• HOME
  • »
  • NEWS
  • »
  • national
  • »
  • சரியாக பால் கறக்கவில்லை என எருமை மாட்டுடன் போலீஸ் நிலையத்துக்கு வந்து புகார் கொடுத்த விவசாயி..

சரியாக பால் கறக்கவில்லை என எருமை மாட்டுடன் போலீஸ் நிலையத்துக்கு வந்து புகார் கொடுத்த விவசாயி..

buffalo

buffalo

மாட்டுக்கு யாராவது சூனியம் வைத்திருக்கலாம் எனவும் இது குறித்து காவல்நிலையத்துக்கு சென்றால் கட்டாயம் உன் பிரச்னை தீர்க்கப்படும் என கிராம மக்கள் சிலர் கூறியிருக்கின்றனர்.

  • Share this:
தனது எருமை மாடு சரியாக பால் கறக்கவில்லை என கூறி மாட்டை கையோடு அழைத்து வந்து போலீஸ் நிலையத்தில் விவசாயி ஒருவர் புகார் அளித்த சம்பவம் ஆச்சரியத்தை ஏற்படுத்தியிருக்கிறது.

குற்றங்கள் தொடர்பாக, நகை, பணம், வாகனங்கள் தொலைந்ததாக, சண்டை சச்சரவுகள் என பல வகையான புகார்கள் கொடுப்பதற்காக பொதுமக்கள் போலீஸ் நிலையத்துக்கு செல்வது வாடிக்கையான நிகழ்வு தான். ஆனால் எப்போதாவது தான் மிகவும் விநோதமான புகார்களுடன் போலீஸ் நிலையத்துக்கு சிலர் வருவதுண்டு.. அந்த வகையில் எருமை மாடு சரியாக பால் கறக்கவில்லை என்ற விநோத புகாருடன் காவல்நிலையம் வந்த விவசாயியை பார்த்து காவல்துறையினர் ஒரு கணம் திகைத்து தான் போனார்கள்.

மத்திய பிரதேச மாநிலம் பிந்த் மாவட்டத்தில் உள்ள நயோகான் எனும் கிராமத்தைச் சேர்ந்தவர் விவசாயி பாபுலால் ஜாதவ் (வயது 45). நேற்று (நவம்பர் 13) அங்குள்ள காவல்நிலையத்துக்கு சென்ற விவசாயி பாபுலால் ஜாதவ், தனது எருமை மாடு கடந்த சில தினங்களாகவே சரியாக பால்கறக்கவில்லை என எழுத்துப்பூர்வமாக புகார் கொடுத்தார்.

Also read:  நடிகர் சூர்யா பட பாணியில் ஒரு உண்மை சம்பவம் - ஒரு துயர வாழ்க்கை..

இதனால் அங்கிருந்த காவலர்கள் திகைத்துப் போனார்கள். பின்னர் அங்கிருந்து சென்ற விவசாயி பாபுலால், வீட்டுக்கு சென்று தனது எருமை மாட்டை காவல் நிலையத்துக்கு கையோடு அழைத்து வந்து, இது தான் என் எருமை மாடு, கடந்த சில தினங்களாகவே என் எருமை மாடு சரியாக பால்கறக்கவில்லை எனவே காவல்துறையினர் இது குறித்து நடவடிக்கை எடுக்க வேண்டும் என கோரிக்கை வைத்தார்.

நடந்தது என்ன?

விவசாயி பாபுலாலின் எருமை மாடு கடந்த சில தினங்களாக பால் சரியாக கறக்காததால், யாரேனும் மாட்டுக்கு மாந்ரீகம் செய்து சூனியம் வைத்திருக்கலாம் என கிராமத்தினர் சந்தேகம் எழுப்பியுள்ளனர். மேலும் இது குறித்து காவல்நிலையத்துக்கு சென்றால் கட்டாயம் உன் பிரச்னை தீர்க்கப்படும் என கிராம மக்கள் சிலர் கூறியதன் பேரில், விவசாயி பாபுலால் காவல்நிலையத்துக்கு தனது மாட்டை அழைத்து வந்திருக்கிறார்.

Also read:    கோயில் உண்டியலில் பணத்தை திருடும் முன் கடவுளிடம் பிரார்த்தனை செய்த திருடன் - சிசிடிவி சுவாரஸ்யம்

இருப்பினும் விஷயத்தை புரிந்து கொண்ட போலீசார் தங்கள் மீது நம்பிக்கை வைத்து காவல்நிலையம் வந்த விவசாயியை அங்கிருந்து அனுப்பாமல், மாட்டுக்கு ஏதேனும் உடல்நலக் கோளாறு இருக்கலாம் எனவே கால்நடை மருத்துவரிடம் சென்று மாட்டை காட்டுமாறு அறிவுறுத்தி அனுப்பி வைத்திருக்கிறார்கள். இதனிடையே விவசாயி பாபுலால் இன்று மீண்டும் காவல்நிலையம் வந்து அதிகாரிகளை சந்தித்து தனது மாடு தற்போது பால் கறக்கிறது, என்பதால் தகுந்த ஆலோசனை வழங்கிய போலீசாருக்கு நன்றி தெரிவித்து சென்றார்.

எருமை மாட்டுடன் போலீஸ் நிலையத்துக்கு விவசாயி சென்ற விவகாரம் மத்திய பிரதேச மாநிலத்தில் பரபரப்பை ஏற்படுத்தியது. அதே நேரத்தில் விவசாயியை அலட்சியமாக நடத்தாமல் அவருக்கு உரிய ஆலோசனைகள் கொடுத்து அனுப்பிய போலீசாரை பொதுமக்கள் பாராட்டி வருகின்றனர்.

 

 

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Arun
First published: