ஹோம் /நியூஸ் /இந்தியா /

பிடித்த யூடியூபரை பார்க்க 300 கிமீ தூரம் சைக்களில் சென்ற சிறுவன்.. கடைசியில் ட்விஸ்ட்

பிடித்த யூடியூபரை பார்க்க 300 கிமீ தூரம் சைக்களில் சென்ற சிறுவன்.. கடைசியில் ட்விஸ்ட்

சிசிடிவில் பதிவான சிறுவனின் காட்சிகள்

சிசிடிவில் பதிவான சிறுவனின் காட்சிகள்

தனக்கு பிடித்த யூடியூபரை பார்ப்பதற்காக பஞ்சாப் மாநில சிறுவன் ஒருவர் 300 கிமீ சைக்கிளில் பயணம் மேற்கொண்டுள்ளார்.

  • News18 Tamil
  • 2 minute read
  • Last Updated :
  • Delhi, India

    டெல்லியைச் சேர்ந்த நிஸ்சய் மல்ஹான் பிரபல யூடியூபர் ஆவார். இவர் Triggered Insaan என்ற பெயரில் யூடியூப் சேனல் நடத்தி வருகிறார். இவர் யூடியூபில் ரோஸ்ட், காமெடி மற்றும் கேமிங் வீடியோக்களை பதிவிட்டு சேனல் ஒன்று நடத்தி வருகிறார். இவருக்கு பஞ்சாப் மாநிலத்தைச் சேர்ந்த 13 வயது சிறுவன்  பெரிய விசிறியாக உள்ளான்.

    இந்த சிறுவனுக்கு நிஸ்சய் மல்ஹானை நேரில் பார்க்க வேண்டும் என்று ஆசை ஏற்பட்டுள்ளது. இந்நிலையில் அந்த சிறுவன்  வீட்டில் யாரிடமும் தெரிவிக்காமல் தனது சைக்களை எடுத்துக்கொண்டு பஞ்சாப்பில் இருந்து டெல்லிக்கு புறப்பட்டுள்ளான். தனது வீடு உள்ள பஞ்சாப் மாநிலம் பாட்டியாலாவில் இருந்து சைக்கிளை மிதித்துக்கொண்டு சுமார் 250 கிமீ தூரம் பயணம் செய்துள்ளான். இதற்கு இவனுக்கு மூன்று நாள்கள் ஆகியுள்ளது.

    சிறுவன் கடந்த 4ஆம் தேதி வீட்டை விட்டு புறப்பட்ட நிலையில், அவனது பெற்றோர் தேடி பார்த்துவிட்டு, மாலை நேரத்தில் காவல்துறையிடம் புகார் அளித்துள்ளனர். சிறுவனை குறித்து சமூக வலைத்தளங்களில் குடும்பத்தினரும், போலீசாரும் அலெர்ட் கொடுத்து வந்த நிலையில், டெல்லி சாலையில் உள்ள சிசிடிவி கேரமாவில் சிறுவன் பயணித்தது தெரியவந்துள்ளது. பின்னர் டெல்லி காவல்துறைக்கு தொடர்புகொள்ளப்பட்டு, சிறுவனின் பாதுகாப்பை உறுதி செய்தனர்.

    இதையும் படிங்க: வர்ணமும் ஜாதியும் முற்றிலுமாக நிராகரிக்கப்பட வேண்டியவை: ஆர்.எஸ்.எஸ் தலைவர் மோகன் பகவத் பேச்சு

    இந்த சுவாரசிய கதையில் ட்விஸ்ட் என்னவென்றால், 250 கிமீ தூரம் மூன்று நாள்கள் சைக்கிள் ஓட்டி வந்தும் சிறுவனுக்கு தன்னுடைய ஆசை நிறைவேறாமல் போனது தான். யூடியூபர் நிஸ்சய் தற்போது டெல்லியிலேயே இல்லை. தூபாய்க்கு சுற்று பயணம் மேற்கொண்டுள்ளார். எனவே, சிறுவனின் இந்த பகீரத முயற்சி தற்போது பலன் அளிக்கவில்லை.

    இருப்பினும் சிறுவனின் குடும்பத்தினர் டெல்லி வந்து அவனை வீட்டிற்கு அழைத்து சென்றுள்ளனர். சிறுவனுக்கு எந்த ஆபத்தும் இல்லாமல் பத்திரமாக இருந்தது நிம்மதியை அளிப்பதாக யூடியூபர் நிஸ்சய் ட்விட்டரில் தெரிவித்துள்ளார்.

    Published by:Kannan V
    First published:

    Tags: Boy, Delhi, Punjab, Youtube, Youtube viewers