Home /News /national /

இன்றும் யார் வீட்டிலாவது தேசியக் கொடி பறக்குதா...தேசியக்கொடியை எப்படி மடித்துப் பாதுகாக்க வேண்டும் என்று தெரிந்து கொள்ளுங்கள் !

இன்றும் யார் வீட்டிலாவது தேசியக் கொடி பறக்குதா...தேசியக்கொடியை எப்படி மடித்துப் பாதுகாக்க வேண்டும் என்று தெரிந்து கொள்ளுங்கள் !

தேசிய கொடி

தேசிய கொடி

அசோக சக்கரம் மற்றும் மெல்லிய காவி மற்றும் பச்சை பட்டைகளின் பகுதிகள் மட்டுமே தெரியும் வகையில், வெள்ளை பட்டையை இருபுறமும் மையத்தை நோக்கி மடக்க வேண்டும்.

  • News18 Tamil
  • 2 minute read
  • Last Updated :
இந்திய சுதந்திரத்தின் 75-வது ஆண்டுகள் நிறைவைக் கொண்டாட ஆகஸ்ட் 13 முதல் 15 வரை மக்கள் தங்கள் வீடுகளில் தேசியக் கொடியை ஏற்ற வேண்டும் என்று ஹர் கர் திரங்கா எனும் கொள்கையின் கீழ் மத்திய அரசு வலியுறுத்தியது. நேற்று சுதந்திர தினம் முடிந்ததை அடுத்து கொடியை அகற்றத் தொடங்குவார்கள்.

அவ்வாறு செய்யும்போது, ​​2002 இன் இந்தியக் கொடிக் குறியீட்டின்படி, சில விதிகளைப் பின்பற்ற வேண்டும், இது கொடியைக் ஏற்றுவதோடு அகற்றி சேமிப்பதற்கும் பின்பற்ற வேண்டிய மரபுகளை வகுத்துள்ளது.

கொடியை மடிக்கும் முறை :

கொடியை இறக்கிய பிறகு, அதை சேமிக்க திட்டமிட்டால், அதை ஒரு குறிப்பிட்ட வழியில் மடிக்க வேண்டும். அதை கிடைமட்டமாக வைத்த பிறகு, காவி மற்றும் பச்சை நிற பட்டைகளை வெள்ளை பட்டையின் கீழ் மடித்து, மெல்லிய காவி மற்றும் பச்சை பட்டைகள் தெரியும் வகையில் வைக்க வேண்டும்.


பின்னர், அசோக சக்கரம் மற்றும் மெல்லிய காவி மற்றும் பச்சை பட்டைகளின் பகுதிகள் மட்டுமே தெரியும் வகையில், வெள்ளை பட்டையை இருபுறமும் மையத்தை நோக்கி மடக்க வேண்டும். இவ்வாறு மடிக்கப்பட்ட கொடியை உங்கள் உள்ளங்கைகளிலோ அல்லது கைகளிலோ எடுத்துச் சென்று சேமித்து வைக்க வேண்டும்.

மனதில் கொள்ள வேண்டிய மற்ற விஷயங்கள்

இந்தியக் கொடிச் சட்டத்தைத் தவிர, தேசியக் கொடியை அவமதிப்பதைத் தடுக்க, 1971 ஆம் ஆண்டு தேசிய மரியாதையை அவமதிப்பதைத் தடுக்கும் சட்டத்தின் கீழ் வேறு சில விதிகள் உள்ளன. இந்தச் சட்டத்தின் கீழ் மீறினால் அபராதம் அல்லது மூன்று ஆண்டுகள் வரை சிறைத்தண்டனை விதிக்கப்படலாம்.

Exclusive: இனி அரசு மானியம், பலன்களை பெற ஆதார் கட்டாயம்..UIDAI சுற்றறிக்கை

  • எந்தவொரு நபரின் இடுப்புக்குக் கீழே அணியும் ஆடை, சீருடை அல்லது துணைப் பொருளின் ஒரு பகுதியாகப் பயன்படுத்த கூடாது

  • குஷன்கள், கைக்குட்டைகள், நாப்கின்கள், உள்ளாடைகள் அல்லது எந்த ஆடைப் பொருட்களிலும் எம்ப்ராய்டரியாகவோ, அச்சிடவோ கூடாது

  • பொருட்களை மூடவோ, பொட்டலமாக மடிக்கவோ, எடுத்துச் செல்லவோ, பயன்படுத்த கூடாது

  • சிலை அல்லது நினைவுச்சின்னம் அல்லது பேச்சாளர் மேசை அல்லது பேச்சாளர் மேடைக்கு திரைசீலையாக பயன்படுத்த முடியாது

  • தரையில் அல்லது தண்ணீரில் வீழக்கூடாது

  • வாகனத்தின் பக்கவாட்டு பகுதிகளில் ஒட்டப்பட்ட கூடாது

Published by:Ilakkiya GP
First published:

Tags: Independence day

அடுத்த செய்தி