மூக்கு வழி கொரோனா தடுப்பு மருந்து அறிமுகம்.. விலை என்ன தெரியுமா?

மூக்கின் வழியாக செலுத்தப்படும் கொரோனா தடுப்பு மருந்தை, பாரத் பயோடெக் நிறுவனம் அறிமுகம் செய்துள்ளது. இந்தியாவில் கோவாக்சின் மற்றும் கோவிஷீல்டு ஆகிய 2 தடுப்பூசிகள் பயன்படுத்தப்பட்டு வருகின்றன. இந்நிலையில், மூக்கின் வழியாக செலுத்தும் வகையிலான தடுப்பு மருந்தை பாரத் பயோடெக் நிறுவனம் உருவாக்கியுள்ளது.

இன்கோவேக் என்று பெயரிடப்பட்டுள்ள இந்த தடுப்பு மருந்தை, மத்திய சுகாதாரத்துறை அமைச்சர் மன்சுக் மாண்டவியா மற்றும் அறிவியல் தொழில்நுட்பத்துறை அமைச்சர் ஜிதேந்திர சிங் ஆகியோர் அறிமுகம் செய்து வைத்தனர்.

மத்திய, மாநில அரசுகளுக்கு ஒரு டோஸ் 325 ரூபாய் விலையிலும் தனியாருக்கு 800 ருபாய் விலையிலும் விற்பனை செய்யப்படும் என அந்நிறுவனம் தெரிவித்துள்ளது.