Home /News /national /

காஷ்மீர் முதல் கன்னியாகுமரி வரை காங்கிரஸ் பாத யாத்திரை: ராகுல் காந்தி பங்கேற்கிறார்

காஷ்மீர் முதல் கன்னியாகுமரி வரை காங்கிரஸ் பாத யாத்திரை: ராகுல் காந்தி பங்கேற்கிறார்

மாதிரிப் படம்

மாதிரிப் படம்

Bharat Jodo Yatra: இந்திய தேசிய காங்கிரஸ் தனது கன்னியாகுமரி முதல் காஷ்மீர் வரை பாரத் ஜோடோ யாத்திரையை செப்டம்பர் 7, 2022 முதல் தொடங்குகிறது

  • News18 Tamil
  • 1 minute read
  • Last Updated :
    காஷ்மீர் முதல் கன்னியாகுமரி வரையிலான பாத யாத்திரையை காங்கிரஸ் கட்சி செப்டம்பர் 7ம் தேதி தொடங்கவுள்ளது. இதில், ராகுல் காந்தி உட்பட பல்வேறு முக்கிய தலைவர்களும் பங்கேற்கவுள்ளனர்.

    இது தொடர்பாக  காங்கிரஸ் மூத்த தலைவரும் எம்.பி.யுமான ஸ்ரீ ஜெய்ராம் ரமேஷ் வெளியிட்டுள்ள அறிக்கையில், இந்த நாளில் 80 ஆண்டுகளுக்கு முன்பு இந்திய தேசிய காங்கிரஸ் மகாத்மா காந்தியின் தலைமையில் மற்றும் உத்வேகத்தின் கீழ் "பாரத் சோடோ" (வெள்ளையனே வெளியேறு)  இயக்கத்தைத் தொடங்கியது, இது நம் நாட்டிற்கு ஐந்து ஆண்டுகளுக்குப் பிறகு சுதந்திரத்தை வென்றது.

    இன்று இந்திய தேசிய காங்கிரஸ் தனது கன்னியாகுமரி முதல் காஷ்மீர் வரை பாரத் ஜோடோ யாத்திரையை செப்டம்பர் 7, 2022 முதல் தொடங்குவதாக அறிவிக்கிறது. இது பன்னிரண்டு மாநிலங்கள் மற்றும் 2 யூனியன் பிரதேசங்கள் முழுவதும் நடைபயணமாகும். இது சுமார் 3500 கிமீ நீளம் மற்றும் சுமார் 150 நாட்களில் முடிக்கப்படும். இந்த யாத்திரையில் ராகுல் காந்தி உள்ளிட்ட காங்கிரஸ் தொண்டர்கள் மற்றும் தலைவர்கள் பங்கேற்கின்றனர்’ என தெரிவித்துள்ளார்.

    இதையும் படிங்க: நமீபியாவிலிருந்து இந்தியா வரும் சிவிங்கிப்புலி.. இரைக்காக 250 புள்ளிமான்கள் மத்தியப்பிரதேசத்தில் அடைப்பு

    மேலும், பயம், மதவெறி மற்றும் தப்பெண்ண அரசியலுக்கும், வாழ்வாதார அழிவு, அதிகரித்து வரும் வேலையில்லா திண்டாட்டம் மற்றும் வளர்ந்து வரும் ஏற்றத்தாழ்வுகளின் பொருளாதாரத்திற்கும் மாற்றாக பாரத் ஜோடோ யாத்ராவில் பங்கேற்க ஒரு மாபெரும் தேசிய முயற்சியில் பங்கேற்க விரும்பும் அனைவரையும் இந்திய தேசிய காங்கிரஸ் கேட்டுக்கொள்வதாக அவர் கூறியுள்ளார்.
    Published by:Murugesh M
    First published:

    Tags: Congress, Rahul gandhi

    அடுத்த செய்தி