Home /News /lifestyle /

பரளிக்காடு : கோவையில் மேற்குதொடர்ச்சி மலைச்சாரலோடு ஒரு பரிசல் பயணம்!

பரளிக்காடு : கோவையில் மேற்குதொடர்ச்சி மலைச்சாரலோடு ஒரு பரிசல் பயணம்!

BARALIKADU coracle ride: மெனு பெரும்பாலும் பழங்குடி மக்களின் பாரம்பரிய வேர்களை அடிப்படையாகக் கொண்டது மற்றும் அவர்களால் தயாரிக்கப்படுகிறது.

BARALIKADU coracle ride: மெனு பெரும்பாலும் பழங்குடி மக்களின் பாரம்பரிய வேர்களை அடிப்படையாகக் கொண்டது மற்றும் அவர்களால் தயாரிக்கப்படுகிறது.

BARALIKADU coracle ride: மெனு பெரும்பாலும் பழங்குடி மக்களின் பாரம்பரிய வேர்களை அடிப்படையாகக் கொண்டது மற்றும் அவர்களால் தயாரிக்கப்படுகிறது.

  • News18 Tamil
  • 2 minute read
  • Last Updated :
  • Coimbatore, India
ஆகஸ்ட் மாதம் தொடங்கியதில் இருந்து மேற்குத்தொடர்ச்சி  மலைச்  சாரலோடு  சிலிர்த்துக்கொண்டு இருக்கிறது  கோவை. இந்த சாரலில் பசுமை நிறைந்த காட்டிற்குள் கும்மாளம் அடிக்க வாய்ப்பு என்றால் யாருக்குத்தான் கசக்கும்!

கோயம்புத்தூரிலிருந்து மேட்டுப்பாளையம் அல்லது காரமடை வழியில் 69 கிமீ தொலைவில் பரளிக்காடு உள்ளது. பரளிக்காடு என்பது மேட்டுப்பாளையம் அருகே நெல்லித்துறைக்கு அருகில் ஒதுக்கப்பட்ட  சுற்றுலா மையமாகும்.

அருகிலுள்ள கிராமங்கள் மற்றும் மலைப்பகுதிகளில் வசிக்கும் பழங்குடியின மக்களின் முன்னேற்றத்தை மேம்படுத்தும் வகையில் இந்த சுற்றுலா கட்டமைக்கப்பட்டுள்ளது. இதன் காரணமாக அனைத்து செயல்பாடுகளும் பழங்குடியின மக்களால் மேற்கொள்ளப்படுகின்றன. அவர்கள் பிரகாசமான பச்சை சீருடையில் உங்களை அன்பான புன்னகையுடன் வரவேற்பார்கள்.



குழந்தைகளுக்கான ஊஞ்சல்களுடன் கூடிய உயரமான மரங்கள் மற்றும் சோர்வுற்ற சாலைப் பயணத்திற்குப் பிறகு நீங்கள் ஓய்வெடுக்கும் இடங்கள் போன்ற ஒரு பெரிய புல்வெளி உங்களை முதலில் வரவேற்கும். ஊழியர்கள் தங்கள் நீண்டகால பாரம்பரியத்தின் ஒரு பகுதியாக இருக்கும் சுக்கு காபியை உங்களுக்கு வழங்குவார்கள். காபி சுவை மிகுந்ததாக உங்கள் உடல் வழிகளை நீக்கி உங்களை அடுத்த கட்டப் பயணத்திற்குத் தயார்படுத்தும்.

பரலி காடு படகு சவாரி

ஒரே நேரத்தில் 150 விருந்தினர்கள் பயணிக்க கூடிய தோராயமாக 40 பரிசல் படகுகள் கட்டப்ப்பட்டிருக்கும். நீங்கள் பரிசல் படகில் ஏறியவுடன், பில்லூர் அணையிலிருந்து வரும் தண்ணீருக்கு நடுவே உங்கள் அமைதியான படகு சவாரி பரளிக்காடுவின் கண்கொள்ளாக் காட்சியை உங்களுக்கு விருந்தாக அளிக்கும். மேற்குத் தொடர்ச்சி மலைகள் பின்னணியில் ஒரு பசுமையான சூழலுக்குள் உங்களை மெய்மறக்கச் செய்யும் அனுபவத்தைத் தரும்.



