Home /local-news /

டாஸ்மாக் கடையில் கத்தியை காட்டி மிரட்டி ரூ.2 லட்சம் அபேஸ் - முகமூடி கொள்ளையர்கள் துணிகரம்...

டாஸ்மாக் கடையில் கத்தியை காட்டி மிரட்டி ரூ.2 லட்சம் அபேஸ் - முகமூடி கொள்ளையர்கள் துணிகரம்...

கத்தியை காட்டி மதுபான கடையில் கொள்ளை–போலிஸார் தீவிர விசாரணை

கத்தியை காட்டி மதுபான கடையில் கொள்ளை–போலிஸார் தீவிர விசாரணை

Ramanathapuram | திருவாடானை தாலுகாவிற்கு உட்பட ஆர்.எஸ் மங்கலம் அருகே ஆனந்தூரில் அரசு மதுபானக்கடையில் முகமூடி அணிந்த மர்ம நபர்கள் ரொக்கப் பணத்தை கொள்ளையடித்துச் சென்றது பரபரப்பை ஏற்படுத்தியிருக்கிறது.

    ராமநாதபுரம் மாவட்டம்,  ஆர்.எஸ். மங்கலம் அருகே ஆனந்தூரில் உள்ள அரசு மதுபான கடையில் கத்தியை காட்டி மிரட்டி 2 லட்சத்து ஆறாயிரம் ரூபாயை கொள்ளையடித்து சென்ற மர்ம நபர்களை போலீசார் தீவிரமாக தேடி வருகின்றனர்.

    திருவாடானை தாலுகாவிற்கு உட்பட ஆர்.எஸ் மங்கலம் அருகே ஆனந்தூரில் அரசு மதுபானக்கடை உள்ளது.

    இந்த மதுபான கடையில் விற்பனை நேரத்தில் நான்கு மர்ம நபர்கள் முகமூடி அணிந்து வந்து யாரும் இல்லாத நேரத்தில் விற்பனையாளரிடம் கத்தியை காட்டி மிரட்டி விற்பனை செய்து கல்லாவில் வைத்திருந்த பணம் 2 லட்சத்து 6 ஆயிரத்தை கொள்ளையடித்து சென்றுள்ளனர்.

    இதையடுத்து, விற்பனையாளர் திலீப்குமார் காவல்நிலையத்திற்கு தகவல் அளித்துள்ளார். இந்நிலையில், அங்கு விரைந்து வந்து காவல்துறையினர் விசாரணை நடத்தினர்.

    விற்பனையாளர் திலீப்குமார் கொடுத்த புகாரின் அடிப்படையில் ஆர்.எஸ். மங்கலம் போலீசார் வழக்கு பதிவு செய்து குற்றவாளிகள் யார் என்று விசாரித்து தேடி வருகின்றனர்.

    செய்தியாளர்: பூ.மனோஜ்குமார், ராமநாதபுரம்.
    Published by:Arun
    First published:

    Tags: Crime News, Ramanathapuram, Tasmac

    அடுத்த செய்தி