Home /News /national /

கேரள முதல்வர் பினராயி விஜயனுக்கு கொரோனா பாதிப்பு

கேரள முதல்வர் பினராயி விஜயனுக்கு கொரோனா பாதிப்பு

பினராயி விஜயன்

பினராயி விஜயன்

கேரள முதல்வர் பினராயி விஜயனுக்கு கொரோனா பாதிப்பு உறுதிசெய்யப்பட்டுள்ளது.

    இந்தியாவில் கடந்த ஆண்டு மார்ச் மாதம் பரவத் தொடங்கிய கொரோனா பாதிப்பு தற்போதுவரை தொடர்ந்துவருகிறது. கடந்த சில மாதங்களாக குறைந்திருந்த கொரோனா பாதிப்பு தற்போது மீண்டும் அசுர வேகம் எடுத்துள்ளது. கடந்த ஒரு மாத காலமாக இந்தியாவில் கொரோனா வைரஸ் மிகத் தீவிரமாக பரவிவருகிறது. இதுவரையில் இல்லாத புதிய உச்சமாக ஒரே நாளில் 1.26 லட்சம் பேர் கொரோனாவால் பாதிக்கப்பட்டுள்ளது. குறிப்பாக, மகாராஷ்டிரா, கேரளா உள்ளிட்ட மாநிலங்கள் மிக அதிக அளவில் பாதிப்பை எதிர்கொள்கின்றன. கடந்தமுறை கொரோனாவால் பாதிக்கப்படாதவர்கள் பலருக்கும் தற்போது கொரோனா பாதித்துவருகிறது.

    தமிழகத்தில் தி.மு.க எம்.பி கனிமொழி சமீபத்தில் கொரோனா பாதித்து குணமடைந்து வீடு திரும்பியுள்ளார். இன்று தி.மு.க பொதுச் செயலாளர் துரை முருகனுக்கு கொரோனா பாதிப்பு உறுதி செய்யப்பட்டுள்ளது.

    இந்தநிலையில், கேரள முதல்வர் பினராயி விஜயனுக்கு கொரோனா பாதிப்பு உறுதி செய்யப்பட்டுள்ளது. அவர் கடந்த மார்ச் மாதம் 3-ம் தேதி கொரோனாவுக்கான முதல் தடுப்பூசியை எடுத்துக்கொண்டுள்ளார் என்பது குறிப்பிடத்தக்கது.


    உடனடி செய்திகளுக்கு இணைந்திருங்கள்
    Published by:Karthick S
    First published:

    Tags: Corona Vaccine, CoronaVirus, Pinarayi vijayan

    அடுத்த செய்தி