ஒரு சிறிய பயணத்திற்குப் பிறகு,  15 நிமிட இடைவெளியில் நீங்கள் ஓய்வெடுக்கும் விதமாக சில அழகான புகைப்படங்களைக் கிளிக் செய்யலாம். அதன் பிறகு இனிமையான படகு சவாரி மீண்டும் தொடரும்.

அங்கு ஒரு மெல்லிசை நீரோடை கடந்து செல்கிறது. பரிசல் பயணம் முடிந்த பிறகு அங்கே வெயிலின் வெப்பத்தைத் தணிக்கவும், மாலியில் இருந்து வரும் நீரில் குதூகலமாக விளையாடவும் செய்யலாம்.

பரளிக்காடு பகுதியில் என்னென்ன உணவுகள் கிடைக்கும்?

மெனு பெரும்பாலும் பழங்குடி மக்களின் பாரம்பரிய வேர்களை அடிப்படையாகக் கொண்டது மற்றும் அவர்களால் தயாரிக்கப்படுகிறது. ருசியான ஒவ்வொரு உணவையும் கலந்து உணவாகத் தந்தனரோ என்னும் அளவிற்கு சுவையானதாக இருக்கும்.



முதலில் இனிப்புகளையும், பின்னர் காய்கறி பிரியாணி, ரைத்தா, சாம்பார், வெள்ளை சாதம், சிக்கன் கறி, அப்பளம், ரசம், நாட்டு ராகி கழி மற்றும் தயிர் சாதம் ஆகியவற்றுடன் ரொட்டியையும் உங்களுக்கு வழங்குகிறார்கள். இறுதியாக உணவுகளை ருசித்து முடித்தவுடன், அவர்களால் தேர்ந்தெடுக்கப்பட்ட புதிய வாழைப்பழத்தை வழங்குகிறார்கள்.

டிக்கெட் விலை என்ன, அவற்றை எவ்வாறு முன்பதிவு செய்வது?
டிக்கெட்டுகளை கோவை வனத்துறையின் அதிகாரப்பூர்வ அரசாங்க போர்டல் https://coimbatorewilderness.com/Booking-Baralikadu.aspx மூலம் மட்டுமே ஆன்லைனில் பதிவு செய்ய முடியும். நீங்கள் செய்ய வேண்டியதெல்லாம், தேதி, விருந்தினர்களின் பட்டியல் மற்றும் உங்கள் விவரங்கள் ஆகியவற்றை உள்ளிடவும், நீங்கள் அவர்களின் கட்டணப் பக்கத்திற்கு திருப்பி விடப்படுவீர்கள்.

டிக்கெட் விலை அனைத்து வரிகள், உணவுகள் மற்றும் சவாரிகள் உட்பட பெரியவர்களுக்கு 550 மற்றும் குழந்தைகளுக்கு 450.

ஆகஸ்ட் மாதம் கர்நாடகாவில் மிஸ் பண்ண கூடாத இடங்கள்..

பயணிகள் கவனத்திற்கு..

அணைத்து சனி ஞாயிறுகளில் இயங்கும் பரளிக்காடு பயணத்திட்டம் என்பது காலை 10 மணி முதல் 4 மணி வரை இருக்கும். உள்ளே குளிக்க தேவையான மாற்று உடைகளை எடுத்துச் செல்லுங்கள். அதோடு பரளிக்காடு வரை உள்ள பயணத்தை நாம் தான் பார்த்துக்கொள்ள வேண்டும். வனத்துறை வேறு எந்த ஏற்பாடுகளும் செய்து தராது.
Published by:Ilakkiya GP
First published:

Tags: Coimbatore, Forest, Tourism, Travel, Travel Guide

அடுத்த செய்தி