Home /local-news /

விழுப்புரம் : மறந்துவிடாதீர் - நாளை போலியோ சொட்டு மருந்து முகாம்    

விழுப்புரம் : மறந்துவிடாதீர் - நாளை போலியோ சொட்டு மருந்து முகாம்    

Villupuram: Don't forget - Tomorrow polio Drops Camp

Villupuram: Don't forget - Tomorrow polio Drops Camp

விழுப்புரம் மாவட்டத்தில் பொது சுகாதாரம் மற்றும் நோய் தடுப்பு மருந்துத்துறை சார்பில் 5 வயதிற்குட்பட்ட அனைத்து குழந்தைகளுக்கும்  தீவிர போலியோ சொட்டு மருந்து முகாம் நாளை (27.02.2022 )  நடைபெறுகிறது.

    5 வயதிற்குட்பட்ட குழந்தைகளுக்கு ஏற்கனவே எத்தனை முறை போலியோ சொட்டு மருந்து கொடுத்திருந்தாலும், இந்த போலியோ சொட்டு மருந்து கட்டாயம் போட்டுக்கொள்ள வேண்டும் என மாவட்ட ஆட்சியர் மோகன் அறிவுறுத்தியுள்ளார்.

    விழுப்புரம் மாவட்டத்தில் பொது சுகாதாரம் மற்றும் நோய் தடுப்பு மருந்துத்துறை சார்பில் 5 வயதிற்குட்பட்ட அனைத்து குழந்தைகளுக்கும் தீவிர போலியோ சொட்டு மருந்து முகாம் நாளை (27.02.2022 ) நடைபெறுகிறது.

    இந்த தீவிர போலியோ சொட்டு மருந்து முகாம் பணிகளுக்காக அரசு மருத்துவக்கல்லூரி மருத்துவமனை, அரசு மருத்துவமனைகள், ஆரம்ப சுகாதார நிலையங்கள்,துணை சுகாதார மையங்கள், தனியார் மருத்துவமனைகள்,பள்ளிக்கூடங்கள் அங்கன்வாடி மையங்கள் மற்றும் தேசிய நெடுஞ்சாலைகளில் உள்ள சுங்கச்சாவடிகள் ஆகிய இடங்களில் முகாம்கள் நடைபெற உள்ளது.

    மேலும், அருகாமையிலுள்ள மாவட்டங்களின் குடிசைபகுதிகள், நரிக்குறவர்கள் பகுதிகள்,பணி நிமித்தமாக இடம்பெயர் மக்கள் வாழும் பகுதிகள் ஆகிய இடங்களில் சிறப்பு போலியோ சொட்டு மருந்து முகாம்கள் அமைக்கப்படவுள்ளன. தேர்வு செய்யப்பட்டுள்ள 1,651 மையங்களில் 5 வயதிற்குட்பட்ட 17,1740 குழந்தைகளுக்கு போலியோ சொட்டு மருந்து வழங்கப்பட உள்ளது.

    இப்பணிகளில் பொது சுகாதாரத் துறை பணியாளர்களுடன், பிற துறை பணியாளர்கள், தன்னார்வ தொண்டு நிறுவனங்கள் மற்றும் ரோட்டரி சங்கங்கள் என முகாம் ஒன்றுக்கு 4 நபர்கள் வீதம் பல்வேறு துறைகளை சார்ந்த பணியாளர்கள் பணியில் ஈடுபடுத்தப்பட உள்ளனர்.

    பேருந்து நிலையங்கள், ரயில் நிலையங்கள், கோயில்கள், மற்றும் மக்கள் கூடுமிடங்களில் உள்ள குழந்தைகளுக்கு நடமாடும் குழுக்கள் மூலம் சொட்டு மருந்து வழங்கப்படும். ஏதேனும் காரணங்களுக்காக முகாம் நாளன்று வர முடியாத குழந்தைகளுக்கு அடுத்து வரும் இரண்டு நாட்களில் இப்பணியாளர்கள் மூலம் வீடு வீடாக சென்று போலியோ சொட்டு மருந்து வழங்கப்பட உள்ளது.

    அரசால் வழங்கப்படும் போலியோ சொட்டு மருந்து மிகவும் தரமானது, பாதுகாப்பானது உலக சுகாதார நிறுவனத்தின் அங்கீகாரம் பெற்றது. எனவே பெற்றோர்கள் பயமின்றி வருகை புரிந்து குழந்தைகளுக்கு சொட்டு மருந்து செலுத்தி கொள்ளுமாறு மாவட்ட ஆட்சியர் கேட்டுக் கொண்டுள்ளார்.


    செய்தியாளர் : சு. பூஜா - விழுப்புரம்
    Published by:Alagesan R
    First published:

    Tags: Villupuram

    அடுத்த செய்தி