மூணாறில் நள்ளிரவில் நிலச்சரிவு.. கடைகள் வாகனங்கள் நிலத்தில் புதைந்தது

இடுக்கி மாவட்டம் மூணாறு குண்டலா எஸ்டேட் புதுக்குடி பகுதியில் நிலச்சரிவு ஏற்பட்டது. இதில் இரண்டு கடை அறைகள், ஒரு கோவில் மற்றும் ஒரு ஆட்டோ ரிக்க்ஷா ஆகியவை பூமிக்கு அடியில் புதைந்தன. இரவு 1 மணியளவில் நிலச்சரிவு ஏற்பட்டது. நள்ளிரவில் என்பதால் ஆள் நடமாட்டம் இல்லாத காரணத்தால் உயிர்சேதம் தவிர்க்கபட்டது.

அப்பகுதி மக்கள் அளித்த தகவலின் பேரில் போலீசார் மற்றும் தீயணைப்பு படையினர் சம்பவ இடத்திற்கு விரைந்து வந்தனர். இக்குழுவினர் 141 குடும்பங்களைச் சேர்ந்த 450 பேரை இடமாற்றம் செய்து முகாமில் சேர்த்தனர். இரவில் அவ்வழியாக வாகனங்களில் வந்த மக்கள் மண்சரிந்து சாலையில் விழுந்து கிடப்பதை பார்த்தனர்.

இவர்கள் தகவல்  அளித்ததையடுத்து, அந்த பகுதியில் உள்ள  மக்கள் அனைவரும் அருகிலுள்ள பள்ளிகளுக்கு மாற்றப்பட்டனர்.  உயிர்ச்சேதம் ஏதும் இல்லை. மண், கற்கள் குவித்து வட்டவாடா-மூணாறு சாலை முற்றிலும் சேதமடைந்துள்ளது. இதனால் வட்டவாடா முற்றிலும் தனிமைப்படுத்தப்பட்டுள்ளது.

Also see... மெரினா-கோவளம் கடற்கரை மறுசீரமைப்பு... மீனவர்கள் எதிர்ப்பு...

தற்போது சாலையில் குவிந்த மண்ணை அகற்றும் பணி தொடங்கப்பட்டுள்ளதாகவும், அதன் பின்னரே சாலையின் நிலை குறித்து கூற முடியும் என்றும் அந்த பகுதி எம்எல்ஏ தெரிவித்தார்.