நாடு முழுவதும் பொதுசிவில் சட்டத்தை அமல்படுத்துவோம்... மத்திய அமைச்சர் அமித்ஷா உறுதி

குஜராத்தில் முழு பெரும்பான்மையுடன் மீண்டும் ஆட்சி அமைப்போம் என கூறியுள்ள உள்துறை அமைச்சர் அமித் ஷா பொது சிவில் சட்டத்தை அமல்படுத்துவோம் என்றார்.

குஜராத் சட்டப்பேரவைக்கு டிசம்பர் ஒன்று மற்றும் ஐந்தாம் தேதிகளில் இரண்டு கட்டங்களாக தேர்தல் நடைபெறுகிறது.

இந்நிலையில் குஜராத் அதிவேஷன் (Gujarat Adhiveshan) என்ற தலைப்பில் நியூஸ்18 குழுமம் சார்பில் அகமதாபாத்தில் சிறப்பு கலந்துரையாடல் நடைபெற்றது.

நெட்வொர்க் 18 மேலாண் இயக்குநர் மற்றும் முதன்மை செய்தி ஆசிரியர் ராகுல் ஜோஷியிடம் கலந்துரையாடிய உள்துறை அமைச்சர் அமித் ஷா, குஜராத்தில் முழு பெரும்பான்மையுடன் பாஜக மீண்டும் ஆட்சியமைக்கும் என்றார்.

மேலும், இதுவரை இல்லாத அளவு இடங்களையும் கைப்பற்றும் என்றார். ராமர் கோயில், 370வது பிரிவு ரத்து உள்பட பாஜக அளித்த வாக்குறுதிகள் நிறைவேற்றப்பட்டுள்ளன என்ற அமித் ஷா, மக்களுக்கு அதிகாரம் வழங்குதே தங்களது நோக்கம் என்றார்.