Latest Tamil News (May 14): கொரோனா அப்டேட் , தமிழ்நாடு முதல் உலகம் வரை செய்திகள் உடனுக்குடன்

மே-17 காலை 6மணி முதல் மாவட்டம் விட்டு, மாவட்டம் செல்ல இ-பாஸ் கட்டாயம் என அறிவிப்பு- தமிழக அரசு

நாளை முதல் தேநீர்க் கடைகள் இயங்க அனுமதி இல்லை - தமிழக அரசு

காய்கறி, மளிகை, இறைச்சி கடைகள் காலை 6 மணி முதல் 10 மணி வரை மட்டுமே செயல்பட அனுமதி

ஏற்கனவே காலை 6 மணி முதல் மதியம் 12 மணி வரை செயல்பட்டு வந்த நிலையில் நேரம் குறைப்பு - தமிழக அரசு

தமிழகத்தில் இன்று 31,892 பேருக்கு கொரோனா தொற்று உறுதி; 288 பேர் உயிரிழப்பு மற்றும் 20,037 பேர் டிஸ்சார்ஜ்.தற்போது 1,95,339 பேர் சிகிச்சையில் உள்ளனர்

கள்ளச்சந்தையில் ரெம்டெசிவிர் மருந்து  விற்பனை செய்தால் குண்டர் தடுப்பு காவல் சட்டத்தீன் கீழ் கைது - தூத்துக்குடி மாவட்ட எஸ்.பி ஜெயக்குமார்.

தென்காசி மாவட்டம் குற்றாலம், செங்கோட்டை புளியரை, தெற்குமேடு மற்றும் மேற்கு தொடர்ச்சி மலையை ஒட்டியுள்ள பகுதிகளில் மிதமான மழை பெய்து வருகின்றது.

காய்கறி, மளிகை கடைகள் நாளை முதல் காலை 6 மணி முதல் 10 மணி வரை மட்டுமே செயல்பட அனுமதி - தமிழக அரசு

கொரோனா தொற்று பரவலை தடுக்கும் நோக்கில் இலவச மூலிகை பொடிகளை வழங்கி வரும் மதுரை காவல் உதவி ஆணையர் லில்லி கிரேஸ்-க்கு பொது மக்கள் பாராட்டு தெரிவித்துள்ளனர். தனது வழக்கமான பணி சூழலுக்கு இடையே, தன்னார்வலர்கள் உதவியுடன் சித்தா மூலிகை பொடிகளை தயாரித்து, ரேஸ்கோர்ஸ் பகுதியில் உள்ள தனது இல்லத்தில் வைத்தே வழங்குகிறார். இதற்கு நல்ல பலன் கிடைப்பதாக கூறி, உள்ளூர் மட்டும் இன்றி, வெளியூர்களில் இருந்தும் ஏராளமானோர் வந்து மூலிகை பொடியை வாங்கிச் செல்கின்றனர். அத்துடன், 7358816622 செல்போன் எண்ணிற்கு வாட்ஸ்அப் மூலம் முகவரியை பதிவிட்டால், வீடு தேடியும் வருகிறது.

சென்னையில் ரெம்டெசிவிர் மருந்து விற்பனை நேரு உள்விளையாட்டு அரங்கிற்கு மாற்றப்படும் என அரசு அறிவித்த நிலையில் ஏற்பாடுகள் முழுமையடையாததால் கீழ்ப்பாக்கம் மருத்துவமனையிலேயே விற்பனை செய்யப்பட்டு வருகிறது.

இந்தியாவில் முதல் நபருக்கு ரஷ்ய நிறுவனத்தின் 'ஸ்புட்னிக் வி' கொரோனா தடுப்பூசி செலுத்தப்பட்டது.
ஐதராபாத்தில் உள்ள ஆய்வகத்தில் தீபக் சப்ரா என்பவருக்கு ஸ்புட்னிக் தடுப்பூசி செலுத்தப்பட்டது.