும் என பொதுமக்கள் கண்ணீருடன் கேட்டுக் கொண்டனர்.

First published: June 20, 2019
மேலும் பார்க்க
Loading...
அடுத்து செய்திகள்
Loading...