• HOME
  • »
  • NEWS
  • »
  • national
  • »
  • அக்கா என அழைத்து நம்பிக்கை மோசடி.. இன்ஸ்டாகிராம் மூலம் ரூ.4 லட்சம் சுருட்டிய கும்பல்.. அழகுக்கலை நிபுணருக்கு நேர்ந்த சோகம்..

அக்கா என அழைத்து நம்பிக்கை மோசடி.. இன்ஸ்டாகிராம் மூலம் ரூ.4 லட்சம் சுருட்டிய கும்பல்.. அழகுக்கலை நிபுணருக்கு நேர்ந்த சோகம்..

Instagram

Instagram

நைஜீரியாவைச் சேர்ந்த பென்ஜமின் கொடுத்த ஐடியாவின் அடிப்படையிலேயே இந்த நூதன மோசடி நடைபெற்றிருப்பதாக தெரியவந்துள்ளது

  • Share this:
டெல்லியில் அழகுகலை நிபுரணராக பணியாற்றி வரும் பெண் ஒருவரிடம், இன்ஸ்டாகிராம் மூலம் 4 லட்சம் ரூபாய் சுருட்டிய ஆசாமிகளை காவல்துறையினர் கைது செய்துள்ளனர்.

நியூ டெல்லியின் புஷ்ப் விகார் பகுதியில் வசித்து வரும் பெண் ஒருவர் அழகுகலை நிபுணராக பணியாற்றி வருகிறார். இன்ஸ்டாகிராம் பக்கத்தில் மிகவும் ஆக்டிவாக இருக்கும் அவருக்கு லூசி ஹேரி என்ற ஆண் நண்பர் பழக்கம் ஏற்பட்டுள்ளது. ஆண் நண்பரும் அக்கா என அழைத்தும், தன்னை இங்கிலாந்து குடிமகன் என அழகுகலை நிபுணரிடம் அறிமுகப்படுத்தி கொண்டுள்ளார். அக்கா, தம்பி எனக்கூறி உறவில் இருவரும் இன்ஸ்டாகிராமில் பழகி வந்துள்ளனர். நாளுக்கு நாள் இருவருக்கும் இடையிலான உறவில் நம்பிக்கை அதிகரித்துள்ளது. இதனைப் பயன்படுத்திக்கொண்ட அந்த இன்ஸ்டாகிராம் ‘சகோதரன்’, அழகுகலை நிபுணருக்கு வெளிநாட்டு பணம் அடங்கிய பெட்டி ஒன்றை பரிசாக கொடுப்பதாக கூறியுள்ளார். 

இதற்கு அடுத்தடுத்த நாட்களில் சுங்கத்துறை அதிகாரிகளிடம் இருந்து சென்ற அழைப்பில், பணப்பெட்டி வந்துவிட்டதாகவும் உரிய கட்டணத்தை செலுத்தி பணத்தை எடுத்துச் செல்லுமாறு கூறப்பட்டுள்ளது. இதனை நம்பிய அந்த பெண், சுங்கவரி கட்டணம், வெளிநாட்டு பணப்பரிமாற்றத்துக்கான கட்டணம், அதிகாரிகளுக்கு  லஞ்சம் என சுமார் 4 லட்சம் ரூபாய் பணத்தை அவர்கள் கொடுத்த வங்கிக் கணக்குக்கு அனுப்பி வைத்துள்ளார்.

மேலும், ரூ.3,75,000 பணம் வேண்டும் என்று அவர்கள் கேட்கும்போது அந்த பெண்ணிடம் பணம் இல்லை. அப்போது, தான் ஏமாற்றப்பட்டிருப்பதை உணர்ந்த அந்த பெண் அழகுகலை நிபுணர் அருகில் இருந்த சாகெட் (Saket) காவல்நிலையத்தில் புகார் அளித்துள்ளார். இதனடிப்படையில் வழக்குப்பதிவு செய்த காவல்துறையினர், அந்த பெண்ணிடம் நடந்தவற்றையெல்லாம் முதலில் தீவிரமாக விசாரித்துள்ளனர். பின்னர், வங்கி கணக்கு மற்றும் இன்ஸ்டாகிராம் கணக்கு ஆகியவற்றை கொண்டு காவல்துறையினர் விசாரணையை தொடங்கினர். 

இந்த வழக்கு குறித்து பேசிய டெல்லி தெற்கு டிசிபி அதுல் தாக்கூர், "அந்த பெண் அளித்த தகவலின் அடிப்படையில் விசாரணையை தொடங்கினோம். வங்கி கணக்கு நாகாலந்து மாநிலம் திமாபூர் பகுதியைச் சேர்ந்தது என கண்டுபிடிக்கப்பட்டு, அங்கிருக்கும் காவல்துறையினருக்கு வழக்கு விவரங்களை கொடுத்தோம். ஆனால், வங்கியில் கொடுக்கப்பட்ட தகவலும் பொய் என தெரியவந்தது. பின்னர், இன்ஸ்டாகிராமுக்கு அந்த போலி கணக்குகள் குறித்து நோட்டீஸ் அனுப்பினோம். 

அதுமட்டுமல்லாது டெக்னிக்கல் உதவியையும் நாடினோம். தீவிரமாக மேற்கொள்ளப்பட்ட விசாரணையில் நியூடெல்லி ஜானகிபூரியை சேர்ந்த அமர்ஜீத் யாதவ் என்பவரை கைது செய்தோம். கொரோனா காலத்தில் 6 மாதங்கள் அவர் சிம்கார்டு விற்பனை செய்யும் விற்பனையாளராக பணியாற்றியுள்ளார். அப்போது நைஜீரிய நாட்டைச் சேர்ந்த பென்ஜமின் ஏக்னே என்பவருடன் ஏற்பட்ட தொடர்பில் இருவரும் இணைந்து இத்தகைய மோசடியில் ஈடுபட்டுள்ளனர்" என்றார்.

தொடர்ந்து பேசிய அவர், நைஜீரியாவைச் சேர்ந்த பென்ஜமின் கொடுத்த ஐடியாவின் அடிப்படையிலேயே இந்த நூதன மோசடி நடைபெற்றிருப்பதாக கூறினார். மேலும், இந்த மோசடியில் பிரபு என்பவருக்கும், வெளிநாட்டைச் சேர்ந்த ஜோசப் என்பவருக்கும் தொடர்பு இருப்பதை கண்டுபிடித்துள்ளதாகவும், தலைமறைவாக இருக்கும் இருவரையும் தேடி வருவதாகவும் அவர் தெரிவித்தார்.

 

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Gunavathy
First published: