ஹோம் /நியூஸ் /நாமக்கல் /

உலகக்கோப்பை கால்பந்து.. கோடிகோடியாக கத்தாருக்குச் செல்லும் நாமக்கல் முட்டைகள்!

உலகக்கோப்பை கால்பந்து.. கோடிகோடியாக கத்தாருக்குச் செல்லும் நாமக்கல் முட்டைகள்!

கத்தாருக்கு ஏற்றுமதி செய்யப்படும் முட்டை

கத்தாருக்கு ஏற்றுமதி செய்யப்படும் முட்டை

கத்தாரில் நடைபெறும் உலக கோப்பை கால்பந்து போட்டி காரணமாக நாமக்கல்லில் இருந்து கத்தாருக்கு 1.50 கோடி முட்டை ஏற்றுமதி செய்யப்பட்டுள்ளதாக முட்டை ஏற்றுமதியாளர்கள் தெரிவித்தனர்.

  • News18 Tamil
  • 2 minute read
  • Last Updated :
  • Namakkal, India

    கத்தாரில் நடைபெறும் உலக கோப்பை கால்பந்து போட்டி காரணமாக அங்கு முட்டையின் தேவை மூன்று மடங்கு அதிகரித்துள்ளது. எனவே நாமக்கல்லில் இருந்து கத்தாருக்கு ஏற்றுமதி செய்யப்படும் முட்டையின் அளவு 1.50 கோடியாக அதிகரித்துள்ளது.

    நாமக்கல் மண்டலத்தில் 1,100 கோழிப்பண்ணைகள் வீதம் உள்ளன. இங்கு உற்பத்தி செய்யப்படும் முட்டைகள் தமிழகம் மட்டுமின்றி வெளிமாநிலம் மற்றும் வெளிநாடுகளுக்கும் ஏற்றுமதி செய்யப்படுகின்றன. குறிப்பாக சவுதி அரேபியா, ஈரான், ஈராக், ஓமன், பஹ்ரைன், மாலத்தீவு ஆகிய நாடுகளுக்கு முட்டை ஏற்றுமதி செய்யப்படுகின்றன.

    இதன்படி மேற்குறிப்பிட்ட நாடுகளுக்கு மாதத்திற்கு 2 கோடி முட்டைகள் வீதம் ஏற்றுமதி செய்யப்படுகின்றன. இதில் கத்தாருக்கு அதிகளவிலான முட்டைகள் ஏற்றுமதி செய்யப்படுகின்றன. தற்போது கத்தார் நாட்டில் உலக கால்பந்துப் போட்டி நடைபெறுகிறது.

    இதனால் போட்டியில் பங்கேற்கும் நாடுகள் உள்பட உலகம் முழுவதும் இருந்து போட்டியைக் காண பல லட்சக்கணக்கான ரசிகர்கள் கத்தார் நாட்டில் குவிந்துள்ளனர். இதனால் அங்கு முட்டையின் தேவை அதிகரித்துள்ளது.

    இதன்படி, மாதந்தோறும் கத்தாருக்கு மட்டும் நாமக்கல்லில் இருந்து 50 லட்சம் முட்டைகள் ஏற்றுமதி செய்யப்பட்டு வந்த நிலையில், தற்போது மூன்று மடங்கு அதிகமாக 1.50 கோடி முட்டைகள் ஏற்றுமதி செய்யப்படுகிறது, என முட்டை ஏற்றுமதியாளர்கள் தெரிவிக்கின்றனர்.

    இதுகுறித்து முட்டை ஏற்றுமதியாளரும், நாமக்கல் கால்நடை வளர்ப்பு மற்றும் பண்ணை உரிமையாளர்கள் வர்த்தக சங்கத்தின் பொதுச் செயலாளருமான டாக்டர் பி.வி. செந்தில் கூறியதாவது: ” நாமக்கல் மாவட்டத்தில் இருந்து அதிகளவில் முட்டை ஏற்றுமதியாகும் நாடுகளில் கத்தாரும் ஒன்று. தற்போது 4 ஆண்டுகளுக்கு ஒருமுறை நடைபெறும் உலக கோப்பை கால்பந்து திருவிழா கத்தாரில் தொடங்கியுள்ளது.

