ஐசிஐசிஐ வங்கியில் ஹெல்மெட் அணிந்து வந்து ₹8 லட்சம் கொள்ளை - திடுக்கிட வைக்கும் சிசிடிவி காட்சிகள்

ஐசிஐசிஐ வங்கியில் ஹெல்மெட் மற்றும் முகமூடி அணிந்து வந்த மர்ம நபர்கள் ரூ.8 லட்சம் பணத்தைக் கொள்ளையடித்துச் சென்ற சம்பவம் பரபரப்பை ஏற்படுத்தியுள்ளது.

பீகார் மாநிலம் முசாபர்பூரில் உள்ள ஐசிஐசிஐ வங்கிக் கிளைக்கு, முகமூடி அணிந்த வந்த 6 பேர் கொண்ட கும்பல், துப்பாக்கியை காட்டி மிரட்டி 8 லட்சம் ரூபாய் ரொக்கத்தை எடுத்துக் கொண்டு தப்பினர். இந்தக் காட்சிகள் அங்கிருந்த சிசிடிவி கேமராவில் பதிவாகியுள்ளது.

இதுகுறித்து வங்கி மேலாளர் கோபர்சாஹி கூறுகையில், ஹெல்மெட் மற்றும் முகமூடி அணிந்து வந்த 6 பேர் திடீரென வங்கிக்குள் நுழைந்தனர். அப்போது வங்கியில் 10-க்கும் மேற்பட்ட ஊழியர்கள் பணியில் இருந்தனர். உள்ளே வந்த 6 பேர் கொண்ட கும்பல் சில நிமிடங்களில் காசாளர்களிடம் இருந்து ரூ.8,05,115 லட்சம் பணத்தையும் பாதுகாவலர்களிடம் இருந்த துப்பாக்கியையும் பறித்துச் சென்றனர்.” என்றார்.

இந்தக் கொள்ளைச் சம்பவத்தில் ஈடுபட்ட 6 பேரில் மூவர் 18 வயதுக்கும் குறைவானவர்கள் என்றும், இதுதொடர்பாக விசாரணை நடத்த சிறப்புக் குழு அமைக்கப்பட்டிருப்பதாகவும் போலீசார் தெரிவித்துள்ளனர்.

#WATCH Bihar: Six people, wearing helmets and covering their faces, looted Rs 8,05,115 from ICICI bank in Muzaffarpur's Gobarsahi area. They also looted a rifle of the security guard at the bank. (05.10.2019) (Source: CCTV footage) pic.twitter.com/cpnsWB6dpW

— ANI (@ANI) October 5, 2019

வீடியோ பார்க்க: நகைக்கடை கொள்ளையரை துரத்தும் போலீஸ் - சிசிடிவி வீடியோ