Tamil News Live | இன்றை டாப்10 செய்திகள், ஜனவரி 25

இன்றைய டாப்10 செய்திகள்

1) 7.5 சதவீத ஒதுக்கீட்டால் மருத்துவப்படிப்பில் அரசு பள்ளி மாணவர்களின் சேர்க்கை அதிகரிப்பு என ஆளுநர் ரவி உரை. தமிழகத்தில் அரசு பள்ளிகளின் தரத்தை உயர்த்த வேண்டும் என்றும் வலியுறுத்தல்.

2) தமிழக மீனவர்களின் படகுகளை இலங்கை அரசு ஏலம் விடுவதை தடுத்து நிறுத்த வேண்டும். பிரதமர் மோடிக்கு எழுதிய கடிதத்தில் முதலமைச்சர் ஸ்டாலின் வலியுறுத்தல்.

3) தமிழக மீனவர்கள் 55 பேரை விடுவிக்க இலங்கை ஊர்க்காவல்துறை நீதிமன்றம் உத்தரவு. ஓரிரு நாட்களில் நாடு திரும்புவார்கள் என தகவல்.

4) தமிழ்நாட்டில் நகர்ப்புற உள்ளாட்சி தேர்தலை நடத்த தடையில்லை. தேர்தலை தள்ளி வைக்க உத்தரவிட முடியாது என சென்னை உயர்நீதிமன்றம் திட்டவட்டம்.

5) பெரம்பலூர் மாவட்டம் நாரணமங்கலத்தில் வீட்டினுள் பாய்ந்த துப்பாக்கி குண்டு. துப்பாக்கி சுடும் மையத்தில் இருந்து வந்ததால் கிராம மக்கள் அதிர்ச்சி.

6) பிளஸ் 2 மாணவி தற்கொலையை பாஜக மத அரசியலாக மாற்றுவது வருத்தமளிப்பதாக கனிமொழி விமர்சனம். சிபிஐ விசாரணை நடத்தினால் உண்மைகள் வெளியாகும் என அண்ணாமலை பேட்டி.

7) உயிரிழந்த அரியலூர் மாணவி குடும்பத்துக்கு 10 லட்ச ரூபாய் நிவாரணம். தமிழக பாஜக தலைவர் அண்ணாமலை அறிவிப்பு.

8) உத்தரப்பிரதேசத்தில் காங்கிரஸ் முன்னாள் மத்திய அமைச்சர் ஆர்பிஎன் சிங், பாஜக-வில் ஐக்கியம்.சட்டமன்ற தேர்தல் நெருங்கும் நிலையில் பரபரப்பு. 

9) குடியரசு தின விழாவில் பங்கேற்க பொதுமக்கள், மாணவ, மாணவிகள் நேரில் வர வேண்டாம். கொரோனா அச்சத்தை கருத்தில் கொண்டு தமிழக அரசு அறிவுறுத்தல்.

10) அவிநாசி அருகே பாப்பாங்குளத்தில் பதுங்கியிருந்த சிறுத்தை பக்கத்து ஊருக்கு இடம்பெயர்ந்தது. பஞ்சலிங்கம் பாளையத்தில் உள்ள தோட்டத்தில் நடமாடுவதாக தகவல்.

அரசுப் பள்ளிகளில் கல்வித் தரத்தை மேம்படுத்துவதே உடனடித் தேவை  என்றும் நீட் தேர்வுக்கு முன்னதான காலத்தில், அரசு மருத்துவக் கல்லூரிகளில் சேர்ந்த அரசுப் பள்ளி மாணவர்களின் எண்ணிக்கை, 1 சதவிகிதத்திற்கும் குறைவாகவே இருந்திருக்கிறது என்றும்  ஆளுநர் ஆர்.என். ரவி தெரிவித்துள்ளார்.

நீட் தரவரிசை பட்டியலில் குளறுபடி

சேலம் அருகே ஜலகண்டாபுரம் கழிக்கப் பட்டியைச் சேர்ந்த கஸ்தூரி. அதே பகுதியில் உள்ள அரசு பள்ளியில் பன்னிரண்டாம் வகுப்பு படித்தவர் 2021 நடந்த நீட் தேர்வு 252 மதிப்பெண்கள் பெற்று தேர்ச்சி பெற்றுள்ளார். நீட் தேர்வில் வெற்றி பெற்றும் நேற்று வெளியிடப்பட்ட தரவரிசை பட்டியலில் அரசு பள்ளி மாணவர்களுக்கான 7.5 சதவிகித இட ஒதுக்கீட்டில் இடம்பெறாமல் பொதுப்பிரிவில் இடம்பெற்றுள்ளதாக கூறி மாவட்ட ஆட்சியர் அலுவலகத்தில் புகார் அளித்துள்ளார். இதனால் அரசு கல்லூரியில் இடம் கிடைக்காமல், தனியார் மருத்துவக் கல்லூரியில் இடம் ஒதுக்கப்பட்டுள்ளதால் மேற்படிப்பைத் தொடர முடியாமல் அவதிக்கு உள்ளாகி உள்ளதாக குற்றச்சாட்டு எழுந்துள்ளது.

