Home /News /madurai /

ஓபிஎஸ் மனம் திருந்தி எடப்பாடி பழனிசாமியிடம் வருத்தம் தெரிவித்தால் அவரை மீண்டும் ஏற்போம் - செல்லூர் ராஜு

ஓபிஎஸ் மனம் திருந்தி எடப்பாடி பழனிசாமியிடம் வருத்தம் தெரிவித்தால் அவரை மீண்டும் ஏற்போம் - செல்லூர் ராஜு

செல்லூர் ராஜூ

செல்லூர் ராஜூ

Sellur Raju: எடப்பாடி பழனிச்சாமிக்கு விசுவாசமாக செயல்படுவேன். மீண்டும் அவரை தமிழக முதல்வராக்க பாடுபடுவேன் என செல்லூர் ராஜூ தெரிவித்துள்ளார்

அதிமுகவிலிருந்து பிரிந்து சென்றவர்கள் மனம் திருந்தி வந்தால் எற்றுக் கொள்ளவோம் என்று செல்லூர் ராஜூ தெரிவித்துள்ளார்.

அதிமுகவின் கழக அமைப்பு செயலாளராக நியமிக்கப்பட்டதை தொடர்ந்து முன்னாள் அமைச்சர் செல்லூர் கே.ராஜு மதுரை கே.கே நகரில் உள்ள எம்.ஜி.ஆர், ஜெயலலிதா சிலைக்கு மாலை அணிவித்து மரியாதை செய்தார். பின்னர் செல்லூர் கே.ராஜு செய்தியாளர்களிடம் கூறுகையில், "அதிமுகவில் பதவி கேட்காமலேயே எடப்பாடி பழனிச்சாமி எனக்கு கழக அமைப்பு செயலாளராக பதவி வழங்கினார். அதிமுகவுக்கும், எடப்பாடி பழனிச்சாமிக்கும் நான் விசுவாசமாக செயல்படுவேன். எடப்பாடி பழனிச்சாமியை மீண்டும் முதல்வராக்க பாடுபடுவேன்.

அதிமுக தொண்டரின் புனித ஸ்தலமாக தலைமை அலுவலகம் விளங்குகிறது, அப்படிபட்ட இடத்தில் வன்முறை சம்பவம் நிகழ்ந்தது வருத்தமளிக்கிறது. அதிமுகவில் இருந்து பிரிந்து சென்றவர்கள் மீண்டும் அதிமுகவில் இணைய வேண்டும். அதிமுகவில் இருந்து பிரிந்து சென்றவர்கள் மனம் திருந்தி வந்தால் ஏற்றுக் கொள்வோம்.

ஒ.பி.எஸ் ஏட்டிக்கு போட்டியாக செயல்படுவதால் எந்தவொரு பயனும் இல்லை, யார் பக்கம் கட்சி இருக்கிறது என்பதை ஒ.பி.எஸ் புரிந்து கொள்ள வேண்டும். ஒ.பன்னீர்செல்வம் எடப்பாடி பழனிச்சாமியை சந்தித்து பேசி வருத்தம் தெரிவிக்க வேண்டும். எடப்பாடி பழனிச்சாமி பின்னால் யார் வேண்டுமானாலும் வரலாம். அதிமுகவை நம்பியவர்கள் கெட்டதில்லை, அதிமுகவை நம்பாமல் கெட்டவர்கள் தான் உள்ளனர். அதிமுகவில் சாதி ரீதியாக பதவி வழங்குவதில்லை. அதிமுகவில் சாதி இல்லை.



Also Read: இபிஎஸ், கே.பி.முனுசாமி உள்ளிட்ட 22 பேர் அதிமுகவில் இருந்து நீக்கம் - ஓபிஎஸ் பதிலடி அறிவிப்பு

அதிமுகவின் ஒரே மக்களவை எம்.பியையும் கட்சியை விட்டு நீக்கிவிட்டீர்களே என செய்தியாளர்களின் கேள்விக்கு பதிலதித்த செல்லூர் ராஜூ, “ ஒ.பி.ரவீந்திரநாத்தை நீக்கியதால் அதிமுகவுக்கு எந்தவொரு இழப்பும் இல்லை.  நாடாளுமன்ற, சட்டமன்ற உறுப்பினர்கள் எண்ணிக்கை அடிப்படையில் கட்சியின் பலம் நிர்ணயம் செய்யப்படாது, தொண்டர்களின் பலமே முக்கியம்" என கூறினார்.
Published by:Ramprasath H
First published:

Tags: ADMK, Edappadi palanisamy, Madurai, O Panneerselvam, OPS - EPS, Sellur K. Raju

அடுத்த செய்தி