• HOME
  • »
  • NEWS
  • »
  • national
  • »
  • டாடா தயாரித்து வழங்கும் Airbus C295 ரக ஏர் லிஃப்டர் விமானங்களின் சிறப்புகள்!

டாடா தயாரித்து வழங்கும் Airbus C295 ரக ஏர் லிஃப்டர் விமானங்களின் சிறப்புகள்!

Airbus C295

Airbus C295

இந்த விமானத்தை பல்வேறு வகையில் மாற்றியமைத்துக் கொள்ள முடியும். நடுவானின் எரிபொருள் நிரப்பவும் பயன்படுத்தலாம். தேவைப்படும் போது எமர்ஜென்ஸி மருத்துவமனையாக மாற்றிக்கொள்ளலாம்.

  • Share this:
இந்திய விமானப்படையை மேலும் நவீனப்படுத்தும், பலப்படுத்தும் வகையில் புதிய ரக போக்குவரத்து விமானங்களை வாங்க திட்டமிட்டுள்ள மத்திய பாதுகாப்புத்துறை ஏர்பஸ் நிறுவனத்துடன் மெகா ஒப்பந்தம் ஒன்றை போட்டுள்ளது. அதன்படி ஏர்பஸ் 56 எண்ணிக்கையிலான சி295 ரக போக்குவரத்து விமானங்கள் ஏர்பஸ் நிறுவனத்திடமிருந்து வாங்கப்பட உள்ளன.

தற்போது விமானப்படையின் பயன்பாட்டில் உள்ள ஏவ்ரோ விமானங்களுக்கு மாற்றாக இந்த மத்திய ரக போக்குவரத்து விமானங்கள் இருக்கும். இந்த விமானங்கள் 5 முதல் 10 டன் எடை கொண்டதாகும். இந்த விமானங்கள் அதிக உயரத்திலும், அனைத்து வகையான தட்பவெப்பநிலையிலும் சிறப்பாக செயல்படக்கூடியதாகும். மேலும் பலதரப்பட்ட மிஷன்களுக்காக இவற்றை பயன்படுத்தலாம்.

இவ்விமானங்களை பயன்படுத்தி அதிகமான எடையை போக்குவரத்து செய்ய முடியும், இதன் காரணமாக படைத்துருப்புகள், கார்கோ போக்குவரத்து இலகுவாகும். இந்த வகை விமானங்கள் கனடா, எகிப்து, ஸ்பெயின், இந்தோனேசியா என பல நாடுகளின் விமானப்படையையும் அலங்கரிக்கின்றன. இந்தியா வாங்கும் 56 விமானங்களில் 40 விமானங்கள் டாடா கன்சார்டியம் நிறுவனத்தால் உள்நாட்டிலேயே தயாரிக்கப்பட உள்ளன. இதற்காக டாடா நிறுவனமும், ஏர்பஸ் நிறுவனமும் ஒப்பந்தம் போட்டுள்ளன.

ஏர்பஸ் சி295 விமானத்தின் சிறப்புகள்:

ரேஞ்சு: 2000 என்எம் (6 டன் பேலோட்)

பறக்கும் நேரம்: தொடர்ச்சியாக 11 மணி நேரங்கள்

பாரம் சுமக்கும் திறன்: 71 படைதுருப்புகள், 50 பாரா துருப்புகள் (கார்கோவுடன்)

காக்பிட்: கண்ணாடியுடன் கூடியது

Also Read:  சென்னையில் ஜனவரி முதல் ‘ஒரு தேசம் ஒரு அட்டை’ திட்டம் துவக்கம்! – மொபிலிட்டி கார்டின் பயன்கள் என்ன?

இந்த விமானத்தை பல்வேறு வகையில் மாற்றியமைத்துக் கொள்ள முடியும் என்பது விஷேச சிறப்பாகும். 7,000 லிட்டர் தண்ணீர் நிரப்பி வாட்டர் பாம்பராக மாற்றிக்கொள்வதன் மூலம் காட்டுத்தீ போன்றவற்றை அணைக்க பயன்படுத்தலாம். இதனை நடுவானின் எரிபொருள் நிரப்பவும் பயன்படுத்தலாம். தேவைப்படும் போது எமர்ஜென்ஸி மருத்துவமனையாக மாற்றிக்கொள்ளலாம். விஐபி விமானங்கள் தரை இறங்க முடியாத பகுதிகளில் இவற்றை விஐபி பயணங்களுக்காக பயன்படுத்தலாம்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Arun
First published: