Latest Tamil News (May 20): கொரோனா அப்டேட் , தமிழ்நாடு முதல் உலகம் வரை செய்திகள் உடனுக்குடன்

பொள்ளாச்சி அருகே உள்ள  திவான்சாபுதூர் ஊராட்சி மன்ற தலைவர் முனியன்(65) (அதிமுக) கொரோனாவால் பாதிக்கப்பட்டு  பொள்ளாச்சி அரசு மருத்துவமனையில் சிகிச்சை பெற்று வந்த நிலையில் சிகிச்சை பலனின்றி உயிரிழந்தார்.

மதுரையில் சிறார்களை பாதிக்கும் கொரோனோ-கடந்த 5 நாட்களில் 105 சிறார்களுக்கு கொரோனோ பாதிப்பு

சென்னையில் கொரோனா ஊரடங்கை மீறியதாக கடந்த 6 நாட்களில் 17,602 வழக்குகளை சென்னை காவல்துறை பதிவு செய்துள்ளது. கடந்த 6 நாட்களில சென்னை காவல்துறை 21,054 வாகனங்களை பறிமுதல் செய்துள்ளது.

அனைத்து அரசாணைகளும், அறிவிப்பாணைகளும் தமிழக அரசின் இணையதளங்களில் பதிவேற்றம் செய்யப்படுகிறதா?

இன்று மதியம் விளக்கம் அளிக்க தமிழக அரசுக்கு நீதிபதிகள் அனிதா சுமந்த், செந்தில்குமார் ராமமூர்த்தி அமர்வு உத்தரவு

தமிழகத்தில் 18 வயது முதல் 44 வயது வரை உள்ள 3 கோடியே 63 லட்சம் பேருக்கு கொரோனா தடுப்பூசி செலுத்தும் பணிகளை தமிழக முதலமைச்சர் மு.க.ஸ்டாலின் திருப்பூரில் தற்போது துவக்கி வைத்தார்.

கரும்பூஞ்ஜை தொற்றை கண்டு மக்கள் அச்சப்பட தேவை இல்லை. இது புதுவாக உருவான தொற்று பாதிப்பு அல்ல. கரும்பூஞ்ஜை  பாதிப்பு கண்டு ஆராய குழு அமைக்கப்  பட்டுள்ளது. - தமிழக சுகாதாரத் துறை செயலர் ராதாகிருஷ்ணன் 

மதுரையில் முதியோர் இல்லத்தில் வசிக்கும் 21பேருக்கு கொரோனா தொற்று. மதுரை வின்சென்ட் நகர் பகுதியில் செயல்பட்டுவரும் தனியாருக்கு சொந்தமான (அன்னை தெரசா)  முதியோர் இல்லத்தில் மொத்தமாக சுமார் 110 பேர் தங்கியுள்ளனர்.இந்தநிலையில் கடந்த இரு தினங்களுக்கு முன்பு அனைவருக்கும் கொரோனா பரிசோதனை மேற்கொள்ளப்பட்டது. இதில் 21 முதியவர்களுக்கு கொரோனா தொற்று உறுதி செய்யப்பட்ட நிலையில்,இதுவரை முதியவர்களை முகாம்களுக்கு அழைத்து செல்லவோ தனிமைப்படுத்தவும் இல்லை. பாதிக்கப்பட்டவர்கள் 60வயதை கடந்தவர்கள் என்பதால் தாமதம் இன்றி மாவட்ட நிர்வாகம் நடவடிக்கை எடுக்கப்படவேண்டும் எனவும் கோரிக்கை எழுந்துள்ளது.

சென்னை திருநின்றவூரில் 10 மாதங்களாக கொரோனா சிகிச்சை மையமாக அமைக்கப்பட்ட ரயிலை உடனடியாக மக்கள் பயன்ப்பாட்டிற்கு கொண்டு வர வேண்டும் என சமுக ஆர்வலர்கள் அரசுக்கு  கோரிக்கை விடுத்துள்ளனர்.

சேலம் உருக்காலையில் 500 படுக்கை வசதிகளுடன் கூடிய கொரோன சிகிச்சை மையத்தை திறந்து வைத்தார் முதல்வர் ஸ்டாலின்