ஹோம் /நியூஸ் /இந்தியா /

வீட்டுக்கு போகாம ரூட் மாறிய ஆட்டோ! டியூஷன் சென்று திரும்பிய இளம்பெண்ணுக்கு கூட்டு பாலியல் வன்கொடுமை!

வீட்டுக்கு போகாம ரூட் மாறிய ஆட்டோ! டியூஷன் சென்று திரும்பிய இளம்பெண்ணுக்கு கூட்டு பாலியல் வன்கொடுமை!

லக்னோவில் இளம்பெண் கூட்டு பாலியல் வன்புணர்வு

லக்னோவில் இளம்பெண் கூட்டு பாலியல் வன்புணர்வு

பாதிக்கப்பட்ட பெண் மருத்துவமனையில் சிகிச்சை பெற்ற நிலையில், காவல்துறை தனிப்படை அமைத்து குற்றவாளிகளை தேடி வருகிறது.

  • News18 Tamil
  • 1 minute read
  • Last Updated :
  • Lucknow, India

    டியூஷன் சென்றுவிட்டு வீடு திரும்பிய 18 வயது இளம்பெண்ணை ஆட்டோ டிரைவர் மற்றும் அவரது நண்பர் கூட்டு பாலியல் வன்புணர்வு செய்த அதிர்ச்சிக்குரிய சம்பவம் உத்தரப் பிரதேசத்தில் அரங்கேறியுள்ளது. உத்தரப் பிரதேச மாநிலம் லக்னோ அருகே உள்ள ஹுசைன் கஞ்ச் பகுதியில் வசிக்கும் 18 வயது இளம் பெண் கடந்த சனிக்கிழமை அன்று ட்யூஷன் சென்றுள்ளார். மாலை 6 மணி அளவில் டியூஷன் முடிந்த பின் வீடு திரும்பிய நிலையில், அங்குள்ள சின்ஹத் என்ற இடத்தில் வீட்டிற்குச் செல்ல ஆட்டோவுக்காக காத்திருந்துள்ளார்.

    அப்போது ஒரு ஆட்டோ வந்த நிலையில், தனது வீடு இருக்கும் சார்பாக் பகுதிக்கு செல்ல முடியுமா எனக் கேட்டுள்ளார். ஓட்டுநரும் சரி என இளம்பெண்ணை அழைத்து ஆட்டோவில் ஏற்றியுள்ளார். அப்போது ஓட்டுநரின் முன் இருக்கையில் அவருடைய நண்பரும் அமர்ந்து உடன் வந்துள்ளார்.

    சில கிமீ தூரம் சென்றதும் ஆட்டோ ஓட்டுநர் பெண்ணின் வீட்டிற்கு செல்லாமல் வேறு வழியில் ஆட்டோவை திருப்பியுள்ளனர். இதனால் அந்த பெண் அதிர்ச்சி அடைந்து கூச்சலிட்டுள்ளார். ஆனால் அதற்குள் ஆள் நடமாட்டமில்லாத இருட்டு பகுதிக்குள் பெண்ணை கொண்டு சென்று இருவரும் கூட்டு பாலியல் வன்புணர்வுக்கு ஆளாக்கியுள்ளனர். அத்துடன் பெண்ணின் செல்போனை பிடுங்கிக்கொண்டு, அவரை ரோட்டிலேயே வீசி சென்றுள்ளனர்.

    இதையும் படிங்க: நடுவானில் விமானத்தில் புகை கிளம்பியதால் பயணிகள் பீதி.. மீண்டும் சர்ச்சையில் சிக்கிய ஸ்பைஸ் ஜெட்!

    கடும் வலியுடன் நடந்து சென்று வழியில் இருந்த காவல்நிலையத்தில் காவலர்களை தொடர்பு கொண்ட பெண் தனக்கு நேர்ந்த கொடுமையை விவரித்துள்ளார். உடனடியாக பெண்ணை மருத்துவமனையில் சிகிச்சைக்காக அனுமதித்த காவல்துறை தனிப்படை அமைத்து குற்றவாளிகளை தேடி வருகிறது.

    Published by:Kannan V
    First published:

    Tags: Gang rape, Rape, Uttar pradesh