Home /News /lifestyle /

உலகின் மிக நீளமான ரயில் பயணம்... 9,289 கிலோமீட்டரில் 3 நாடுகளை பார்க்கலாம்...

உலகின் மிக நீளமான ரயில் பயணம்... 9,289 கிலோமீட்டரில் 3 நாடுகளை பார்க்கலாம்...

டிரான்ஸ் சைபீரியன் ரயில்

டிரான்ஸ் சைபீரியன் ரயில்

உலகம் சுற்ற ஆர்வம் உள்ளவரா நீங்கள் ஆனால் செலவை பற்றிய கவலையா? இந்த ரயிலில் பயணம் செய்தால் ஒரே பிரயாணத்தில் உலக வரைபடத்தின் பாதியைக் கடக்கலாம்.

    டிரான்ஸ்-சைபீரியன் ரயில் பாதை 9,289 கிலோமீட்டர் தொலை தூரம் வரை அமைத்துள்ளது. ரஷ்யாவின் தலைநகரான மாஸ்கோவில் இருந்து கிழக்கில் இருக்கும் விளாடிவோஸ்டாக் நகரம் வரை செல்கிறது. உலகின் மிக நீளமான ரயில் பாதை இது. ஒரே பாதை ஐரோப்பிய ஆசியக் கண்டங்களை இணைக்கிறது.

    ரயிலில் பயணம் செய்வது ஒரு சுகமான அனுபவம் தான். பயணச்சீட்டு எடுக்கும்போது ஜன்னல் ஓர சீட்டு கிடைக்க முயற்சி செய்வோம். ஆயிரக்கணக்கில் பயணச்சீட்டு பதிவு செய்யும் நேரத்தில் நமக்கு ஜன்னல் ஓர இருக்கை கிடைத்தால் அதுவே பெரும் மகிழ்ச்சிதான். ரயில் பிரயானதில் ஜன்னல் ஓர இருக்கையில் அமர்ந்து அப்படி ஹெட்போனில் பாடல் கேட்டுச் செல்லுவது ஒரு மறக்க முடியாத அனுபவமாக இருக்கும்.

    டிரான்ஸ்-சைபீரியன் ரயில் ரஷ்யாவின் மேற்கே தொடங்கி சீனாவின் எல்லை மற்றும் ஜப்பானின் எல்லையைத் தொடுகிறது. இந்த ரயிலில் பயணம் செய்தால் உலக வரைபடத்தில் பாதியைக் கடக்கலாம். வருடம் முழுவதும் இந்த ரயில் செயல்படுகிறது. கோடை விடுமுறையில் பாதுகாப்பாகவும் மகிழ்ச்சியாகவும் பயணம் செய்ய இந்த ரயில் பாதை பிரபலமாக இருக்கிறது.

    டிரான்ஸ் சைபீரியன் ரயில் வழி


    இந்த ரயிலின் வரலாறு :

    உலக போக்குவரத்துக்கு வரலாற்றில் இந்த ரயிலின் பங்கு முக்கியமானது. இதனைக் கட்டும் பணி 1891 ம் ஆண்டு தொடங்கப்பட்டு 25 ஆண்டுகள் எடுத்து 1916 இல் முடிவடைந்தது. 1094 ம் ஆண்டு ரஷ்யா ஜப்பான் இடையே நடந்த போருக்கு இந்த பாதை அமைக்கும் பணியும் முக்கிய காரணமாக அமைத்தது. மாஸ்கோவில் தொடங்கி இந்த முழு பயணத்தை முடிக்க 7 நாட்களாகின்றது.

    இதில் எப்படி பயணம் செய்வது?

    மாஸ்கோ - விளாடிவோஸ்டாக், மாஸ்கோ - உலன்படோர், மாஸ்கோ - பெய்ஜிங் என்று மூன்று பிரிவுகளை இணைக்கிறது. அதில் நீங்கள் எந்த வழியில் பயணம் செல்ல விரும்புகிறீர்கள் என்பதை முதலில் முடிவு செய்ய வேண்டும். பின்பு அதற்கான விசாவை பெற வேண்டும். இந்த ரயிலில் ரஷ்யாவில் இருத்து தொடங்கி சீனா செல்ல வேண்டுமென்றால் ரஷ்யா மற்றும் சீனா நாட்டிற்கான விசாவை வாங்கவேண்டும். இதற்கான பயணச்சீட்டை மாஸ்கோவில் உள்ள ரயில் நிலையத்திலேயே எடுத்துக் கொள்ளலாம். மேலும் இணையம் வழியாகவும் பெற்றுக்கொள்ள முடியும்.

    டிரான்ஸ் சைபீரியன் ரயில்


    எவ்வளவு செலவாகும்?

    குறைத்த கட்டணத்தில் இந்த பயணத்தை மேற்கொள்ளலாம். மாஸ்கோவில் இருத்து விளாடிவோஸ்டாக் வரை செல்ல 3 வகுப்பு பயணச்சீட்டின் விலை 175 டாலர். அதாவது தற்போதைய இந்திய மதிப்புப்படி 13,982 ரூபாய். 2 வகுப்பு பயணச்சீட்டின் விலை 213 டாலர் தற்போதைய இந்திய மதிப்புப்படி 17018 ரூபாய் ஆகும்.

    என்னென்ன வசதிகள் உள்ளது?

    குளிரூட்டி வசதி, உணவகம், படுக்கை, மின்சாரம், பார், இருக்கையில் தனியாக ஒலி அமைப்பு போன்றவை உள்ளது. தனிப்பட்ட ஆடம்பர அறை போன்ற வசதியும் உள்ளது.

    ரயில் உணவகம்


    என்னென்ன பகுதிகளைக் கடந்து செல்கிறது?

    டிரான்ஸ்-சைபீரியன் ரயில் 18 நிலையங்களில் கடந்து 8 நேர மண்டலங்களை தாண்டி செல்கிறது. அதனால் பல்வேறு இயற்கை அழகை இந்த பயணத்தில் காணமுடிகிறது. இப்பாதையில் செர்பியன் பகுதியில் உள்ள பைக்கால் ஏரி மற்றும் மிக உயரப் புள்ளியான 1070 மீட்டர் உயரத்தில் அமைத்துள்ள யப்லோனோவி பாஸ் போன்ற இடங்களைக் கடந்து செல்கிறது.

    குறைந்த விலையில் பெரிய பயணமாக உலகம் சுற்ற விரும்புவோருக்கு இந்த பயணம் வாழ்வில் செல்லவேண்டிய கனவாகவே இருக்கிறது. பல முக்கிய இணைப்புடன் மூன்று நாடுகளை இணைத்துப் பல கலாச்சாரத்தையும், உணவையும், மொழியையும், இயற்கை அழகையும் இந்த பயணம் இணைக்கிறது.
    Published by:Janvi
    First published:

    Tags: Train, Travel, Travel Tips

    அடுத்த செய்தி