ஹோம் /நியூஸ் /லைஃப்ஸ்டைல் /

தென்னிந்தியாவின் சிரபுஞ்சி அகும்பே பற்றி கேள்விபட்டிருக்கிறீர்களா? டிரீப் செல்ல சரியான நேரம் இதுதான்...!

தென்னிந்தியாவின் சிரபுஞ்சி அகும்பே பற்றி கேள்விபட்டிருக்கிறீர்களா? டிரீப் செல்ல சரியான நேரம் இதுதான்...!

அகும்பே

அகும்பே

இயற்கையான சூழல், டீ எஸ்டேட்டுகள், நாள் முழுதும் வீசும் சாரல் மழை என இடமே சொர்க்கமாக காணப்படும். மேகங்களுக்கு இடையில் அமர்ந்து ஒரு சூடான டீ குடித்தால் அப்படி தான் இருக்கும் பாருங்க..

  • News18 Tamil
  • 2 minute read
  • Last Updated :
  • Karnataka, India

கடல் மட்டத்திலிருந்து 2000 அடி உயரத்தில், கர்நாடகாவின் ஷிமோகா மாவட்டத்தில் உள்ள அகும்பே பகுதியில், ஆண்டுதோறும் 7620 மிமீ மழை பெய்வதால் 'தென்னிந்தியாவின் சிரபுஞ்சி' என்று அழைக்கப்படுகிறது.

கடந்த சில ஆண்டுகளாக, தென்னிந்தியாவின் முக்கிய பருவமழை ஸ்தலமாக அகும்பே மாறி பயணிகளை ஈர்த்து வருகிறது. அகும்பே கர்நாடக மாநிலத்தின் ஷிமோகா மாவட்டத்தில் உள்ள தீர்த்தஹள்ளி தாலுகாவில் உள்ள ஒரு சிறிய கிராமம் ஆகும். இங்கு ஒரு சிறிய பேருந்து நிலையம், ஒரு ஹோட்டல், ஒரு மளிகைக் கடை மற்றும் ஒரு சில சிறிய ஓடு வேயப்பட்ட வீடுகள் உள்ளன.

இங்கு மிக குறைந்த எண்ணிக்கையிலேயே பயணிகளுக்கான தங்குமிடங்கள் உள்ளன. அதிக எண்ணிக்கையில் பயணிகள் வராத ஒரு இடம் ஆனால் அழகு கொஞ்சும் இடமாக இது உள்ளது. உடுப்பி மற்றும் ஷிமோகா இடையே இயக்கப்படும் தனியார் பேருந்துகள் மூலம் அகும்பேயை அடையலாம்.

இதையும் படிங்க: மைசூர், குடகுமலைக்கு IRCTCன் ஒரு அசத்தல் பட்ஜெட் ட்ரிப்... நீங்க ரெடியா?

இயற்கையான சூழல், டீ எஸ்டேட்டுகள், நாள் முழுதும் வீசும் சாரல் மழை என இடமே சொர்க்கமாக காணப்படும். மேகங்களுக்கு இடையில் அமர்ந்து ஒரு சூடான டீ குடித்தால் அப்படி தான் இருக்கும் பாருங்க..

அகும்பேயில் சூரிய அஸ்தமன காட்சி மழையைப் போலவே பிரபலமானது. மலை பகுதியில் இருந்து மேகங்களுக்கு இடையே அமர்ந்து சூரிய அஸ்தமனம் காணும் காட்சி உடலை சிலிர்க்க வைக்கும். அகும்பே க்கு அருகில் ஜோகிகுண்டி அருவி உள்ளது.

இங்கிருந்து 28 கிமீ தொலைவில் உள்ள சிருங்கேரி சாரதா கோயிலும் பார்க்க வேண்டிய இடம். அகும்பேயில் இருந்து 25 கிமீ தொலைவில் உள்ள கூடுலு நீர்வீழ்ச்சி சாகச விரும்பிகளுக்கும் மலையேற்றப் பயணிகளுக்கும் ஒரு நல்ல இடமாக இருக்கும்.

17 கிமீ தொலைவில் உள்ள குந்தா மலை (குந்தாத்ரி) பகுதியில் பழமையான ஜெயின் கோவில் உள்ளது. கோயிலை ஒட்டி இரண்டு குளங்கள் உள்ளன. கோவிலின் வலதுபுறத்தில் இருந்து பார்த்தால் அகும்பே கிராமம் மற்றும் அதை ஒட்டிய விவசாய நிலங்கள் இடையிடையே உள்ள அழகிய மலைப்பகுதி தெரியும்.

இதையும் படிங்க: ஒளிமாசு இல்லாத டார்க் ஸ்கை தேசமாகும் நியூசிலாந்து.... அப்படியென்றால் என்ன?

அகும்பேயிலிருந்து 51 கிமீ தொலைவில் உள்ள பிரதான சாலையில் இருந்து சிறிது தூரம் மலையேறினால் ஒன்பதாம் நூற்றாண்டு காவலேதுர்கா கோட்டையை அடையலாம். இந்த பழையகோட்டை 16-17 ஆம் நூற்றாண்டில் வெங்கடப்ப நாயக்கரால் தற்போதைய நிலைக்கு மீட்டெடுக்கப்பட்டது என்று சொல்லப்படுகிறது.

ஆர்.கே.நாராயணனின் சிறுகதைகளை அடிப்படையாகக் கொண்ட புகழ்பெற்ற தொலைக்காட்சித் தொடரான ​​'மால்குடி டேஸ்' இன் பெரும்பாலான பகுதிகள் அகும்பேயில் படமாக்கப்பட்டது.

உடுப்பி, ஷிமோகா, மங்களூர் மற்றும் சிருங்கேரியில் இருந்து அகும்பேக்கு வழக்கமான பேருந்து சேவைகள் உள்ளன. ரயிலில் செல்ல விரும்பினால் 55 கிமீ தொலைவில் உடுப்பி ரயில் நிலையம் உள்ளது.

Published by:Ilakkiya GP
First published:

Tags: Karnataka, Tourism, Travel, Trip