• HOME
  • »
  • NEWS
  • »
  • national
  • »
  • மரத்தில் தொங்கவிட்டு இளம்பெண் சித்ரவதை.. வெளியான அதிர்ச்சி வீடியோ

மரத்தில் தொங்கவிட்டு இளம்பெண் சித்ரவதை.. வெளியான அதிர்ச்சி வீடியோ

வீடியோ காட்சி

வீடியோ காட்சி

கணவர் மீது கோபத்தில் இருந்த இளம்பெண் மாமியார் வீட்டைவிட்டு வெளியேறி தனது உறவினர் வீட்டுக்கு சென்றுவிட்டார்.

  • Share this:
    இளம்பெண் ஒருவரை மரத்தில் கயிற்றை கட்டி தொங்கவிட்டு சிலர் சித்ரவதை செய்யும் வீடியோ காட்சிகள் சமூகவலைதளத்தில் வெளியாகி அதிர்ச்சியை ஏற்படுத்தியுள்ளது.

    மரத்தில் இளம்பெண்ணை கயிற்றால் கட்டி தொங்கவிட்டு இளைஞர் ஒருவர் கயிற்றை பிடித்து இழுக்க சுற்றி இருக்கும் சிலர் அந்தப்பெண்ணை தாக்குகின்றனர். அந்தப்பெண் வலியால் கதறுகிறார். இந்த சம்பவம் மத்தியப்பிரதேசத்தில் நடந்ததா அல்லது உத்தரகாண்டில் நடந்ததா என சிலர் ட்விட்டரில் கேள்வி எழுப்பியிருந்தனர். பழங்குடியின பெண்ணை கொடூரமாக தாக்கும் வீடியோ மத்தியப்பிரதேசத்தில் எடுக்கப்பட்டதாக போலீஸாருக்கு தகவல் தெரியவந்தது. விசாரணையில் அலிராஜ்பூரில் இந்த சம்பவம் நடந்தது தெரியவந்தது.

    Also Read: வாடகை வீடு.. வங்கதேச பெண்கள்..போலி ஆவணம்- கடலூரில் ரகசியமாக பாலியல் தொழிலில் ஈடுபட்ட கொல்கத்தா கும்பல்

    மத்தியப்பிரதேச மாநிலம் அலிராஜ்பூரை சேர்ந்த பழங்குடியின பெண்ணுக்கு 19 வயதாகிறது. கடந்த 3 மாதங்களுக்கு முன்பு அந்தப்பெண்ணுக்கு திருமணம் நடந்துள்ளது. அந்தப் பெண்ணின் கணவன் குஜாரத்துக்கு வேலை சென்றுள்ளார். தன்னையும் குஜராத்க்கு அழைத்து செல்லுமாறு கேட்டுள்ளார். தன்னுடைய வீட்டிலே இருக்கும்படி சொல்லிவிட்டு சென்றுள்ளார். இதனால் கோபத்தில் இருந்த அந்த இளம்பெண் மாமியார் வீட்டைவிட்டு வெளியேறி தனது உறவினர் வீட்டுக்கு சென்றுவிட்டார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    இதுகுறித்து அந்தப்பெண்ணின் குடும்பத்தினருக்கு மாமியார் தகவல் தெரிவித்துள்ளார். இதனால் ஆத்திரமடைந்த பெண்ணின் குடும்பத்தினர் உறவினர் வீட்டில் இருந்த மகளை சொந்த கிராமத்துக்கு அழைத்து வந்தனர். பெண்ணுக்கு அறிவுரைக்கூறி மாமியார் வீட்டுக்கு அனுப்பாமல் கட்டையால் அடித்து கொடுமைப்படுத்தியுள்ளனர்.

    Also Read: தெலங்கானாவில் மாயமான முதியவர் பாழடைந்த கிணற்றில் இருந்து உயிருடன் மீட்பு.. 3 நாள்கள் உணவின்றி தவிப்பு

    இதிலும் ஆத்திரம் தீராதவர்கள் அந்தப்பெண்ணை மண்ணில் தரதரவென இழுத்து வந்து கடுமையாக தாக்கி கயிற்றில் கட்டி மரத்தில் தொங்கவிட்டு தொடர்ந்து தாக்கியுள்ளனர். அந்தப்பெண்ணின் தந்தை சகோதரன் என சரமாரியாக தாக்கியுள்ளனர். வீட்டை விட்டு வெளியேறுவாயா.. இனிமேல் இங்கு வருவாயா எனக் கூறிக்கொண்டே தாக்கியுள்ளனர். இந்த சம்பவத்தை வேடிக்கைப்பார்த்த கிராம மக்கள் யாரும் அவர்களை தடுக்கவில்லை.

     



    இளம்பெண்ணின் நிலையை உணர்ந்த ஒருவர் அந்தக்காட்சிகளை வீடியோவாக எடுத்து இணையத்தில் வெளியிட்டுள்ளார். இதனையடுத்து காவல்துறையினர் விசாரணையில் இறங்கினர். இளம்பெண்ணை மீட்ட காவல்துறையினர் சிகிச்சைக்காக மருத்துவமனையில் அனுமதித்தனர். அந்தப்பெண் அளித்த புகாரின் அடிப்படையில் பெண்ணில் தந்தை மற்றும் சகோதரனை போலீஸார் கைது செய்துள்ளனர்.



    உடனடி செய்திகளுக்கு இணைந்திருங்கள்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Ramprasath H
    First published: