AUTO-REFRESH
தேசிய திறனாய்வு தேர்வு ஒத்திவைப்பு
கொரோனா பரவல் அதிகரிப்பு காரணமாக தேசிய திறனாய்வ தேர்வு ஒத்திவைக்கப்படுவதாக அறிவிக்கப்பட்டுள்ளது. எட்டாம் வகுப்பு பயிலும் மாணவர்களுக்கு உதவித்தொகை வழங்குவதற்காக இந்த தேர்வு பிப்ரவரி 5-ம் தேதி நடைபெறும் என்று அறிவிக்கப்பட்ட நிலையில் தற்போது ஒத்திவைக்கப்பட்டுள்ளது.
டி.ஆர்.பாலு வீட்டில் கொள்ளை
திருவாரூர் மாவட்டம் மன்னார்குடி அருகே தளிக்கோட்டை கிராமத்தில் உள்ள திமுக பொருளாளரும் ஸ்ரீபெரும்புதூர் நாடாளுமன்ற உறுப்பினருமான டி.ஆர்.பாலு வீட்டின் பூட்டை உடைத்து கொள்ளை நடைபெற்றுள்ளது. கொள்ளையடிக்கப்பட்ட டி.ஆர்.பாலு வீட்டில் காவல்துறையினர் தீவிர விசாரணை மேற்கொண்டு வருகின்றனர்.
தாம்பரத்தில் விஷவாயு தாக்கி 2 பேர் மரணம்
சென்னை தாம்பரம் அடுத்த வரதராஜபுரம் பி,டி,சி கோட்ரஸ் குடியிருப்பில் பகுதியில் ஜெயக்குமார் என்பவர் வீட்டில் ராஜேஷ் (வயது-35), ஏழுமலை (வயது-35) இருவர் கழிவுநீர் தொட்டியை சுத்தம் செய்து கொண்டிருந்தபோது கழிவுநீர் தொட்டியில் இருந்து விஷவாயு தாக்கி இருவரும் சம்பவ இடத்திலேயே உயிரிழந்துள்ளனர்.
தி.நகர் ரெங்கநாதன் தெருவில் தீவிபத்து
தி.நகர் ரங்கநாதன் தெருவில் புதிதாக ஆரம்பிக்கப்பட்டுள்ள சென்னை ஃபுட் கோர்ட் ரெஸ்டாரண்டில் இன்று காலை 11 மணியளவில் தீ விபத்து ஏற்பட்டுள்ளது. உடனடியாக தி.நகர் மற்றும் சைதாப்பேட்டை தீயணைப்பு நிலையங்களில் இருந்து இரண்டு தீயணைப்பு வாகனங்களில் வந்த தீயணைப்பு வீரர்கள் தீயை அணைக்கும் பணியில் ஈடுபட்டனர்.
ஐடிஐகளுக்கும் விடுமுறை
கொரோனா நோய்த்தொற்று அதிகரித்து வருவதால் புதுச்சேரியில் உள்ள அனைத்து அரசு தொழில்நுட்ப பயிற்சி பள்ளிகளுக்கும் (ஐடிஐ) ஜனவரி 31ஆம் தேதி வரை விடுமுறை- தொழிலாளர் நலத்துறை அமைச்சர் சந்திர பிரியங்கா அறிவிப்பு
குடியரசு தின அணிவகுப்பில் தமிழக அலங்கார ஊர்திக்கு இடமில்லை என மத்திய அரசு சொல்லியிருப்பது மிகவும் துரதிஷ்டவசமானது, சர்வாதிகார மனப்பான்மை கொண்டது இது மாநிலத்திற்கு ஏற்பட்டுள்ள பின்னடைவு எனவே மத்திய அரசு இதற்காக மன்னிப்பு கேட்க வேண்டும் - தமிழக காங்கிரஸ் கமிட்டித் தலைவர் கே எஸ் அழகிரி
உலகளவில் கடந்த 24 மணி நேரத்தில் கொரோனா பாதிப்பு
இந்தியாவில் கடந்த 24 மணி நேரத்தில் கொரோனா பாதிப்பு - மாநிலம் வாரியாக
இந்தியாவில் உச்சம் தொடும் கொரோனா பாதிப்பு
இந்தியாவில் கடந்த 24 மணி நேரத்தில் 2,82,970 பேருக்கு கொரோனா தொற்று உறுதி செய்யப்பட்டுள்ளது. மேலும் 1,88,157 பேர் குணமடைந்துள்ள நிலையில் 441 பேர் உயிரிழந்துள்ளனர்.
தமிழ்நாட்டில் 1,36,550 பேருக்கு நடத்தப்பட்ட பரிசோதனையில், 23,888 பேருக்கு பாதிப்பு உறுதிசெய்யப்பட்டுள்ளது. தலைநகர் சென்னையில் ஒரு நாள் கொரோனா பாதிப்பு சற்று குறைந்து 8 ஆயிரத்து 305-ஆக பதிவாகியுள்ளது.
