மிசோரமில் ஆட்சியை இழக்கிறது காங்கிரஸ்!

வடகிழக்கு மாநிலமான மிசோரமில் காங்கிரஸ் கட்சி, மாநிலக் கட்சியான மிசோரம் தேசிய முன்னணியிடம் ஆட்சியை பறிகொடுக்க உள்ளது.

வடகிழக்கு மாநிலங்களில் ஒன்றான மிசோரமில் இன்று வாக்கு எண்ணிக்கை நடந்து வருகிறது. மொத்தமுள்ள 40 இடங்களில் தற்போது வரை ஆளும் காங்கிரஸ் கட்சி 8 இடங்களில் மட்டுமே முன்னிலை பெற்றுள்ளது. மாநில கட்சியான மிசோரம் தேசிய முன்னணி 21 இடங்களிலும், பாஜக 1 இடங்களிலும் முன்னிலையில் இருந்து வருகிறது.

கடந்த 2013-ம் ஆண்டு நடந்த தேர்தலில் காங்கிரஸ் கட்சி 34 இடங்களில் வெற்றி பெற்றிருந்த நிலையில், இந்த முறை அக்கட்சியின் நிலமை தலைகீழாக மாறியுள்ளது.

கடந்த தேர்தலில் 5 இடங்களில் மட்டுமே வென்ற மிசோரம் தேசிய முன்னணி தற்போது, ஆட்சியமைக்கத் தேவையான 21 இடங்களை நெருங்கி முன்னிலை வகித்து வருகிறது.

7 மாநிலங்கள் இருக்கும் நாட்டின் வடகிழக்கு பகுதியில், மிசோரமில் மட்டுமே காங்கிரஸ் கட்சி ஆட்சியில் இருந்து வந்தது. மற்ற அனைத்து மாநிலங்களிலும் பாஜக மற்றும் அதன் கூட்டணி ஆட்சி நடந்து வருகிறது.

Also See..