மகாராஷ்டிராவின் பாஜகவின் பெண்கள் அணியின் மாநிலத் தலைவரான சித்ரா வாக், சமூக ஊடகப் பிரபலமான உர்ஃபி ஜாவேத் ஆடைகளை குற்றம் சாட்டி அவரை மும்மை காவல் துறை கைது செய்ய வேண்டும் என கோரிக்கை விடுத்துள்ளார்
கரண் ஜோஹரின் 'பிக் பாஸ் OTT' நிகழ்ச்சியில் பங்கேற்ற பிறகு உர்ஃபி பிரபலமானார். தற்போது 'ஸ்பிளிட்ஸ்வில்லா 14' என்ற ரியாலிட்டி ஷோவில் போட்டியாளராக உள்ளார். அதுமட்டுமின்றி, 'படே பையா கி துல்ஹனியா', 'சந்திர நந்தினி', 'மேரி துர்கா', 'பேபன்னா', 'ஜிஜி மா', 'யே ரிஷ்டா க்யா கெஹ்லதா ஹை', 'கசௌதி ஜிந்தகி கே' போன்ற தொலைக்காட்சி நிகழ்ச்சிகளிலும் நடித்துள்ளார்.
शी…ऽऽऽऽ
अरे..हे काय चाललयं मुंबईत
रस्त्यांवर सार्वजनिक ठीकाणी उत्तानपणे नंगटपणा करणारी ही बाई हिला रोखायला @MumbaiPolice कडे
IPC/CRPC आहेत की नाही
तात्काळ बेड्या ठोका हीला
एकीकडे निष्पाप महिला/मुली विकृतांच्या शिकार होताहेत तर ही बया अजून विकृती पसरवतीये @CPMumbaiPolice pic.twitter.com/M1loh1Mhge
— Chitra Kishor Wagh (@ChitraKWagh) December 30, 2022
சமீபத்தில், உர்ஃபியின் வீடியோ ஒன்று இணையத்தில் வைரலானது, அதில் அவர் ஜீன்ஸுடன் கருப்பு கட்அவுட் டாப் அணிந்து மும்பையில் ஒரு நிகழ்ச்சியில் கலந்துகொண்டார்.
இந்த வீடியோவை தனது ட்விட்டர் பக்கத்தில் பகிர்ந்துள்ள சித்ரா வாக், நடிகை "மும்பை தெருக்களில் பொதுவில் அரைநிர்வாண ஆடைகளில் சுற்றுவதாக " குற்றம் சாட்டினார். அதுமட்டுமின்றி, உர்ஃபியை கைது செய்ய வேண்டும் என்றும் கோரிக்கை விடுத்துள்ளார்.
தனது ட்விட்டரில், "மும்பையில் என்ன நடக்கிறது? மும்பை தெருக்களில் வெளிப்படையாக நிர்வாணத்தில் ஈடுபடும் இந்தப் பெண்ணைத் தடுக்க மும்பை காவல்துறைக்கு ஏதேனும் ஐபிசி/சிஆர்பிசி பிரிவுகள் இல்லையா? விரைவில் அவரைக் கைது செய்யுங்கள்" என்று எழுதினார்.
மேலும் கூறுகையில், "ஒருபுறம், அப்பாவி பெண்கள்/பெண்கள் வக்கிரங்களுக்கு இரையாகின்றனர், மறுபுறம், இந்த பெண் மேலும் வக்கிரத்தை பரப்புகிறார்." என்று சாடினார். வாக்கின் ட்வீட் குறித்து உர்ஃபி எந்த பதிலும் அளிக்கவில்லை.
உர்ஃபி ஒன்றும் புதிதல்ல. 2022 இல் இது போன்ற ஏராளமான ஆடை மற்றும் ஷூட்டிங் தொடர்பான சர்ச்சைகளில் சிக்கியிருந்தார்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE - 50, TCCL - 57, SCV - 28, VK Digital - 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.