பள்ளி மாணவி தற்கொலை - சிபிஐ விசாரணை

தற்கொலை செய்துகொண்ட அரியலூர் மாணவிக்கு தமிழ்நாடு அரசு 1 கோடி ரூபாய் நிவாரண தொகை வழங்க வேண்டும் என்று உண்ணாவிரத ஆர்ப்பாட்டத்தில் பாஜக மாநில தலைவர் அண்ணாமலை தெரிவித்துள்ளார். மேலும் மாணவி தற்கொலை செய்துகொண்ட விவகாரத்தில் சிபிஐ விசாரணை செய்து இதற்கு பின்னணியில் யார் உள்ளார்கள் என்பதை விசாரித்து தண்டனைக்கு உள்ளாக்க வேண்டும் என்றும் கேட்டுக் கொண்டுள்ளார்.

முதல்வர் மு.க.ஸ்டாலின் மரியாதை

சென்னை அண்ணா அறிவாலயத்தில் வைக்கப்பட்டுள்ள மொழிப்போர் தியாகிகள் திருவுருவப்படத்திற்கு முதலமைச்சர் மு.க.ஸ்டாலின் மலர் தூவி மரியாதை. முதலமைச்சருடன் அமைச்சர்கள் துரைமுருகன், கே.என்.நேரு, பொன்முடி, திமுக பொருளாளர் டி.ஆர்.பாலு மற்றும் ஆர் எஸ் பாரதி உள்ளிட்டோரும் மரியாதை செலுத்தினர்.

தேனி மாவட்டம் போடிநாயக்கனூரில் உள்ள தனது அலுவலகத்தில் வைக்கப்பட்டிருந்த மொழிப்போர் தியாகிகள் உருவப்படத்திற்கு அதிமுக ஒருங்கிணைப்பாளர் ஓ.பன்னீர்செல்வம் மலர் தூவி மரியாதை செலுத்தினார்.

தமிழகம் முழுவதும் 20 ஆயிரம் குடிசை மாற்று வாரிய வீடுகளை இடித்து விட்டு புதிதாக கட்ட வேண்டும் என்று நகர்ப்புற வாழ்விட மேம்பாட்டு வாரியத்திற்கு நிபுணர் குழு பரிந்துரை செய்துள்ளது.

மானாமதுரை நகராட்சி தலைவர் பதவியை பட்டியலினத்தவருக்கு ஒதுக்கி வெளியிட்ட அரசாணையை ரத்து செய்யக்கோரிய வழக்கில், மாநில தேர்தல் ஆணையர் பதில் அளிக்க உயர்நீதிமன்ற மதுரை கிளை உத்தரவிட்டுள்ளது.

மத்திய பட்ஜெட் தாக்கல் செய்வதற்காக பிப்ரவரி 1 ஆம் தேதி காலை 11 மணிக்கு பாராளுமன்றம் கூடுகிறது. அப்போது கொரோனா கட்டுப்பாட்டு விதிகள் பின்பற்றப்படுவதை உறுதி செய்யும் விதமாக, மக்களவை மற்றும் மாநிலங்களவை தனித் தனி நேரங்களில் செயல்படும் என்று கூறப்படுகிறது. அதன்படி மாநிலங்களவை காலை 9 மணிக்கும், மக்களவை மாலை 4 மணிக்கும் கூடும் என்று கூறப்படுகிறது. தலா ஐந்து மணி நேரம் இரு அவைகளும் இயங்கும் என்று தெரிகிறது. பட்ஜெட் கூட்டத்தொடரின் முதல் அமர்வு பிப்ரவரி 11ஆம் தேதி நிறைவடையவுள்ளது.

உக்ரைன் எல்லையில் ரஷ்யா தனது படைகளை நிறுத்தியுள்ளதால், அங்குள்ள தங்கள் நாட்டு தூதரக அதிகாரிகளை வெளியேறுமாறு அமெரிக்கா கேட்டுக் கொண்டுள்ளது. உக்ரைன் நாட்டின் எல்லையில் ரஷ்யா ஆயிரக்கணக்கான படை வீரர்களை குவித்து வருகிறது. மேலும் உக்ரைனில் ஊடுருவதற்கான முயற்சியில் ரஷ்யா இறங்கியுள்ளதாகவும் கூறப்படுகிறது.