கேரள அரசின் சிறுபான்மை உதவித்தொகை திட்டத்தை ரத்து செய்த ஐகோர்ட் - பின்னணி இது தான்!

பினராயி விஜயன்

கேரள அரசின் உத்தரவு சட்டவிரோதமானது எனவும், சிறுபான்மையினர் அனைவரையும் சமமாக நடத்த வேண்டும் என நீதிபதிகள் அறிவுறுத்தினர்.

  • Share this:
    சிறுபான்மை உதவித்தொகை தொடர்பான கேரள உயர்நீதிமன்றத்தின் தீர்ப்பால் ஏற்பட்ட சிக்கலுக்கு தீர்வு காண, முதலமைச்சர் பினராயி விஜயன் இன்று (ஜூன் 4) அனைத்து கட்சி கூட்டத்திற்கு அழைப்பு விடுத்துள்ளார். காணொளி வாயிலாக நடைபெற உள்ள இந்த கூட்டம்  பிற்பகல் 3.30 மணிக்கு நடைபெறும் என்று கூறப்பட்டுள்ளது.

    கடந்த மே 28ம் தேதி அன்று, கேரள மாநிலத்தில் உள்ள பிற சிறுபான்மை சமூகங்களின் உறுப்பினர்களை விட முஸ்லிம் சமூகத்திற்கு மாநில அரசு தேவையற்ற முன்னுரிமை அளிப்பதாகக் குற்றம் சாட்டி உயர்நீதிமன்றத்தில் தொடரப்பட்டுள்ள வழக்கு விசாரணையின் போது, 2015 ஆம் ஆண்டு மாநில அரசு வெளியிட்ட உத்தரவை ரத்து செய்துள்ளது. கேரள அரசு வெளியிட்ட உத்தரவின் படி, தகுதி-சார்ந்த-வழிமுறைகள் உதவித்தொகையில் 80 சதவீத முஸ்லிம்களுக்கும் 20 சதவீதம் கிறிஸ்தவர்களுக்கும் சென்றது.

    இந்த வழக்கில் தீர்ப்பு வழங்கிய கேரள உயர்நீதிமன்றம் 80:20 திட்டத்தை ரத்து செய்ததோடு, கேரள அரசின் உத்தரவு சட்டவிரோதமானது எனவும், சிறுபான்மையினர் அனைவரையும் சமமாக நடத்த வேண்டும் என நீதிபதிகள் அறிவுறுத்தினர். சிறுபான்மையினர் மக்கள் தொகை அடிப்படையில் உதவித்தொகை வழங்க வேண்டும் என உத்தரவிட்டனர். சிறுபான்மை நலத்துறையையும் கையாளும் முதலமைச்சர் பினராயி விஜயன் கூட்டும் இந்த முன்னோடியில்லாத கூட்டம், சமூகங்களின் மோதல் நிலைப்பாடு குறித்து ஒரு தீர்வை எடுக்கவேண்டிய அவசியத்தில் உள்ளது.

    வழக்கில் நீதிமன்றம் கூறியது என்ன?

    சிறுபான்மையினரை துணை வகைப்படுத்துவதில் முஸ்லிம் சமூகத்திற்கு 80 சதவீதம், கிறிஸ்தவர்களுக்கு 20 சதவீதம் (லத்தீன் கத்தோலிக்க மற்றும் மாற்றப்பட்ட கிறிஸ்தவர்கள்) தகுதி-உதவித் தொகை என்ற மாநில அரசின் நடவடிக்கை சட்டப்பூர்வமாகத் தக்கவைக்க முடியாது. எந்தவொரு குறிப்பிட்ட சிறுபான்மையினரின் நலன்களையும் பாதுகாக்க சிறுபான்மையினரிடையே இத்தகைய பின்தங்கிய தன்மையைப் பிரிக்க தேசிய ஆணையத்திற்கும் மாநில ஆணையத்திற்கும் உரிமை இல்லை என்று கூறியுள்ளது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    ஏற்றத்தாழ்வுகளை ஒழிக்க, மாநில அரசு எஸ்சி மற்றும் எஸ்டிக்குள் ஒதுக்கப்பட்ட சாதியினருக்குள் துணை வகைப்பாடு செய்யலாம். சம நீதிக்கான அரசியலமைப்பு ஆணையின் நோக்கத்தை நிறைவேற்ற வளங்களையும் வாய்ப்புகளையும் மறுவிநியோகம் செய்வதற்கும் மறு ஒதுக்கீடு செய்வதற்கும் விநியோகிக்கும் நீதி முறையை பின்பற்றலாம் என்று உயர்நீதிமன்றம் குறிப்பிட்டுள்ளது. ஆனால் இங்கு மக்கள் தொகை விகிதத்தில் இருந்து கிடைக்கும் கிறிஸ்தவ சமூகத்தின் உரிமையை கணக்கில் எடுத்துக் கொள்ளாமல், முஸ்லீம் சிறுபான்மை சமூகத்திற்கு 80 சதவீத உதவித்தொகை வழங்குவதில் அரசு ஈடுபட்டு வருகிறது.