    இதன் காரணமாக உலகம் முழுவதும் உள்ள லட்சக்கணக்கான ரசிகர்கள் கத்தாரில் குவிந்துள்ளனர். இதனால் அங்கு உணவுப் பொருட்களுக்கான தேவை அதிகரித்துள்ளது. குறிப்பாக முட்டையின் தேவை அதிகரித்துள்ளது. தேவை காரணமாக, நாமக்கல் மாவட்டத்தில் இருந்து கத்தாருக்கு ஏற்றுமதி செய்யப்படும் முட்டையின் அளவு கடந்த ஒரு மாதத்தில் மூன்று மடங்கு அதிகரித்துள்ளது.

    நாமக்கல்லில் சுமார் 1,100 முட்டை உற்பத்தி பண்ணைகள் உள்ளன. இவற்றில் இருந்து தினமும் சுமார் 5 முதல் 6 கோடி முட்டைகள் உற்பத்தி செய்யப்படுகிறது. நாமக்கல்லில் இருந்து ஐக்கிய அரபு எமிரேட்ஸ், ஓமன், கத்தார், பஹ்ரைன் மற்றும் மாலத்தீவுகளுக்கு முட்டை ஏற்றுமதி செய்யப்படுகிறது. நாமக்கல்லில் உற்பத்தியாகும் முட்டைகளில் இருந்து மாதந்தோறும் சுமார் 2 கோடி முட்டைகள் இந்த நாடுகளுக்கு ஏற்றுமதி செய்யப்பட்டு வந்தது.

    தற்போது இந்த நாடுகளுக்கு ஏற்றுமதி செய்யப்படும் முட்டையின் அளவு 4 கோடியாக அதிகரித்துள்ளது. இதில் மாதந்தோறும் கத்தாருக்கு மட்டும் 50 லட்சம் முட்டைகள் ஏற்றுமதி செய்யப்பட்டு வந்தது. தற்போது கத்தாருக்கு மாதம் ஒன்றிற்கு 1.5 கோடி முட்டைகள் ஏற்றுமதி செய்யப்படுகின்றன.மாதம் ஒன்றுக்கு 10 கன்டெய்னர்கள் மூலம் கத்தாருக்கு முட்டைகள் அனுப்பப்பட்டன. தற்போது 30 கன்டெய்னர்கள் அனுப்பப்பட்டு வருகின்றன” என்றார்.

    விலை குறைவு என்பதால் கொள்முதல்

    இதுகுறித்து நாமக்கல்லைச் சேர்ந்த முட்டை ஏற்றுமதியாளர்கள் சிலர் கூறுகையில், ”கத்தார் உள்ளிட்ட நாடுகள் இந்தியாவிடம் இருந்து அதிக முட்டைகளை வாங்குவதற்கு உக்ரைன், ரஷ்யா போர் ஒரு முக்கிய காரணம். போர் காரணமாக சர்வதேச சந்தையில் கோழி தீவனம் மற்றும் மூலப்பொருட்களின் விலை உயர்ந்துள்ளது.

    Also see... சாலையில் நடந்த விபத்து.. காரை நிறுத்தி உதவி செய்த அமைச்சர்!

    இதன் காரணமாக முட்டை உற்பத்தியில் முக்கிய பங்கு வகிக்கும் துருக்கி போன்ற நாடுகள் விலையை உயர்த்தியுள்ளன. துருக்கியில் 360 முட்டைகள் கொண்ட ஒரு பெட்டியின் விலை பொதுவாக 18 டாலர் முதல் 20 டாலர்கள் வரை இருக்கும். கடந்த மாதம் இது 36 டாலர்களாக ஆக உயர்ந்தது.

    அதைக்காட்டிலும் நாமக்கல் முட்டை விலை குறைவு. இதனால் ஐக்கிய அரபு அமீரகம், கத்தார், ஓமன் போன்ற நாடுகள் நாமக்கல்லில் இருந்து அதிகளவில் முட்டைகளை வாங்கத் தொடங்கியுள்ளன” என்றனர்.

    Published by:Vaijayanthi S
    First published:

    Tags: Egg, Football, Namakkal, Qatar