ஹோம் /நியூஸ் /லைஃப்ஸ்டைல் /

பயணிகள் கவனத்திற்கு.. ஊட்டி மலையில் ஒரு திப்பு சுல்தான் கோட்டை.. உங்களுக்காக காத்துகொண்டு இருக்கிறது .....!

பயணிகள் கவனத்திற்கு.. ஊட்டி மலையில் ஒரு திப்பு சுல்தான் கோட்டை.. உங்களுக்காக காத்துகொண்டு இருக்கிறது .....!

துரூக் கோட்டை

துரூக் கோட்டை

கடல் மட்டத்திலிருந்து 1918 மீ உயரத்தில் உள்ள அற்புதமான இடத்தின் காரணமாக துரூக் கோட்டைக்கு அருகில் ஒரு கண்காணிப்பு கோபுரம் அமைக்கப்பட்டுள்ளது.

  • News18 Tamil
  • 2 minute read
  • Last Updated :
  • Udhagamandalam (Ooty) |

 'மலைகளின் அரசி' என்று அழைக்கப்படும் ஊட்டி என்றதும் எல்லாருக்கும் ரோஜாக்கள் நிரம்பிய பூங்கா, ஏரி, போட்டிங்,  டவர் பாயிண்ட், டீ எஸ்டேட்டுகள் தான் நினைவுக்கு வரும். பெரும்பாலான மக்கள் இந்த இடங்களுக்கு மட்டும் தான் சென்றிருப்பார்கள்.

ஆனால் ஊட்டியில் இருந்து காட்டேரி, மஞ்சூர் சாலை வழியாக சென்றால் ஒரு முக்கியமான , புராதான கோட்டைகளில் ஒன்றான துரூக் கோட்டை இருப்பது பலருக்கு தெரியாது. இந்த கோட்டை பற்றி உள்ளூர் மக்களுக்கும் வரலாற்று இடங்களை விரும்புபவர்களுக்கும் தான் அதிகம் தெரிந்திருக்கும். முக்கிய சுற்றுலா தல பட்டியலில் இது பெரும்பாலும் இருக்காது.

துரூக் கோட்டை :

மைசூரின் புகழ்பெற்ற ஆட்சியாளர் திப்பு சுல்தான் மேற்கு தொடர்ச்சி மலையில் ஆங்காங்கே தனது போர் படையை நிறுத்தி வைக்க கோட்டைகளை கட்டியிருந்தார். தென்தமிழகம் வரை கூட அவரது கோட்டைகள் இருந்தன. அப்படி திப்பு சுல்தானால் கட்டப்பட்ட பல கோட்டைகளில் இதுவும் ஒன்று.

இதையும் படிங்க : உங்களுக்கு பிடித்த ஒயின் இந்த எரிமலையில் இருந்துகூட வந்திருக்கலாம்!? - எப்படி தெரியுமா?

இது 18 ஆம் நூற்றாண்டில் திப்பு சுல்தானின் ஒரு இராணுவப் புறக்காவல் நிலையமாக துரூக் கோட்டை பயன்படுத்தப்பட்டது. ஆனால் இப்போது ஒரு திடமான கம்பீரமான கோட்டையாக இருந்ததற்கான இடிபாடுகள் மட்டுமே  எஞ்சியுள்ளன. மற்றவை எல்லாம் இடிந்து தரைமட்டமாக மாறியுள்ளது. இதனால் கூட இங்கு மக்கள் வருகை என்பது குறைந்திருக்கலாம்.

கடல் மட்டத்திலிருந்து 1918 மீ உயரத்தில் உள்ள அற்புதமான இடத்தின் காரணமாக துரூக் கோட்டைக்கு அருகில் ஒரு கண்காணிப்பு கோபுரம் அமைக்கப்பட்டுள்ளது. அண்டை நாடுகளின் எதிரிகளை கண்காணிக்க கட்டப்பட்டதாக இருக்கலாம் என்று வரலாற்று ஆசிரியர்கள் தெரிவிக்கின்றனர்.

வரலாற்று ஆய்வாளர்கள், வரலாற்று முக்கியத்துவம் வாய்ந்த இடங்களை தேடி பயணம் செய்பவர்களைத் தாண்டி மலை ஏற்றத்தை விரும்பும் பயணிகள் இந்த இடத்தைத் தேடி வருகின்றனர். டி எஸ்டேட்டில் இருந்து சுமார் 4 கிமீ நடந்து வந்தால் தான் இந்த கோட்டையை அடைய முடியும்.

ஆட்கள் அதிகம் வராததால் தற்போது பாழடைந்த நிலையில் உள்ள கோட்டையானது மலபார் அணில் மற்றும் பறக்கும் நரிகள் போன்ற வெளிநாட்டு பறவைகள் மற்றும் விலங்குகளின் இடமாக உள்ளது . அதே போல் கோட்டையை சுற்றியுள்ள பகுதிகளுக்கு வரும் அறிய வகை பறவைகளையும் பைனாகுலர் வழியாக பார்த்து ரசிக்கலாம். உயரமான இடம் என்பதால் சுற்றி உள்ள மலைகளின் அழகாய் இங்கிருந்து காணலாம்.

இதையும் படிங்க : ஊட்டி போற ப்ளானா? கண்டிப்பா இந்த இடத்தை மிஸ் பண்ணாதீங்க..!

அதே போல் இந்த இடத்திற்கு புராண இதிகாச கதை ஒன்றும் உள்ளது. மஹாபாரதத்தில் பாண்டவர்கள் அரக்கு மாளிகை விபத்தில் இருந்து தப்பித்து ஒரு கிராமத்தில் வாழ்ந்த போது மனிதர்களை உண்ணும் அரக்கனான பகாசுரனை பீமன் கொன்றான் என்ற கதை உண்டு. அந்த பகாசுரன் என்ற அரக்கன் இங்கு வசித்து வந்தான் என்று நம்பப்படுகிறது. அதனால்தான் இந்த இடம் பகாசுரன் மலை என்றும் அழைக்கப்படுகிறது.

ஹுலிகல் என்று அழைக்கப்படும் அதன் அண்டை கிராமத்தின் காரணமாக, இது கன்னட மொழியில் ஹுலிகா துர்க் என்றும் அழைக்கப்படுகிறது. நாட்டுப்புறக் கதைகளின்படி, ஹுலிகல் அல்லது டைகர் ஸ்டோன் என்பது ஒரு மனித உண்பவரை கொன்ற இடம் என்று பொருள்.

எப்படி அடைவது?

பழுதடைந்த கோட்டை ஊட்டியில் இருந்து சுமார் 30 கிமீ தொலைவில் அமைந்துள்ளது. ஊட்டியில் இருந்து 27 கிலோமீட்டர் தொலைவில் உள்ள நோன்சுச் தேயிலை தோட்டத்தை ஒரு மணி நேர பயணத்தில் அடையலாம், அதன் பிறகு, பசுமையான நிலப்பரப்புகளின் பரந்த காட்சிகளை ரசித்துக்கொண்டே ட்ரூக் கோட்டைக்கு மலையேற்றத்தைத் தொடங்கலாம்.

எச்சரிக்கை: ட்ரூக்கை செல்லும் போது , ​​அப்பகுதியில் வசிக்கும் காட்டெருமை குறித்து கவனமாக இருங்கள்.

நேரம்: காலை 6:00 - மாலை 6:00 வரை

நுழைவு கட்டணம்: இலவசம்

ஊட்டி பக்கம் செல்லும் போது இந்த கோட்டையை பார்க்க மறந்துவிடாதீர்.

First published:

Tags: Nilgiris, Ooty, Travel, Travel Guide