    இது எங்களைப் பொறுத்தவரை, அரசியலமைப்பிற்கு விரோதமானது எந்தவொரு சட்டத்தாலும் ஆதரிக்கப்படாதது. மாநில அரசாங்கத்தால் வெளியிடப்பட்ட உத்தரவுகள் சிறுபான்மை கமிஷன் சட்டங்கள் 1992 மற்றும் 2014 இன் விதிமுறைகளையும், மேலே விவாதிக்கப்பட்ட இந்திய அரசியலமைப்பின் விதிகளின் கீழ் உள்ள கட்டாயங்களையும் மீற முடியாது. பிரிவு 29 ஒரு கடமையையும் கொண்டுள்ளது சிறுபான்மை சமூகத்தின் கல்வி நலன்களை பாரபட்சமான முறையில் அல்லாமல் சம துணைப்பிரிவில் பாதுகாக்க வேண்டும் 'என்று நீதிமன்ற நீதிபதிகள் கூறியுள்ளனர்.

    திட்டமிடப்பட்ட துணைப்பிரிவு சிறுபான்மை சமூகங்களுக்குள் இருக்க வேண்டுமே தவிர, ஒரு குறிப்பிட்ட சிறுபான்மை சமூகத்தின் பலவீனத்தை மட்டும் எடுத்துக் கொள்வதன் மூலம் துணைப்பிரிவு இருக்க கூடாது. எங்கள் பார்வையில், அறிவிக்கப்பட்ட சிறுபான்மை சமூகங்களின் நலன்களைப் பாதுகாப்பதற்காக, சமநிலைத்துவத்தை ஏற்றுக்கொள்வதே ஒரே மாற்றாகும் என்று வழக்கை விசாரித்த தலைமை நீதிபதி எஸ்.மணி குமார் மற்றும் நீதிபதி ஷாஜி பி சாலி தெரிவித்தனர்.

    80:20 திட்டம் என்றால் என்ன?

    சிபிஎம் தலைவர் பாலோலி முஹம்மது குட்டி தலைமையில் 11 பேர் கொண்ட குழு 2006-08 எல்.டி.எஃப் அரசாங்கத்தில் அமைச்சராக இருந்தபோது சமர்ப்பித்த முடிவுகளை தொடர்ந்து இந்த திட்டம் அறிவிக்கப்பட்டது. நாட்டின் முஸ்லிம் சமூகத்தின் சமூக, பொருளாதார, கல்வி நிலை குறித்த நீதிபதி ராஜீந்தர் சச்சார் குழுவின் அறிக்கையின் பரிந்துரைகளை கேரளாவில் செயல்படுத்த இது உருவாக்கப்பட்டது. உதவித்தொகை திட்டத்தின் ஒரு பகுதியாக, பட்டம் மற்றும் முதுகலை முஸ்லிம் பெண்கள் மாணவர்களுக்கு மாநில அரசு 5000 உதவித்தொகை வழங்கியது. இந்த திட்டத்தின் நன்மை பின்னர் லத்தீன் கத்தோலிக்க மற்றும் மாற்றப்பட்ட கிறிஸ்தவ சமூகங்களைச் சேர்ந்த மாணவர்களுக்கு விரிவுபடுத்தப்பட்டது. 2015 ஆம் ஆண்டில் அரசாங்க ஆணைப்படி, முஸ்லிம்களுக்கு 80 சதவீத இடஒதுக்கீடு கிடைக்கும் என்றும் 20 சதவீதம் பின்தங்கிய கிறிஸ்தவர்களுக்கு முக்கியமாக லத்தீன் கத்தோலிக்கர்களுக்கும் தலித் சமூகங்களிலிருந்து மாற்றப்பட்ட கிறிஸ்தவர்களுக்கும் செல்லும் என்றும் கூறப்பட்டது.

