Tamil News Live : மேகதாது அணை விவகாரம் : முதலமைச்சர் மு.க.ஸ்டாலின் டெல்லி பயணம்

Today News Tamil - Live Updates: கொரோனா அப்டேட் , தமிழ்நாடு , புதுச்சேரி கள செய்திகள், மாவட்ட நிகழ்வுகள், உலக செய்திகள், தேசிய அரசியல், உள்ளிட்ட அனைத்தையும் உடனுக்குடன் அறியலாம்.

  • News18 Tamil
  • | July 18, 2021, 14:58 IST
    facebookTwitterLinkedin
    LAST UPDATED 3 MONTHS AGO

    AUTO-REFRESH

    HIGHLIGHTS

    15:30 (IST)

    குற்றால அருவிகளில் சிறிப் பாய்ந்து வரும் தண்ணீர் குளிக்க அனுமதி இல்லாததால் ஏங்கி நிற்கும் சுற்றுலா பயணிகள்  விரையில் தடையை நீக்கி குளிக்க அனுமதிக்க வேண்டுகோள் .

    தென்காசி மாவட்டத்தில் தென் மேற்கு பருவ மழை துவங்கிய ஜூன், ஜூலை, ஆகஸ்ட் மாதங்களில் சீசன் களைகட்டும் இங்குள்ள பிரதான அருவியான குற்றால‍ மெயின் அருவி, புலியருவி, ஐந்தருவி, சிற்றருவி, பழைய குற்றாலம் உள்ளிட்ட அருவிகளில் ஆர்பரித்து வரும் தண்ணீரில் குளிக்க நாடெங்கிலும் இருந்து லட்சகணக்கான சுற்றுலா பயணிகள் வருகை புரிவார்கள்.இந்நிலையில் கொரோனா பரவல் காரணமாக கடந்த ஆண்டு முழு ஊரடங்கு விதிக்கப்பட்டதால் சுற்றுலா தலங்களுக்கு செல்ல அனுமதி மறுக்கப்பட்டது. அதே போல் இந்தாண்டும்2வது அலையால் தற்போது வரை சுற்றுலா பயணிகள் அருவியில் குளிக்க அனுமதி இல்லாததால் மிகுந்த கவலை அடைந்துள்ளனர்.

    14:48 (IST)

    நாக்க முக்க பாடலுக்கு ஜான்வி கபூர் குத்தாட்டம்

    தமிழில் நகுல் நடிப்பில் வெளியான காதலில் விழுந்தேன் படத்தில் இடம்பெற்ற நாக்க முக்க பாடலுக்கு பாலிவுட் நடிகை ஜான்வி கபூர் நடனமாடியுள்ளார். ஸ்ரீதேவி - போனி கபூர் தம்பதியின் மகளான இவர், தனது நடன வீடியோவை இன்ஸ்டாகிராம் பக்கத்தில் வெளியிட்டுள்ளார். குறைந்த பட்ஜெட்டில் உருவாக்கப்பட்டது என தலைப்பிட்டு இவர் வெளியிட்டுள்ள இந்த வீடியோ பாலிவுட் மட்டுமல்லாது கோலிவுட் ரசிகர்களின் கவனத்தையும் ஈர்த்து வருகிறது.

    14:31 (IST)

    முதலமைச்சர் மு.க.ஸ்டாலின் இரண்டு நாள் பயணமாக இன்று மாலை டெல்லி செல்கிறார். மேகதாது அணை விவகாரம் தொடர்பாக குடியரசு தலைவர் ராம்நாத் கோவிந்தை நேரில் சந்தித்து வலியுறுத்த உள்ளார்.

    தமிழக முதலமைச்சராக பொறுப்பேற்ற பிறகு இரண்டாவது முறையாக மு.க.ஸ்டாலின் இன்று மாலை டெல்லி செல்கிறார். டெல்லியில் உள்ள தமிழ்நாடு இல்லத்தில் இன்றிரவு தங்கும் முதலமைச்சர் நாளை மதியம் 12.15 மணியளவில் குடியரசு தலைவர் ராம்நாத் கோவிந்தை நேரில் சந்தித்து பேச உள்ளார். இந்த சந்திப்பு மரியாதை நிமித்தமானது என்று அரசு வட்டாரத்தில் கூறப்படுகிறது. எனினும், மேகதாது அணை விவகாரம், பேரறிவாளன் உட்பட எழுவர் விடுதலை விவகாரம் குறித்து முதலமைச்சர் ஸ்டாலின் வலியுறுத்துவார் என எதிர்பார்க்கப்படுகிறது. முதலமைச்சராக ஸ்டாலின் பதவியேற்ற பின் குடியரசு தலைவருடனான முதல் சந்திப்பு இது என்பதால் முக்கியத்துவம் வாய்ந்ததாகப் பார்க்கப்படுகிறது. வரும் ஆகஸ்ட் 7ம் தேதி கருணாநிதியின் 3ம் ஆண்டு நினைவு நாளில் அவரது படத்திறப்பு விழா சென்னையில் நடக்கிறது. இதில் பங்கேற்று கருணாநிதியின் படத்தை திறந்து வைக்க சென்னை வருமாறு குடியரசுத் தலைவருக்கு ஸ்டாலின் அழைப்பு விடுக்க உள்ளதாகவும் தெரிவிக்கப்பட்டுள்ளது. கடந்த மாதம் டெல்லியில் பிரதமர் மோடியை சந்தித்த முதலமைச்சர் ஸ்டாலின், மேகதாது அணை திட்டத்திற்கு தடைவிதிக்க வேண்டும் என்பது உள்ளிட்ட 25 அம்ச கோரிக்கைகளை வலியுறுத்தினார்.

