முஸ்லிம் பெண்களை கூட்டு பாலியல் வன்கொடுமை செய்ய வேண்டும் - பாஜக மகளிரணி தலைவர் கருத்தால் சர்ச்சை

news18
Updated: July 4, 2019, 11:34 AM IST
முஸ்லிம் பெண்களை கூட்டு பாலியல் வன்கொடுமை செய்ய வேண்டும் - பாஜக மகளிரணி தலைவர் கருத்தால் சர்ச்சை
சுனிதா சிங் கவுர்
news18
Updated: July 4, 2019, 11:34 AM IST
முஸ்லிம் பெண்களை இந்து சகோதரர்கள் கூட்டு பாலியல் வன்கொடுமை செய்து தூக்கில் தொங்க விட வேண்டும் என்று பேஸ்புக்கில் கருத்து பதிவிட்ட பாஜக மகளிரணியின் ராம்கோலா நகர தலைவர் சுனிதா சிங் கவுரின் பதவி பறிக்கப்பட்டுள்ளது.

உத்தரப்பிரதேசம் மாநிலத்தின் ராம்கோலா நகர பாஜக மகளிரணியின் தலைவராக இருந்தவர் சுனிதா சிங் கவுர். இவர் கடந்தமாதம் தனது பேஸ்புக் பக்கத்தில் பதிவிட்ட ஒரு கருத்து, பலத்த சர்ச்சையை ஏற்படுத்தியது.

“அவர்களுக்கு (முஸ்லிம்கள்) ஒரே ஒரு முடிவு மட்டுமே உள்ளது. இந்து சகோதரர்கள் 10 பேர் கொண்ட குழுவை உருவாக்கி, முஸ்லிம் தாய்மார்கள் மற்றும் பெண்களை தெருவில் வைத்து கூட்டு பாலியல் வன்கொடுமை செய்ய வேண்டும். பின்னர், அவர்களை மற்றவர்கள் பார்க்கும் விதமாக தூக்கில் தொங்கவிட வேண்டும்” என்று சுனிதா சிங் கவுர் இந்தியில் பதிவிட்டிருந்தார்.



இந்தியாவை பாதுகாக்க இதனை செய்ய வேண்டும் என்றும் சுனிதா குறிப்பிட்டிருந்தார். சுனிதாவின் இந்த பதிவு கடும் கண்டனங்களுடன் வைரலாக பரவியது.



இதனை அடுத்து, அஹமதாபாத் மிரர் பத்திரிகையின் ஆசிரியர் தீபால் திரிவேதி இதுதொடர்பாக பதிவிட்ட ட்வீட்டுக்கு பதிலளித்த, பாஜக மகளிர் அணியின் தேசிய தலைவர் விஜயா ரஹாத்கர், “பாஜக மகளிர் அணி, இது போன்ற வெறுப்பு கருத்துக்களை ஒருபோதும் சகித்துக்கொள்ளாது. அந்தப்பெண் நீங்கள் ட்வீட் செய்யப்படும் முன்னதாகவே கட்சிப் பொறுப்பில் இருந்து நீக்கப்பட்டுவிட்டார்” என்று கூறியுள்ளார்.



 

First published: July 4, 2019
மேலும் பார்க்க
Loading...
அடுத்து செய்திகள்
Loading...