Latest Tamil News Live | தமிழ்நாடு முதல் உலகம் வரை செய்திகள் உடனுக்குடன்

முடங்கிய CBSE இணையதளம் சரிசெய்யப்பட்டது

சிபிஎஸ்இ  இணையதளத்தில் ஏற்ப்பட்ட பிரச்சினை சரி செய்யப்பட்டதாக இடைநிலை கல்வி வாரியம் அறிவித்துள்ளது.

இணையதள பக்கத்தில் ஏற்பட்ட தொழில்நுட்பக் கோளாறு காரணமாக மாணவர்கள் முடிவினை அறிந்து கொள்வதில் சிக்கல் ஏற்பட்டது. தற்போது  சிபிஎஸ்இ  இணையதளத்தில் ஏற்ப்பட்ட பிரச்சினை சரி செய்யப்பட்டதாக அறிவிக்கப்பட்டுள்ளது.

cbseresults.nic.in என்ற இணையதளத்தில் தேர்வு முடிவுகளை மாணவர்கள் அறிந்து கொள்ளலாம்.

கிருஷ்ணகிரி, சேலம், ஈரோடு மாவட்டங்களுக்கு முதலமைச்சர் எடப்பாடி பழனிசாமி பயணம்

கிருஷ்ணகிரி, சேலம் மற்றும் ஈரோடு மாவட்டங்களில் கொரோனா தடுப்பு நடவடிக்கை தொடர்பாக முதலமைச்சர் எடப்பாடி பழனிசாமி நேரில் ஆலோசனை

சாத்தான்குளம் தந்தை, மகன் சித்ரவதை கொலை வழக்கு 

சாத்தான்குளம் விவகாரத்தில் 5 போலீசாரை நாளை நீதிமன்றத்தில் ஆஜர்படுத்த உத்தரவு.

காவலில் எடுத்து விசாரிக்க சிபிஐ அனுமதி கோரிய நிலையில், மதுரை மாவட்ட நீதிமன்றம் உத்தரவு

தமிழகத்தில் தொழில் தொடங்க முன்வருமாறு 5 முன்னணி நிறுவனங்களுக்கு முதல்வர் அழைப்பு 

தமிழகத்தில் தொழில் தொடங்க முன்வருமாறு 5 முன்னணி நிறுவனங்களுக்கு தமிழக முதல்வர் எடப்பாடி பழனிச்சாமி அழைப்பு விடுத்துள்ளார்.  பெடக்ஸ் மற்றும் யுபிஎஸ் , லாஜிஸ்டிக் நிறுவங்களுக்கு கடிதம் மூலம் அழைப்பு விடுத்துள்ளார்.

ஜூலை 15-ம் தேதி முதல் அரசுமற்றும்  அரசு உதவி பெரும் பள்ளி மாணவர்களுக்குபாடப்புத்தகம் வழங்கும் பணி நடைபெறவுள்ளதாக பள்ளிக்கல்வித் துறை அறிவித்துள்ளது. 

மேலும் ஜூலை 15-ம் தேதி முதல்  மாணவர்களின் லேப்டாப்களில் வீடியோ பதிவேற்றம் செய்யும் பணியும் நடைபெறவுள்ளதாக தெரிவித்துள்ளது.  

தமிழ்நாட்டில் 31-ம் தேதி வரை அரசு மற்றும் தனியார் போக்குவரத்து சேவை இயங்காது என தமிழக அரசு அறிவித்துள்ளது.

கொரோனா தொற்றை கட்டுப்படுத்தும் வகையில் தமிழக அரசு இந்த முடிவை எடுத்துள்ளதாக தெரிவிக்கப்பட்டுள்ளது.

ஏற்கனவே ஜூலை 15-ம் தேதி வரை பொதுப்போக்குவரத்து தடை செய்யப்பட்ட நிலையில் தற்போது ஜூலை 31 வரை தமிழகத்தில் அரசு மற்றும் தனியார் பேருந்துகள் இயங்காது என அறிவிக்கபட்டுள்ளது.

தங்கக்கடத்தல் வழக்கில் ஸ்வப்னா மற்றும் சந்தீப் நாயர் இருவரையும் காவலில் விசாரிக்க என்.ஐ.ஏவுக்கு அனுமதி அளிக்கப்பட்டுள்ளது.

10 நாட்கள் கேட்ட நிலையில் 7 நாட்கள் மட்டுமே வழங்கி அனுமதி அளித்துள்ளது. ஸ்வப்னா மற்றும் சந்தீப் நாயர் இருவரையும் 21-ம் தேதி வரை காவலில் விசாரிக்க உத்தரவிடப்பட்டுள்ளது.

கேரளாவில் ஐக்கிய அரபு அமீரகத்தின் பெயரில் 30 கிலோ தங்கம் கடத்தப்பட்ட வழக்கில் 2-வது குற்றவாளியாக கருதப்படுபவர்தான் இந்த ஸ்வப்னா. ஒருவாரமாக தேடப்பட்டு வந்த ஸ்வப்னா பெங்களூருவில் உள்ள அடுக்குமாடிக் குடியிருப்பில் குடும்பத்துடன் இருந்தபோது பிடிபட்டுள்ளார் என்பது குறிப்பிடத்தக்கது.

"எச்சில் துப்பினால் கடும் நடவடிக்கை"

புதுக்கோட்டை மாவட்டத்தில் பொது இடங்களில் எச்சில் துப்பினால், புகைப்பிடித்தால் கடும் நடவடிக்கை எடுக்கபடும் என புதுக்கோட்டை மாவட்ட ஆட்சியர் உமாமகேஸ்வரி தெரிவித்துள்ளார். 

புகைபிடிப்பதற்கு அனுமதிக்கும் கடைகள், வணிக நிறுவனங்கள் மீது நடவடிக்கை எடுக்கப்படும் என ஆட்சியர் தெரிவித்துள்ளார். 

சுந்தர் பிச்சையுடன் பிரதமர் மோடி பேச்சு 

கூகுள் சிஇஓ சுந்தர் பிச்சை உடனான கலந்துரையாடல் மிகவும் ஆக்கபூர்வமாக இருந்தது.

கொரோனாவால் ஏற்பட்டுள்ள சவால்கள், தகவல் பாதுகாப்பு குறித்தும் விவாதித்தோம்.

கல்வி, டிஜிட்டல் முறையில் பணம் செலுத்துவதில் கூகுளின் செயல்பாடு குறித்தும் கேட்டறிந்தேன் என பிரதமர் மோடி தெரிவித்துள்ளார்.

கோவை துடியலூர் காவல்நிலையத்தில் மேலும் 2 காவலர்களுக்கு கொரோனா 

கோவை துடியலூர் காவல்நிலையத்தில் மேலும் 2 காவலர்களுக்கு கொரோனா தொற்று கண்டறியப்பட்டுள்ளது. ஏற்கனவே 5 பேருக்கு கொரோனா தொற்று உறுதி செய்யப்பட்டிருந்தது. இந்நிலையில் தற்போது இரண்டு காவலர்களுக்கு கொரோனா தொற்று உறுதி செய்யப்பட்டுள்ளது.