    14:29 (IST)

    வீரமாகாளி அம்மனுக்கு பால்குடம் எடுத்த பக்தர்கள

    சிவகங்கையில் உள்ள ஸ்ரீ வீரமாகாளி அம்மன் திருக்கோயிலில் பால்குடம் எடுக்கும் விழா விமரிசையாக நடைபெற்றது. மங்கள வாத்தியங்கள் முழங்க பெண்கள் பால்குடம் எடுத்து நகர்வலம் வந்தனர். மூலவர் சன்னதிக்கு பால்குடம் கொண்டு வரப்பட்டதுடன் அபிஷேகம் செய்யப்பட்டு, பின்னர் சிறப்பு பூஜைகளும் நடத்தப்பட்டன.

    14:29 (IST)

    திருப்பதிக்கு,சென்னை வேளச்சேரியில் இருந்து பாத யாத்திரையாக சென்ற பக்தர்கள் மீது, வடமாலபேட்டை அருகே லாரி மோதிய விபத்தில், தியாகராஜன் என்பவர் உயிரிழந்தார். 
     

    நிறுத்தி வைத்திருந்த லாரியை பின்னோக்கி எடுக்கும் போது பக்தர்கள் மீது லாரி மோதியது. இந்த விபத்தில் பரந்தாமன், கார்த்திக் ஆகியோர் படுகாயமடைந்தனர். 7 பேருக்கு லேசான காயம் ஏற்பட்டு திருப்பதி அரசு மருத்துவமனையில் அனுமதிக்கப்பட்டுள்ளனர். விபத்தை ஏற்படுத்திய ஓட்டுநர் தப்பியோடியுள்ளார்.

    14:29 (IST)

    மேற்கு கரையில் தொடரும் மோதல்கள் : கண்ணீர் புகை குண்டுகளை வீசும் இஸ்ரேல் ராணுவம

    இஸ்ரேல் ராணுவத்தின் தாக்குதலுக்கு பதிலடியாக, கவண் மூலம் பாலஸ்தீனர்கள் தாக்குதல் நடத்திய காட்சிகள் வெளியாகியுள்ளன. மேற்கு கரை பகுதியில் இஸ்ரேலிய குடியிருப்புகளை எதிர்த்து தொடர்ந்து போராட்டங்கள் நடைபெற்று வருகின்றன. போராட்டங்களை கலைக்க கண்ணீர் புகைக் குண்டுகளை பயன்படுத்தும் இஸ்ரேல் ராணுவத்தை கவண் கொண்டு தாக்குகின்றனர் பாலஸ்தீனர்கள். வில் போன்ற அமைப்பில் கல்லை வைத்து சுழற்றி எறியும்போது, அதீத வேகத்தில் செல்லும் கற்கள் ராணுவ வீரர்களை தாக்குகின்றன.

    14:28 (IST)

    "மேகதாதுவில் அணை கட்ட தடைவிதிக்க வேண்டும் என புதுச்சேரி பாஜக சார்பில் மத்திய அரசை வலியுறுத்துவோம்” - பாஜக மாநில தலைவர் சாமிநாதன்

    14:27 (IST)


    சவுதி அரேபியாவில் ஆண்டுதோறும் மேற்கொள்ளப்படும் ஹஜ் புனிதப்பயணம் இன்று தொடங்கியுள்ளது.சவுதி அரேபியாவில் வசிக்கும் 60,000 பேர் மட்டுமே இந்த ஆண்டு இந்த புனிதப் பயணத்தில் பங்கேற்க அனுமதிக்கப்பட்டுள்ளனர்.

    14:17 (IST)

    சிபிஎஸ்இ தேர்வு முடிவுகள் வெளியான பிறகே தமிழ்நாட்டில் உள்ள கல்லூரிகளில் மாணவர் சேர்க்கை நடைபெறும் -அமைச்சர் பொன்முடி 

    12:31 (IST)

    "சென்னையில் 2 புதிய பெண்கள் கலைக் கல்லூரிகள் தொடங்கப்படும் "  - அமைச்சர் சேகர்பாபு