    வழக்கு வாதங்கள்:

    ஜஸ்டின் பல்லிவதக்கல் என்பவர் தாக்கல் செய்த மனுவில், 2006 ஆம் ஆண்டில் மாநில அரசாங்கம் அறிவித்த திட்டம் மத்திய அரசு அறிவித்த உதவித்தொகைக்கு முரணானது. மேலும் தகுதி மற்றும் வழிமுறைகளின் அடிப்படையில் சிறுபான்மை சமூகங்களைச் சேர்ந்த மாணவர்களுக்கு உதவித்தொகை வழங்கப்பட்டது. சிறுபான்மை சமூகங்களை ஊக்குவிக்கிறோம் என்ற பெயரில் கேரள மாநிலம் பிற சிறுபான்மை சமூகங்களுக்கு தீங்கு விளைவிக்கும் வகையில் முஸ்லிம் சமூகத்திற்கு தேவையற்ற ஆதரவைக் காட்டுகிறது. கிறிஸ்தவ சமூகத்தைப் பொறுத்தவரையில், லத்தீன் கத்தோலிக்க மற்றும் மதம் மாறிய கிறிஸ்தவர்களைத் தவிர, சிறும்பான்மை குழுவில் மற்றவர்களுக்கு எந்தவிதமான நன்மையும் வழங்கப்படுவதில்லை.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    இதன் விளைவாக சமூக பாகுபாடு ஏற்படுகிறது '' என்று மனுவில் குறிப்பிட்டிருந்தார். இந்த வழக்கு விசாரணையின் போது சச்சார் கமிட்டி மற்றும் கேரள அரசு சமர்ப்பித்த அறிக்கையின் அடிப்படையில், கல்லூரி சேர்க்கையில் முஸ்லிம்கள் கிறிஸ்தவர்களுக்கு பின்னால் இருப்பதாக அரசு தரப்பு வாதிட்டது. மேலும் 3% நிலமற்ற கிறிஸ்தவர்கள் மட்டுமே இருந்தனர். அதே நேரத்தில் முஸ்லீம் சமூகத்தில் 37.8% முஸ்லிம்கள் நிலமற்றவர்களாக இருந்தாக கூறப்பட்டது. கேரளாவில் உள்ள முஸ்லிம்கள் பின்தங்கிய சமூகத்தில் உள்ளனர். அதே நேரத்தில் கிறிஸ்தவர்கள், ரோமன் கத்தோலிக்கர்கள் மற்றும் கிறிஸ்தவர்களிடையே வேறு சில பிரிவுகளில் பின்தங்கிய சமூகங்கள் இல்லை என்று அரசு தரப்பு வாதிட்டது.

    கேரளாவில் சிறுபான்மையினரின் நிலை என்ன?

    2011 மக்கள் தொகை கணக்கெடுப்பு புள்ளிவிவரங்களின்படி, மாநிலத்தில் 45.27 சதவீதம் பேர் சிறுபான்மை சமூகங்களைச் சேர்ந்தவர்கள் ஆவர். அதில் முக்கியமாக 26.56 சதவீத முஸ்லீம்களும் 18.38 சதவீத கிறிஸ்தவர்களும் உள்ளனர். கேரள மாநிலத்தில் உள்ள 3.3 கோடி மக்கள் தொகையில் இந்துக்கள் 54.73 சதவீதம் உள்ளனர். இதன் பொருள், 45.27 % சிறுபான்மையினரில் 58.67 சதவீதம் முஸ்லிம்களும் 40.6 சதவீதம் கிறிஸ்தவர்களும், மீதமுள்ள 0.73% பிற சிறுபான்மை சமூகங்களும் உள்ளன.

    1971 ஆம் ஆண்டு மக்கள்தொகை கணக்கெடுப்பின்படி, மாநிலத்தில் 2.1 கோடி மக்கள் தொகை இருந்தபோது, சிறுபான்மை சமூகங்களின் பங்கு 21.6 சதவீத கிறிஸ்தவர்கள் மற்றும் 19.5 சதவீத முஸ்லிம் தொகையுடன் 40.6% ஆக இருந்தது.

    2001 ஆம் ஆண்டு மக்கள்தொகை கணக்கெடுப்பின்படி, ஆறு வயதிற்குட்பட்ட மக்கள்தொகையின் சதவீதம் கிறிஸ்தவ சமூகத்தை கவலையடையச் செய்தது. ஏனெனில் இந்த வகையில் அவர்களின் பங்களிப்பு வெறும் 15.75 சதவீதமாகவும், முஸ்லிம் மக்கள்தொகை 36.74 சதவீதமாகவும் இருந்தது.

    Also Read:   1 கிலோ மீட்டருக்கு 0.05 கிலோவாட் ஆற்றலை மட்டுமே பயன்படுத்தி சாதனை படைத்த அர்பன்லூப் ஆட்டோமேட்டிக் ரயில்!

    இந்த நிலையில், கேரள அரசின் கீழ் இயங்கும் பொருளாதாரம் மற்றும் புள்ளிவிவரத் துறையின் முக்கிய புள்ளிவிவரப் பிரிவு அளித்த தரவினை தீர்ப்பில் மேற்கோள் காட்டிய நீதிமன்றம், 2017 ஆம் ஆண்டிற்கான பிறப்பு பகுப்பாய்வின் சதவீதத்தின் அடிப்படையில் 43 சதவீத முஸ்லிம்களும், 41.70 சதவீத இந்துக்களும், 14.96 சதவீதம் கிறிஸ்தவர்களும் இருப்பதைக் சுட்டிக்காட்டியுள்ளது.

    கேரளாவில் உள்ள தேவாலயங்கள்:

    2011 மக்கள் தொகை கணக்கெடுப்பின்படி, கேரள கிறிஸ்தவர்களில் சுமார் 6.5 மில்லியன், அதாவது இரண்டு சமூகங்கள் மட்டுமே சர்ச்சைக்குரிய '20 சதவீதத்தில் 'இருந்தன. அதில் 13.3 சதவீதம் லத்தீன் கத்தோலிக்கர்களும், 2.6 சதவீத தலித் கிறிஸ்தவர்களும் உள்ளனர். அனைத்து கிறிஸ்தவர்களில், 61 சதவிகிதம் மூன்று குறிப்பிட்ட தேவாலயங்களைச் சேர்ந்த கத்தோலிக்கர்களுடன் சிரோ மலபார் பிரிவினர் 37 சதவிகிதம் இருந்தார்கள். இதுதவிர சிரோ மலங்கரா மற்றும் லத்தீன் மற்ற இரண்டு கத்தோலிக்க தேவாலயங்கள் உள்ளன. மலங்கரா ஆர்த்தடாக்ஸ், மலங்கரா ஜேக்கபைட், மலங்கரா மார்த்தோமா, தென்னிந்திய தேவாலயம் மற்றும் பெந்தேகோஸ்தே தேவாலயங்கள் ஆகியவை கேரளாவில் உள்ளன.

    Also Read: 17 வயது மாணவருடன் மாயமான டியூஷன் டீச்சர்!

    சிறுபான்மை நலத்துறை பொறுப்பாளராக இருக்கும் முதல்வர்:

    மீண்டும் ஆட்சியை பிடித்த பிறகும், சிறுபான்மையினர் நலத் துறையின் பொறுப்பாளராக பொறுப்பேற்ற பினராயி விஜயன் ஒரு குறிப்பிடத்தக்க அரசியல் மாற்றத்தை ஏற்படுத்துவார் என்று நம்பப்பட்டது. ஏனெனில் இந்த துறையை கையாளும் முதல் கேரள முதல்வர் இவராவார். இதற்கு முன்னதாக இந்த துறை பல ஆண்டுகளாக முஸ்லிம் சமூகத்தைச் சேர்ந்த அமைச்சர்களுக்கு ஒதுக்கப்பட்டிருந்தது. துறையின் பொறுப்பை ஏற்றுக்கொண்ட பின் முதல்வர் பினராயி கூறியதாவது, "சமூகத்தின் அனைத்து பிரிவுகளும் இதை வரவேற்றுள்ளன. முதலமைச்சர் ஒரு துறையை கையாளும் போது, யாருக்கும் தனிப்பட்ட அக்கறை தருவதற்கு இடமில்லை.

    Also Read : உயிர் வாழ முடியாத கிரகமாக வீனஸ் மாறியது ஏன்?

    சிறுபான்மை நலத்துறை (போர்ட்ஃபோலியோ) முதல்வரிடம் வைக்கப்பட வேண்டும் என்ற பொதுவான கருத்தில் இருந்து இந்த முடிவு தொடங்கியது, ”என்று கூறினார். அந்த சமயத்தில் சிறுபான்மை நலத்துறை தங்கள் சமூகத்திற்கு நீதி வழங்கவில்லை என்றும் '80: 20 விகிதம் 'ரத்து செய்யப்பட வேண்டும் என்றும் கிறிஸ்தவ சமூகம் குற்றம் சாட்டியிருந்தது. இந்த நிலையில், நாளை நடக்கவுள்ள கூட்டத்தில் என்ன முடிவெடுக்கப்படும் என்று மக்கள் ஆர்வத்துடன் எதிர்பார்த்து காத்திருக்கின்றனர்.
    Published by:Arun
    First published: