10-ம் வகுப்பு பொதுத் தேர்வு மார்ச் 28-ல் தொடக்கம்... அட்டவணை வெளியிட்டது கர்நாடகா அரசு

நாடு முழுவதும் கொரோனா தொற்றால் பாதிக்கப்படுவர்களின் 3.5 லட்சமாக இருந்த நிலையில் தற்போது தொற்று பாதிப்பு கணிசமாக குறைந்து வருகிறது. கர்நாடகா மாநிலத்தில் கொரோனா 3-வது அலை தீவிரமடைந்துள்ளது. அங்கு ஒரு நாள் கொரோனா பாதிப்பு தற்போது 40,000-க்கும் அதிகமாக உள்ளது.

கொரோனா பாதிப்பு அதிகமாக உள்ளதால் பள்ளிகள் மூடப்பட்டாலும் 10,11,12-ம் வகுப்பு மாணவர்களுக்கு மட்டும் நேரடி வகுப்புகள் நடைபெற்று வருகின்றன. இந்நிலையில் கர்நாடக மாநிலத்தில் கொரோனா 3-வது அலை பிப்ரவரி 3 வாரத்திற்குள் கட்டுப்பாட்டுக்குள் வரும் என்று சுகாதாரத்துறை தெரவித்துள்ளது. இதனால் 10-ம் பொதுத் தேர்வுகளை மார்ச் இறுதியில் நடத்த கல்வித்துறை திட்டமிட்டு அதற்கான அட்டவணையும் வெளியிட்டுள்ளது.

அதன்படி கர்நாடக மாநிலத்தில் மார்ச் 28-ம் தேதி 10-ம் வகுப்பு பொதுத்தேர்வுகள் நடைபெறும் என்று அறிவிக்கப்பட்டுள்ளது. கன்னடம், தமிழ் உள்ளிட்ட முதல் மொழி தேர்வு 28-ந் தேதி நடக்கிறது. 30-ந் தேதி 2-வது மொழி ஆங்கிலம், கன்னட தேர்வும், ஏப்ரல் 4-ந் தேதி கணிதம், 6-ந் தேதி சமூக அறிவியல், 8-ந் தேதி இந்தி உள்பட 3-வது மொழி, 11-ந் தேதி அறிவியல் தேர்வுகள் நடைபெற உள்ளன என்று பள்ளி கல்வித்துறை கூறியுள்ளது.

Also Read : குடியரசு தினத்தில் தேசியக் கொடியை ஏற்ற மாட்டார்கள்... ஏன் தெரியுமா?