Home /News /national /

நாடாளுமன்ற அவைகளில் இனி இந்த வார்த்தைகளை பயன்படுத்தக் கூடாது - புதிய பட்டியல் வெளியீடு

நாடாளுமன்ற அவைகளில் இனி இந்த வார்த்தைகளை பயன்படுத்தக் கூடாது - புதிய பட்டியல் வெளியீடு

நாடாளுமன்றம்

நாடாளுமன்றம்

Unparliamentary words : இந்திய நாடாளுமன்றத்தின் இரண்டு அவைகளில் பயன்படுத்தக் கூடாத வார்த்தைகளின் புதிய பட்டியலை மக்களவை செயலகம் வெளியிட்டுள்ளது.

    நாடாளுமன்ற மழைக்கால கூட்டத்தொடர் வருகிற திங்கட்கிழமை (18ஆம் தேதி) தொடங்குகி ஆகஸ்ட் 12ம் தேதி வரை நடைபெறும் என்று அறிவிக்கப்பட்டுள்ளது. இந்த கூட்டத்தொடரில் மொத்தம் 18 அமர்வுகள் இடம்பெறும் தெரிவிக்கப்பட்டுள்ளது.

    கடந்த பட்ஜெட் கூட்டத்தொடரைப் போல இந்த தொடரிலும் பல்வேறு மசோதாக்களை நிறைவேற்ற மத்திய அரசு திட்டமிட்டுள்ளது. அதேசமயம் விலைவாசி உயர்வு, வேலையில்லா திண்டாட்டம் போன்ற பிரச்னைகளை எழுப்ப எதிர்க்கட்சிகள் திட்டமிட்டு வருகின்றன. மேலும், நுபுர் ஷர்மா விவகாரம், அக்னிபாத் திட்டம் உள்ளிட்ட விவகாரங்கள் தொடர்பான வாதங்கள் முன்வைக்கப்படும் என்று எதிர்பார்க்கப்படுகிறது.

    இந்நிலையில், நாடாளுமன்றத்தின் மக்களவை, மாநிலங்களவை ஆகிய இரண்டிலும் பயன்படுத்தக்கூடாத வார்த்தைகள் அடங்கிய புத்தகத்தை மக்களவை செயலகம் வெளியிட்டுள்ளது. அதில், ஆங்கில வார்த்தைகளும், இந்தி வார்த்தைகளும் அதிக அளவில் இடம் பெற்றுள்ளன.

    வெட்கக்கேடு, திட்டினார், துரோகம் செய்தார், ஊழல், ஒட்டுகேட்பு ஊழல், கொரோனா பரப்புபவர், வாய்ஜாலம் காட்டுபவர், நாடகம், கபட நாடகம், திறமையற்றவர், அராஜகவாதி, சகுனி, சர்வாதிகாரம், சர்வாதிகாரி, அழிவு சக்தி, காலிஸ்தானி ஆகிய வார்த்தைகள் பயன்படுத்தக்கூடாத வார்த்தைகளாக சேர்க்கப்பட்டுள்ளன.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    இதேபோல, இரட்டை வேடம், பயனற்றது, நாடகம், ரத்தக்களரி, குரூரமானவர், ஏமாற்றினார், குழந்தைத்தனம், கோழை, கிரிமினல், முதலை கண்ணீர், அவமானம், கழுதை, கண்துடைப்பு, ரவுடித்தனம், போலித்தனம், தவறாக வழிநடத்துதல், பொய், உண்மையல்ல ஆகிய வார்த்தைகளும் இனிமேல் தடை செய்யப்படுவதாக தெரிவிக்கப்பட்டுள்ளது.

    Must Read : ஆசை வார்த்தை கூறி விவாகரத்து செய்யவைத்து, ஏமாற்றியதால் ஆத்திரம்.. மயக்கமருந்து கொடுத்து குத்திக் கொலை செய்த கள்ளக்காதலி

    மேலும், முட்டாள்தனம், பாலியல் தொல்லை, குண்டர்கள், லாலிபாப், பாப்கட் ஆகிய வார்த்தைகளும் பயன்படுத்தக்கூடாத வார்த்தைகள் பட்டியலில் உள்ளன. இவற்றை பயன்படுத்தினால் அவை தலைவர்கள், அவை குறிப்பில் இருந்து நீக்கிவிடுவார்கள் என்றும் தெரிவிக்கப்பட்டுள்ளது.
    Published by:Suresh V
    First published:

    Tags: Parliament

    அடுத்த செய்தி