ஜம்மு, காஷ்மீரில் 4 தீவிரவாதிகள் சுட்டுக் கொலை

ஜம்மு, காஷ்மீரில் பாதுகாப்புப் படையினர் நடத்திய தேடுதல் வேட்டையின் போது, நான்கு தீவிரவாதிகள் சுட்டுக் கொல்லப்பட்டனர்.

தீவிரவாதிகள் மறைந்து இருப்பதாக கிடைத்த தகவலின் பேரில், ஜம்மு & காஷ்மீரின் 5 இடங்களில் நேற்று இரவு முதல் பாதுகாப்புப் படையினர் தேடும் பணியில் ஈடுபட்டனர்.

அப்போது, தீவிரவாதிகள் துப்பாக்கியால் சுட தொடங்கியதால், பாதுகாப்பு படையினரும் பதில் தாக்குதல் நடத்தினர். காலை வரை இந்த மோதல் நீடித்த நிலையில், புல்வாமா பகுதியில் இரண்டு தீவிரவாதிகள் கொல்லப்பட்டனர்.

ஜெய்ஷ்-இ-முகமது அமைப்பை சேர்ந்த அவர்களில், ஒருவர் பாகிஸ்தானியர் என அடையாளம் காணப்பட்டு உள்ளது. மேலும் ஒரு தீவிரவாதியை பாதுகாப்பு படையினர் சுற்றி வளைத்து கைது செய்தனர்.

Also read... 4 மாநில தேர்தல் வெற்றி; குஜராத் சென்ற பிரதமர் மோடிக்கு உற்சாக வரவேற்பு

இதனிடையே, கந்தர் பால் மற்றும் ஹந்த்வார் ஆகிய பகுதிகளில், லஷ்கர் - இ - தொய்பா அமைப்பை சேர்ந்த இரண்டு தீவிரவாதிகள் பாதுகாப்பு படையினரால் சுட்டுக் கொல்லப்பட்டனர். கந்தர்பால் உள்ளிட்ட பகுதிகளில் தீவிரவாதிகளை தேடும் பணி தொடர்ந்து நடைபெற்று வருகிறது.