ஹோம் /நியூஸ் /இந்தியா /

ஆபாச படங்களுக்கு அடிமையான சிறுவன்.. கரும்பு காட்டில் சிறுமிக்கு நடந்த கொடூரம்!

ஆபாச படங்களுக்கு அடிமையான சிறுவன்.. கரும்பு காட்டில் சிறுமிக்கு நடந்த கொடூரம்!

14 வயது சிறுமி கொடூர கொலை

14 வயது சிறுமி கொடூர கொலை

இயற்கை உபாதை கழிப்பதற்காக வெளியே சென்ற 14 வயது சிறுமி 16 வயது சிறுவனால் பாலியல் வன்புணர்வு கொடூரமாக கொலை செய்யப்பட்டுள்ளார்.

  • 2 minute read
  • Last Updated :
  • Karnataka, India

    கர்நாடகா மாநிலம் கல்புர்கி மாவட்டத்தில் உள்ள அலந்த் என்ற பகுதியில் 14 வயது சிறுமி அத்தை வீட்டில் தங்கி படித்துவந்துள்ளார். தனது சொந்த ஊரான அப்சல்பூருக்கு தீபாவளி விடுமுறைக்கு சென்று வந்த சிறுமி, கடந்த வாரம் தான் மீண்டும் அத்தை வீட்டிற்கு திரும்பியுள்ளார். கடந்த செவ்வாய் கிழமை அன்று பள்ளி விடுமுறை என்ற நிலையில், மத்தியம் 3 மணி அளவில் இயற்கை உபாதை கழிக்க செல்வதாக தனது அத்தையிடம் கூறிவிட்டு சென்ற சிறுமி மாலை வரை வீடு திரும்பவில்லை. இதனால், அன்று மாலை சிறுமியின் அத்தை அக்கம் பக்கத்தினரிடம் விசாரித்து ஊர் முழுவதும் தேடியுள்ளார்.

    இந்நிலையில், அன்று மாலை நேரத்தில் வீட்டில் இருந்து 500 மீட்டர் தொலைவில் உள்ள கரும்பு காட்டில் சிறுமியின் உடல் கண்டெடுக்கப்பட்டுள்ளது. அவர் பாலியல் வன்புணர்வு செய்யப்பட்டு கொடூரமாக காயங்களுடன் உயிரிழந்துள்ளார். இதனால் அதிர்ச்சியடைந்த ஊர்மக்கள் சம்பவம் குறித்து காவல்துறையிடம் தெரிவித்தனர். சம்பவயிடத்திற்கு மாவட்ட காவல் கண்காணிப்பாளர் இஷா பந்த் நேரில் சென்று பார்வையிட்டார். இந்த கொலை சம்பவத்தை தீவிரமாக கையில் எடுத்துக்கொண்டதுறை சிறப்பு படை அமைத்து விசாரித்தது. சந்தேகத்தின் பேரில் அந்த கிராமத்தைச் சேர்ந்த மூன்று சிறுவர்கள் கைது செய்யப்பட்ட, அதில் 16 வயது சிறுவன் குற்றம் செய்தது விசாரணையில் கண்டுபிடிக்கப்பட்டது.

    இயற்கை உபாதை கழிக்க வந்த சிறுமியை கரும்பு காட்டுக்குள் கொண்டு சென்று பாலியல் வன்புணர்வு செய்த அந்த சிறுவன், உயிருடன் விட்டால் மாட்டிக்கொள்வோம் என்று பயந்து அங்கிருந்த பெரிய கல்லை எடுத்து சிறுமியின் மார்பில் மீது வீசி கொடூரமாக கொலை செய்து அங்கிருந்து தப்பியுள்ளார். அந்த சிறுவனின் செல்போனை போலீசார் பறித்து சோதித்து பார்த்ததில் அதில் பல ஆபாச படங்கள் இருந்தது தெரியவந்துள்ளது. தான் ஆபாச படங்கள் பார்ப்பதற்கு அடிமையானதாக சிறுவன் ஒப்புதல் வாக்குமூலம் அளித்துள்ளான்.

    இதையும் படிங்க: ராணுவத்தில் சேரமுடியாத விரக்தியில் 20 வயது இளைஞர் தற்கொலை

    இந்நிலையில், அவன் மீது வழக்குப் பதிவு செய்த காவல்துறை சிறுவர் நீதிமன்றத்தில் ஆஜர்படுத்தவுள்ளது. சிறுமியின் கொலை வழக்கை துரிதமாக கையிலெடுத்த காவல்துறை 24 மணிநேரத்தில் குற்றவாளியை கண்டுபிடித்துள்ளது.

    Published by:Kannan V
    First published:

    Tags: Crime News, Karnataka, Rape