Home /News /national /

3 மாத பெண் குழந்தையை பாலியல் வன்புணர்வு செய்த 17 வயது சிறுவன் - அதிர்ச்சி சம்பவம்

3 மாத பெண் குழந்தையை பாலியல் வன்புணர்வு செய்த 17 வயது சிறுவன் - அதிர்ச்சி சம்பவம்

மாதிரிப்படம்

மாதிரிப்படம்

குழந்தையினுடைய பிறப்புறுப்பில் இருந்து ரத்தம் வந்ததை பார்த்த அவருடைய தாயார், குழந்தைக்கு நடந்த விபரீதத்தை யூகித்துக் கொண்டார்.

17 வயது சிறுவனால் பாலியல் வன்புணர்வு செய்யப்பட்ட 3 மாத பெண் குழந்தை ஒன்று மருத்துவமனையில் உயிருக்கு ஆபத்தான நிலையில் சிகிச்சை பெற்று வருவது சோகத்தை ஏற்படுத்தி உள்ளது.

உத்தரப்பிரதேச மாநிலம் இட்டா மாவட்டத்தில் உள்ள பல்வாலா காவல்நிலைய சரகத்தில் இந்த கொடூர சம்பவம் நடந்திருக்கிறது. 3 மாத பெண் குழந்தையினுடைய தாய், அவர் வீட்டில் வளர்த்து வரும் எருமை மாடுகளை கட்டி வைப்பதற்காக சென்றிருந்த போது வீட்டில் ஆள் இல்லாத அந்த நேரத்தை பயன்படுத்திக் கொண்ட அதே பகுதியில் வசிக்கும் 17 வயது சிறுவன் அக்குழந்தையை பாலியல் வன்புணர்வு செய்துள்ளான்.

Also Read: காபுல் பயங்கரம்: விமானத்தில் தொங்கியபடி பயணித்தவர்கள் கீழே விழுந்து பலி – அதிர்ச்சி வீடியோக்கள்!

தனது வேலையை முடித்துக் கொண்டு அக்குழந்தையின் தாயார் வீட்டுக்கு திரும்பிய போது தன்னுடைய குழந்தை அழுது கொண்டிருந்ததை கண்டார். அப்போது அந்த 17 வயது சிறுவன் குழந்தையை சமாதானப்படுத்திக் கொண்டிருந்துள்ளான். குழந்தை சிறுநீர் கழித்துவிட்டாள் என கூறிய அச்சிறுவன் தாயார் வந்ததும் அங்கிருந்து வெளியே சென்றுவிட்டான்.

ஆனால் குழந்தையினுடைய பிறப்புறுப்பில் இருந்து ரத்தம் வந்ததை பார்த்த அவருடைய தாயார், குழந்தைக்கு நடந்த விபரீதத்தை யூகித்துக் கொண்டார். உடனடியாக மருத்துவமனைக்கு கொண்டு தனது குழந்தையை சிகிச்சைக்காக சேர்த்திருக்கிறார். ஆகினும், குழந்தை மிகவும் ஆபத்தான கட்டத்தில் இருப்பதாக கூறப்படுகிறது.

Also Read: இந்தியாவை பாராட்டிய தலிபான்கள்!

இந்த விவகாரம் குறித்து போலீசாரிடம் புகார் தெரிவிக்கவே, சிறுவன் மீது காவல்துறையினர் பாலியல் வன்புணர்வு, போஸ்கோ உள்ளிட்ட சட்டப்பிரிவுகளின் கீழ் வழக்குப் பதிவு செய்துள்ளனர். அதே நேரத்தில் காவல்துறையினர் தேடுவதை அறிந்து சிறுவனும் தலைமறைவாகிவிட்டான். அவனை தேடுவதற்காக 4 சிறப்பு குழுக்களை காவல்துறை அமைத்துள்ளது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

இச்சம்பவம் அப்பகுதியில் அதிர்ச்சியை ஏற்படுத்தியுள்ளது. முன்னதாக டெல்லியில் 9 வயது தலித் சிறுமி ஒருவர் பூசாரி உள்ளிட்ட நால்வரால் பாலியல் வன்புணர்வு செய்யப்பட்டு கொலை செய்யப்பட்டதும் குறிப்பிடத்தக்கது.
Published by:Arun
First published:

Tags: Crime | குற்றச் செய்திகள், Gang rape, POCSO case, Rape, Uttar pradesh

அடுத்த செய்தி