• HOME
  • »
  • NEWS
  • »
  • lifestyle
  • »
  • Water Crisis : நீர் நெருக்கடியை எதிர்கொள்வதில் காலநிலை நிதி முறையாக பயன்படுத்தப்படுகிறதா? ஆய்வு கூறும் தகவல்

Water Crisis : நீர் நெருக்கடியை எதிர்கொள்வதில் காலநிலை நிதி முறையாக பயன்படுத்தப்படுகிறதா? ஆய்வு கூறும் தகவல்

தண்ணீர் நெருக்கடி

தண்ணீர் நெருக்கடி

2050 ஆண்டில் உலகம் முழுவதும் சுமார் 5 பில்லியன் மக்கள் நீர் பற்றாக்குறை உள்ள பகுதிகளில் வாழ்வார்கள் என்று கணித்துள்ளது.

  • Share this:
ஒரு சர்வதேச இலாப நோக்கற்ற அமைப்பான WaterAid வெளியிட்டுள்ள சமீபத்திய அறிக்கையின்படி, 2030 ஆம் ஆண்டளவில், சில வறண்ட மற்றும் அரை வறண்ட இடங்களில் ஏற்படும் நீர் பற்றாக்குறை சுமார் 24 மில்லியனிலிருந்து 700 மில்லியன் மக்களை தங்கள் வீடுகளை விட்டு வெளியேற கட்டாயப்படுத்தும் என்று கணிக்கப்பட்டுள்ளது.

இதேபோல ‘டர்ன் தி டைடு: உலகின் நீரின் நிலை 2021’ (Turn the tide: The state of the world’s water 2021) என்ற தலைப்பில் வெளியான மற்றொரு அறிக்கையிலும், 2050 ஆண்டில் உலகம் முழுவதும் சுமார் 5 பில்லியன் மக்கள் நீர் பற்றாக்குறை உள்ள பகுதிகளில் வாழ்வார்கள் என்று கணித்துள்ளது. தற்போது, இதுபோன்ற பகுதிகளில் சுமார் நான்கு பில்லியன் மக்கள் வாழ்ந்து வருவதாகவும் குறிப்பிட்டுள்ளது.

எவ்வாறாயினும், அறிக்கையின் மிகவும் ஆபத்தான வெளிப்பாடு என்னவென்றால் நீரின் அணுகலில் காலநிலை மாற்றத்தின் பேரழிவு தாக்கம் மற்றும் நீர் மேலாண்மை திட்டங்களை உருவாக்க வேண்டிய அவசியம் ஆகியவற்றை குறிக்கிறது. அந்த அறிக்கையில் மேலும் கூறப்பட்டுள்ளதாவது, “மழை அளவு மற்றும் மழைப்பொழிவு போன்ற சில காலநிலை மாற்ற விளைவுகளின் அளவை முழுமையாக கணிக்க முடியாது என்றாலும், 2001 மற்றும் 2018க்கு இடையில் சுமார் 74% இயற்கை பேரழிவுகள் நீர் தொடர்பானவை. தண்ணீரில் காலநிலை மாற்றத்தின் கணிக்க முடியாத தாக்கங்கள், அதிகரித்த நிச்சயமற்ற தன்மையைக் குறிக்கின்றன. இது நீர் நிர்வாகத்தைச் சுற்றியுள்ள திட்டமிடல் மிகவும் முக்கியமானது என்பதை சுட்டிக்காட்டுகிறது" என்று குறிப்பிட்டுள்ளது.



உலக நாடுகள் கொரோனா தொற்றுநோயை எதிர்த்துப் போராடுவதாலும், ஒவ்வொரு நாட்டின் சுகாதாரத் துறையும் கூடுதல் மன அழுத்தத்தில் இருப்பதாலும், நீர் நெருக்கடி மக்களின் வாழ்க்கையை மிகவும் ஆழமாக பாதித்துள்ளது. நீர் வசதி இல்லாத பெரும்பாலான சுகாதார மையங்கள், தங்கள் சுகாதார நெருக்கடியைக் கையாள்வதில் மிகவும் கடினமான நேரத்தை எதிர்கொண்டது. உலகெங்கிலும், ஒவ்வொரு நான்கு சுகாதார வசதி மையங்களிலும் ஒரு இடத்தில் நீர் சேவைகள் இல்லை என்று அறிக்கையில் குறிப்பிடப்பட்டுள்ளது. இது இரண்டு பில்லியன் மக்களின் வாழ்க்கையை பாதித்துள்ளது.

எவ்வாறாயினும், உலகின் 47 குறைந்த வளர்ச்சியடைந்த நாடுகளில் இந்த நிலைமை மிகவும் மோசமானது. அந்த நாடுகளில், இரண்டு சுகாதார மையங்களில் ஒன்று அத்தியாவசிய குடிநீரை கூட வழங்க முடியாது. இத்தகைய நீர் பற்றாக்குறை சுகாதார ஊழியர்களின் வாழ்க்கையையும் சேர்த்து பாதிக்கிறது. அவர்களின் உடல்நல அபாயங்களை அதிகரிக்கிறது. மேலும் தண்ணீர் கொண்டுவருவதற்காக அவர்களின் விலைமதிப்பற்ற நேரத்தையும் எடுத்துக்கொள்வதோடு, நோயாளிகளுக்கு சிகிச்சையளிப்பதில் இருந்து அவர்களைத் தடுக்கிறது.

இத்தகைய சூழ்நிலைகளில் நீர் நெருக்கடி பிரச்சினைக்கு காலநிலை நிதி கவனம் செலுத்த வேண்டிய அவசியம் உள்ளது. WaterAid-ன் அறிக்கையின்படி, காலநிலை மாற்றம் அனைவரையும் பாதிக்கிறது. இதனால் முறையான சேனல்கள் மூலம் தண்ணீரைப் பெறமுடியாத ஓரங்கட்டப்பட்ட சமூகத்தைச் சேர்ந்த பில்லியன் கணக்கான மக்களின் வாழ்க்கை மிகவும் மோசமாகியுள்ளது. இந்த நிலையில் கடந்த 2009 ஆம் ஆண்டு வெளியான அறிவிப்பின்படி, பணக்கார நாடுகள் 2020 ஆம் ஆண்டிலிருந்து வருடத்திற்கு 100 பில்லியன் டாலர் காலநிலை நிதியை வழங்க உறுதிபூண்டுள்ளன. அந்த நாடுகளின் பொது மற்றும் தனியார் மூலங்களிலிருந்து பெறப்படும் நிதிகள் காலநிலை நெருக்கடியை தீர்க்க உதவுகின்றன.



கடந்த 2018ம் ஆண்டில் வளரும் நாடுகளில் மேற்கொள்ளப்பட்ட காலநிலை நடவடிக்கைகளுக்காக, வளர்ந்த நாடுகளால் வழங்கப்பட்ட மற்றும் திரட்டப்பட்ட காலநிலை நிதி 78.9 பில்லியன் டாலர்கள் ஆகும். ஆனால் காலநிலை மாற்றத்திற்கான மொத்த உலகளாவிய செலவினங்களில் சுமார் 5% மட்டுமே இந்த நிதியில் இருந்து பெறப்பட்டதாக மதிப்பிடப்பட்டுள்ளது. அப்படியிருந்தும், அந்த 5% எண்ணிக்கை எல்லா நாடுகளையும் சென்றடைகிறது. எனவே, இந்த நிதி அவசியம் தேவைப்படும் நாடுகளை இலக்காகக் கொண்டிருக்கவில்லை. ஒரு நாடு எவ்வளவு பாதிக்கப்படக்கூடியது என்பதற்கும், காலநிலை நெருக்கடிக்கு பதிலளிக்க உதவுவதற்கு எவ்வளவு பணம் பெறுகிறது என்பதற்கும் மிகக் குறைவான தொடர்பு உள்ளது.

வீட்டுச் சூழலை மாற்ற இந்த பாசிடிவ் விஷயங்களால் வீட்டை அலங்கரியுங்கள்..!

முன்னெச்சரிக்கை நடவடிக்கைகளுக்காக ஒதுக்கப்பட்ட காலநிலை நிதி, குறைந்த அளவு நாடுகளுக்கு காலநிலை மாற்றத்திற்குத் தயாராவதற்கும் பில்லியன் கணக்கான உயிர்களை ஆபத்தில் வைப்பதற்கும் திறம்பட உதவுவதில் தோல்வியுற்றது என்று அறிக்கையில் குறிப்பிடப்பட்டுள்ளது. காலநிலை மாற்றத்தால் மிகவும் பாதிக்கப்பட்ட சில நாடுகளில் ஒரு வருடத்திற்கு ஒரு நபருக்கு 1 டாலர் மட்டுமே தண்ணீரில் முதலீடு செய்யப்படுகிறது. நீர் அணுகல் சிக்கல்களின் அளவிற்கும் தீர்வுகளைத் தேடுவதற்கான முதலீடுகளுக்கும் இடையிலான இந்த ஏற்றத்தாழ்வை நிவர்த்தி செய்ய WaterAid இந்தியாவின் தலைமைத் தலைவர் வி.கே. மாதவன் கூறியதாவது, “காலநிலை மாற்றத்தால் பாதிக்கப்படும் மக்கள் தங்களுக்கு தேவைப்படும் போது சுத்தமான தண்ணீரை அணுகுவது என்பது மிகவும் கடினமாகிறது.



நீர் நெருக்கடியை சமாளிக்க மிக அதிக பங்களிப்பை வழங்கும் உலகின் ஏழ்மையான மக்களுக்கு இது ஒரு பெரிய அநீதியாகும். அதன் மிகவும் அழிவுகரமான தாக்கத்தை அவர்கள் தாங்க வேண்டியிருக்கும். சமூகங்கள் நம்பகமான மற்றும் பாதுகாப்பான நீர் ஆதாரத்தை அணுக முடியாவிட்டால், அவர்களின் உடல்நிலை பாதிக்கப்படும். மேலும் தண்ணீரை அணுகுவதில் மக்கள் அதிக நேரம் செலவிடுவதால் அவர்களுக்கு சுமை ஏற்படும். மேலும் சிறந்த வாழ்க்கையை உருவாக்குவதில் கவனம் செலுத்துவதற்கான வாய்ப்பு அவர்களுக்கு மறுக்கப்படுகிறது" என்று கூறினார். தொடர்ந்து பேசிய அவர், "நாம் அனைவரும் இப்போது முன்னேற வேண்டும். தண்ணீரை வீணடிக்க கூடாது என உறுதியளிக்க வேண்டும் மற்றும் காலநிலை மாற்றத்தை சமாளிக்க சமூகங்களுக்கு உதவுவதற்கும், அதனுடன் தொடர்புடைய தீவிர வானிலை நிகழ்வுகளிலிருந்து விரைவாக மீள்வதற்கும் தூய்மையான நீரின் முக்கிய பங்கை அங்கீகரிக்க வேண்டும்," என்று அவர் குறிப்பிட்டுள்ளார்.

 

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Sivaranjani E
First published: