• HOME
  • »
  • NEWS
  • »
  • national
  • »
  • Aadhaar card | ஆதாரில் மொபைல் எண்ணை மாற்ற வேண்டுமா? ஆன்லைனில் அப்ளை செய்ய ஸ்டெப்ஸ் இதோ!

Aadhaar card | ஆதாரில் மொபைல் எண்ணை மாற்ற வேண்டுமா? ஆன்லைனில் அப்ளை செய்ய ஸ்டெப்ஸ் இதோ!

உங்கள் தொலைபேசி எண்ணுக்கு அனுப்பப்படும் OTP-ஐ வலது பக்கத்தில் உள்ள பாக்ஸ்-சில் உள்ளிடவும்.

  • Share this:
இன்றைய காலகட்டத்தில் பெரியவர்கள் மட்டும் அல்ல, சிறிய குழந்தைகளுக்கு முதல் கொண்டு ஆதார் அட்டை கட்டாயமாக்கப்பட்டுள்ளது. ஆதார் அட்டை அனைத்து வகையான தேவைகளுக்கும் ஒரு அத்தியாவசிய ஆவணமாகும். வங்கி பரிவர்தனைகள் அல்லது டிஜிட்டல் பரிவர்த்தனைகள் எதுவாக இருந்தாலும், நீங்கள் ஆதார் அட்டை வைத்திருக்க வேண்டும். புதிய தொலைபேசி இணைப்பைப் பெறுவது முதல் உங்கள் வருமான வரியைத் தாக்கல் செய்வது வரை அனைத்தும் இப்போது ஆதார் உடன் இணைக்கப்பட்டுள்ளன.

நீங்கள் எங்கு என்றாலும் உங்கள் விவரங்களை சரிபார்க்க ஆதார் கேட்கப்படும். எனவே உங்கள் ஆதார் அட்டையில் அனைத்து விவரங்களையும் சரியாக குறிப்பிடுவது முக்கியம். உங்கள் ஆதார் அட்டையில் ஏதேனும் தவறுகள் இருந்தால் அதை ஆதார் சேவை மையத்திற்கு சென்று திருத்தி கொள்ள முடியும். உங்கள் ஆதார் அட்டையில் உள்ள பெயர், பாலினம் மற்றும் பிறந்த தேதி ஆகியவற்றை ஆன்லைனில் மாற்றி கொள்ளலாம்.

ஆனால் ஆன்லைனில் எந்த ஒரு திருத்தங்களை மேற்கொள்ளவும் உங்களது மொபைல் எண் சரியானதாகவும், தற்போது பயன்பாட்டில் இருப்பதும் அவசியமானதாகும். ஒரு சிலர் ஆதார் விண்ணப்பித்த போதே மொபைல் எண் கொடுக்காமல் இருப்பார்கள், இவர்கள் நேரடியாக ஆதார் சேவை மையத்திற்கு சென்று மொபைல் எண்ணை இணைக்க விண்ணப்பித்து கொள்ளலாம். நீங்கள் உங்கள் ஆதாரில் ஏற்கனவே கொடுத்துள்ள மொபைல் எண்ணை மாற்ற விரும்பினால், ஆன்லைனிலேயே மாற்றி கொள்ளலாம்.

ஆதாரில் மொபைல் எண்ணை மாற்றுவது எப்படி என்பது இங்கே...

  • UIDAI அதிகாரப்பூர்வ தளமான https://ask.uidai.gov.inக்கு செல்லவும்.

  • நீங்கள் புதுப்பிக்க விரும்பும் மொபைல் எண்ணை கொடுக்கவும்.

  • பின்னர் கேப்ட்சாவை சரியாக கொடுத்து விட்டு, ‘Send OTP’ என்ற விருப்பத்தை கிளிக் செய்யவும்.

  • உங்கள் தொலைபேசி எண்ணுக்கு அனுப்பப்படும் OTP-ஐ வலது பக்கத்தில் உள்ள பாக்ஸ்-சில் உள்ளிடவும்.

  • இப்போது ‘subit OTP & Proceed’ விருப்பத்தை கிளிக் செய்யவும்.

  • தற்போது தோன்றும் திரையில் உள்ள 'ஆன்லைன் ஆதார் சேவைகள்' என்ற விருப்பத்தில் இருந்து மொபைல் எண்ணைப் புதுப்பிக்கும் விருப்பத்தை கிளிக் செய்யவும்.

  • அதில் விவரங்களைப் பூர்த்தி செய்து, கேப்ட்சா குறியீட்டை உள்ளிட வேண்டும். பின்னர் உங்கள் எண்ணுக்கு OTP அனுப்பப்படும்.

  • OTP ஐ சரிபார்த்து, 'save and continue' என்பதைக் கிளிக் செய்யவும்.


இப்போது ஆன்லைனில் முன்பதிவு செய்து அருகிலுள்ள ஆதார் மையத்திற்கு சென்று, இந்த செயல்முறையை முடிக்க நீங்கள் ரூ.25 கட்டணம் செலுத்த வேண்டும்.

பெயர், முகவரி, பிறந்த தேதி/வயது, பாலினம், மொபைல் எண், ஈமெயில் ஐடி ஆகியவற்றையும் நீங்கள் ஆன்லைனில் மாற்றி கொள்ளலாம். பயோமெட்ரிக் கருவிழி, கைரேகைகள் ஆகியவை கட்டாயம் தேவைப்பட்டால் நீங்கள் ஆதார் சேவை மையத்திற்கு செல்ல வேண்டும்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Archana R
First published: